Isang matalim na titig ang ginawa sa akin ni Sir Damian matapos sagutin ni Trevor ang kanyang tanong. Wari bang inuusig niya ako at gustong patawan ng mabigat na parusa gayong wala naman akong nakikitang masama sa aking ginawa.
"Tinawagan po kasi ako kanina ni Trevor bago kami umalis ng Doña Dorina. Bilin niya po na sabihin ko po kung saan po ang eksaktong lokasyon kung saan kami pupunta." Sagot ko naman na hindi malaman kung paano magpaliwanag sa amo ko na hindi ko maintindihan kung bakit parang nagagalit. Kaibigan niya naman si Trevor kaya ano naman ang masama kung kasama namin siya dito? At saka mas gusto ko na rin na narito si Trevor. Sobrang nakakailang kapag kasama ko si Sir Damian.
"Mabuti naman at naisipan mong ipasyal si Auntie, Damian. Maganda talaga sa kanya ang nakalabas ng h
