"Grabe raw talaga ang naging pambubugbog na ginawa sa taong iyon ayon sa mga nakausap ko na mga taong nakasaksi ng naganap noong isang gabi sa plasa." Kwento ni Tine habang sinasalansan na namin ang kanyang mga pinamili na paninda para sa munti namin na sari-sari store.
Halos puro tig-piso na sitsirya at mga candy dahil ganun ang mga madalas bilhin lalo na ng mga bata dahil nga mura lang.
"Kailan kaya natin makakausap si Trevor? Hanggang ngayon ay hindi natin siya makontak," sambit ko naman matapos na ma-isabit ang sitsirya sa itaas ng aming tindahan.
"Malamang na abala masyado si Trevor kaya hanggang ngayon ay hindi pa natin makontak. Pero salamat talaga sa kanya at wala na tayong dapat na katakutan." Hayag ng aking kaibigan na naubos na ang malamig na tubig sa pitsel. Uhaw na uhaw da
