"Ana Joy, ilagay mo rito ang mga damit ni Mama. Make sure na ang mga importante lang ang ilalagay mo. Ilang pirasong pares ng damit lamang at huwag mong kalimutan ang kanyang mga vitamins at gamot." Sabay abot sa akin ni Sir Damian ng isang maleta na tama lamang ang laki. Nagtataka man ay kusa kong binitiwan ang basahang hawak ko at inabot ang kulay abo na maleta. Kasalukuyan kasi akong nagpupunas ng mga alikabok sa mga naglalakihang banga na nakapuwesto sa magkabilang dulo ng hagdan.
"At pati lahat ng mga gamit mo ayusin mo na rin." Walang buhay na dagdag na sabi ni Sir Damian at saka naupo sa malambot na sofa sa sala.
"Bakit pati ang mga gamit ko?" tanong ko sa sarili at nag-iisip kung bakit lahat daw ng mga gamit ko? At saan kaya pupunta si Doña Dorina?
Isang buwan na mula ng may man
