“Nelson, ano ang ginagawa mo?” gigil na tanong ni Dorry, at itutulak sana ako, pero pinigil ko.
Mas hinapit ko pa siya palapit sa akin, at ngayon nga ay ibinabaon ko na ang mukha ko sa leeg niya.
“Ano ba? Bitiwan mo nga ako!”
“Shhh...”
Pinigil ko na naman ang pagsasalita niya. Nilapat ko rin ang hintuturo ko sa labi niya, na agad naman niyang hinawakan at pabalibag na binitiwan, at ngayon ay nilingon na ako.
“Sira-ulo ka talaga!”
“‘Wag ka ngang maingay... aww...” Daing na naman ang tumapos sa pagsasalita ko.
Napabitiw din ako sa kanya kahit ayaw ko sana. Hinaplos-haplos ko ang sikmura kong kumikirot.
Malakas na siko kasi ang natanggap ko mula kay Dorry; hindi man lang niya hinayaan na matapos ang pagsasalita ko.
Gumagawa pa nga ako ng paraan para manatili siya sa mga bisig ko.
