“Don’t you understand? You are not allowed to get in! Umalis na kayo!” sabi ng sekretarya ng tiyahin ko na puno ng kayabangan habang humaharang sa daanan namin ni Jac. Kinalikot ko na lang ang tainga ko. Para na kasi akong nabibingi sa matinis na boses ng walang galang na babae na ‘to.
“Ikaw ang umalis sa harap namin!" gigil na sabi ni Jac na kulang lang supalpalin na ang nguso ng sekretarya na kibot ng kibot na parang kambing na ngumuya-nguya ng d**o.
“And who are you to order me around? Hindi ikaw ang nagpapasweldo sa akin.” Dinuro-duro nito si Jac, saka naman bumaling ang tingin nito sa akin. Humalukipkip at saka ngumiti nang mala impakta. “And you, who are you to give me orders? Hindi ba’t bunga ka lang sa pagkakasala, from your slutty mother?”
Kumuyom ang kamao ko. Muntik na ako
