“Sir, naiintindihan ko kung anong nararamdaman mo, but sir, alalahanin mong hindi ka na mag-isa ngayon. May asawa ka nang dapat mong protektahan.”
Dobleng lingon ang nagawa ko. Dahil sa matinding galit ko, nakalimutan ko nga si Dorry na kailangan ko ring protektahan laban sa tiyahin ko.
Pwedeng siya ang magiging target ng mga taong gustong gawan ako ng masama, at hindi ko mapapayagan ‘yon. Hindi ko hahayaan na may mangyaring masama sa kanya. Hindi ko hahayaan na mawala siya sa akin gaya ng mga magulang ko.
“Jac, may contact ka pa ba sa mga dati mong kasama?"
Tumango-tango lang si Jac, tuluyan na kasi kaming nakalabas sa eskinitang sinuksukan namin. Kaya alerto na naman si Jac.
“Ako na po ang bahalang kumuntak sa kanila, sir. Nag-aabang lang naman ang mga ‘yon sa tawag ko." Maya may
