"LORD Alessandro."
Nag-angat ng tingin si Alessandro sa kanyang harapan nang marinig niya ang boses na iyon ng lawyer ni Lucas Cesare nang tawagin nito ang pangalan niya.
Siya, ang lawyer ni Lucas Cesare na si Samuel at si Xander ang tanging naiwan sa conference room ng sandaling iyon. Nakaalis na ang ilang miyembro ng Segreto, wala na din ang mag-amang si Adriano at Federico, kasama din ng mga ito na umalis si Carlos na pinakilala ng mga ito na tagapagmana ni Lucas Cesare.
Hindi naman napigilan ni Alessandro ang mapakuyom ng mga kamao nang maalala niya ang naging eksena sa conference room kanina noong dumating si Adriano at kasama nito si Carlos.
Hindi makapaniwala si Alessandro na nakalaya si Carlos mula sa pagkakakulong nito sa Pilipinas, eh, sinigurado niya na hindi ito makakalay
