NAPATIGIL si Daphne sa pagsuklay sa buhok ng marinig niya ang mahinang katok mula sa pinto ng cabin na kinaroroonan niya. Ipinatong niya ang hair brush sa ibabaw ng kama at naglakad siya palapit sa pinto para pagbuksan si Alessandro, sigurado naman siyang ito ang kumakatok ng sandaling iyon dahil silang dalawa lang naman ang naroon sa yate. Kaya pala malakas ang loob ni Alessandro kanina dahil alam pala nito na silang dalawa na lang do'n.
Iyong captain na nagmaneho ng yate kanina ay sinundo pala ng isang speedboat. Mukhang gusto ni Alessandro na mapag-solo silang dalawa para siguro magkaroon silang dalawa ng privacy.
At nang buksan nga niya ang pinto ay bumungad sa paningin niya ang gwapong-gwapo na mukha ni Alessandro habang ang mata ay nakatuon sa kanya.
Nakasuot ito ng kulay asul n
