NAALIMPUNGATAN si Daphne nang makaramdam siya ng mahinang pagyugyog sa balikat niya at nang marinig niya ang masuyong boses ni Alessandro na tumatawag sa kanya.
"Daphne...wake up," narinig niya ang masuyong boses na iyon ni Alessandro.
Dahan-dahan naman siyang nagmulat ng mga mata at agad na sumalubong sa kanyang paningin ang gwapong mukha ni Alessandro.
"Alessandro..." medyo groggy ang boses na tawag naman niya sa pangalan nito nang magtama ang mga mata nila.
Bahagya naman siya nitong nginitian bago ito yumuko para halikan siya sa noo. "You have to put back your clothes," mayamaya ay wika nito sa kanya, napansin nga niya na hawak na nito ang damit niyang tinanggal niya kagabi. "The rescue is coming," dagdag pa na wika nito sa kanya. Pagkatapos niyon ay napansin niya na tumingin it
