"COME in." Matigas ang boses na wika ni Alessandro nang makarinig siya ng mahinang katok na nanggaling sa labas ng library kung nasaan siya.
Nasa Mansion na sila ni Daphne ng sandaling iyon. Nagpapahinga na ngayon si Daphne matapos niya itong ipa-check kay Doc Jean kung wala ba itong natamong pinsala sa nangyari sa kanila. Gusto sana niya itong dalhin sa ospital para ipa-test pero ayaw nito. Sinabi nito sa kanya na okay lang ito at wala daw itong nararamdaman na kakaiba sa katawan. Pero dahil gusto niyang makasiguro kung okay ba talaga ito matapos ang nangyari sa kanila ni Daphne ay ipinatawag ulit niya si Doc Jean para i-check si Daphne. And thank god at okay naman ito.
Mayamaya ay bumukas ang pinto ng library at pumasok do'n si Magnus.
"Lord Alessandro," wika naman nito sa kanya ng
