NAKAAWANG ang bibig ni Daphne nang mapatingin siya kay Alessandro ng ihinto ni Magnus ang kotseng sinasakyan nila sa isang private hangars.
At akmang bubuka ang bibig niya para sana magtanong kung ano ang gagawin nila do'n nang buksan nito ang pinto sa gawi ng backseat at lumabas na ito sa kotse.
Nang makababa ng kotse si Alessandro ay sinilip siya nito sa loob. "Come on, Daphne," wika nito nang hindi pa siya kumikilos mula sa pagkakaupo niya. Umusog naman siya at sa gawi nito mismo siya lumabas dahil nanatiling nakabukas ang pinto.
"What are we doing here?" tanong naman niya agad nang tuluyan siyang nakababa ng kotse. Mula din sa gilid ng kanyang mga mata ay nakita din niya ang pagbaba ni Magnus sa gawi ng driver seat.
Sinundo ulit siya ni Alessandro sa opisina niya kanina pagkata
