GAMIT ang isang kamay ay binuksan ni Daphne ang pinto ng kwarto ng parents niya. At nang mabuksan niya iyon ay tuluyan siyang pumasok sa loob.
"Ma, nagluto po ako ng sopas. Kumain po kayo para magkalaman ang tiyan niyo at para makainom na din po kayo ng gamot," wika ni Daphne sa Mama niya na nakaupo sa kama.
Naisipan kasi ni Daphne na lutuan ng mainit na sabaw ang Mama niya. Kapag nagkakasakit kasi siya ay madalas din siyang lutuan ng Mama niya ng mga sabaw para higupin niya. May lagnat pa kasi ang Mama niya ng sandaling iyon, gusto sana niya itong dalhin sa hospital para sana ipa-check up kaso tumanggi ito. Ayaw daw kasi nito ng amoy ng hospital, well, naiintindihan naman niya ito, kapag ganoong edad ay ayaw ng mga ito na nagpupunta sa hospital.
"Wala akong gana, Daphne," sagot nama
