NANG makita ni Enzo na bumaba na ang daddy niya ay dali-dali siyang pumasok sa bahay at umakyat sa kuwarto ni Domenique. Nang bubuksan na sana ni Enzo ang pinto ay biglang sumakit muli ang kaniyang ulo na tila nahihilo, sa halip na pumasok ay dumiretso muna siya sa kaniyang kuwarto.
“Ahh!” impit na daing niya habang nakahawak sa ulo.
Mabilis niyang inabot ang kaniyang bag at kinuha ang kaniyang mga nakatagong gamot. Mahigit dalawang taon nang dumaranas ng pananakit ng ulo si Enzo, pero hindi lang niya ito ipinapakita sa mga taong nakapaligid sa kan'ya. Maging ang bestfriend niyang si Domenique ay walang alam tungkol sa sakit niya.
Hindi talaga nakipagkita si Enzo sa kaniyang foreigner na boyfriend. Bagkus, pumunta siya sa kaniyang pribadong doktor sa America para sa kaniyang taunang che
