"KAILANGAN malaman ito nina nanay at tatay, lalo na ng daddy mo, Enzo," humihikbing wika ni Domenique habang nakayakap sa baywang ni Enzo.
Inangat ni Enzo ang mukha ng kaibigan saka nagsalita. “Salamat sa pag-aalala mo, Dom. Ngunit hindi ito dapat malaman nina Tatay Pedring at Nanay Soledad. Gusto mo bang pati sila ay mag-alala rin ng dahil sa akin? Mas masasaktan ako kapag nakikita ko silang nasasaktan, Dom," hikbing wika nito.
“Enzo naman, eh! Kung ayaw mong sabihin kina nanay at tatay, sabihin mo sa daddy mo. Malay mo, kapag nalaman ito ng dad mo, matutulungan ka niyang gamutin ang sakit mo, ‘di ba?”
Umiling si Enzo. “Don’t worry, Dom. After ng graduation natin, sasabihin ko lahat kay Dad.”
“Anong plano mo after ng graduation natin?”
Huminga muna ng malalim si Enzo bago nagsalita.
