MATAPOS maghugas ng pinggan si Dom ay palihim siyang umakyat sa hagdan patungo sa kaniyang silid.
Bitbit ang bag niya na may lamang mga files ni Leon Lee na kinuha niya mula sa opisina ni Dinah.
Ni-lock niya ang pinto at nagmamadaling umupo sa kaniyang kama. Mabilis niyang kinuha ang folder sa kaniyang bag at isa-isang tiningnan ang folder ng Leon Lee’s Resort.
Nanlaki ang mga mata ni Dom dahil sa galit nang makita niyang may mga pirma ang kaniyang mga magulang sa isang Deed of Sale.
“Paano nangyari na may mga pirma sina nanay at tatay rito?” bulalas niya sa kaniyang sarili.
At mas lalo siyang naguluhan nang makita niya ang mga pirma ni Rhodri. "Teka! Kung may pirma si Rhodri dito, ibig sabihin matagal na niyang kilala ang mga magulang ko?" nagtatakang tanong ni Dom sa kaniyang sari
