Gumising sila nang maaga upang sila ang mauna sa training facilities ng lugar. Matapos mag handa ay nagsimula na silang magtungo sa pinakagustong gamitin ni Dane. Ang pasilidad kung saan ay malaya siyang mamimili kung sino ang nais niyang kalabanin.
“Dane naman e. Di-dito na lang ako. Hintayin kita rito sa labas, okay?” Tumango na lang siya at nag martsa papasok sa loob. Nang makapason na siya ay doon niya nakita na mas malawak ito kumpara sa kung anong ginagamit niya noon sa dati niyang pack. Mayroon na rin itong mga dagdag na kagamitan na noon lang niya nakita. Marahil dahil ito sa mas malaki at mas malawak ang hawak nitong kapangyarihan. Alam niyang mas malawak pa ang kakayahan at yaman ng ibang mga lugar, ngunit hindi niya inaasahang ganito sa labas. Ngayon niya naiisip ang sinasabi
