Mabilis na lumipas ang mga araw at dumating na ang panahon ng kanilang pangalawang main training. Sa paglipas ng mga panahong iyon ay nayayamot din si Dane dahil hindi pa nagpapakita sa kaniya si Zen. Ni katiting din ay wala siyang napatunayan sa mga hinala niya. Sapagkat nang nakasalamuha niya ang ibang mga trainee ay katulad pa rin nang dati ang mga ito. Natural ang lahat kumilos at walang kahinahinala. Ang mga galaw ay ’di sadya. Katulad ng nangyari kanina na may labanan sa grupo ng mga trainee dahil sa pambubully. Mabuti na lang at naawat iyon agad dahil baka may mapahamak pa.
“Ang ating pangalawang training ay naglalayong alamin ang inyong kakayahan sa close combat, kung kayo ba ay nararapat sa front line, second line o pang high range. Ang ibig sabihin ay kung sa face to face or fis
