“Would you let me love you, Paprika?” tanong ni Llewyn at marahang gumalaw para saklitin s’ya sa beywang. Napalunok s’ya sa intensidad ng mga titig nito matapos nitong ipaikot ang mga braso sa beywang n’ya. Nang hindi s’ya sumagot ay unti-unting bumaba ang mukha nito at tuluyang sinakop ang mga labi n’ya. Kumalabog ng todo ang dibdib n'ya habang paulit-ulit na sinasagot ang tanong nito sa isip dahil parang nawalan na s'ya ng sapat na lakas para isatinig ang bagay na iyon. Hindi s'ya nakagalaw at agarang napapikit habang ang isip ay awtomatikong napako sa mga labi nitong ngayon ay marahang sinasakop na ang mga labi n'ya. Walang mababakas na pagmamadali sa bawat pagsimsim nito sa mga labi n'ya kaya lalo n'yang nararamdaman ang sinseridad sa mga sinabi nito sa kanya kani-kanila lang.
Llewyn
