"Hindi ako kabit Mrs. Arellano. Kahit kailan, hindi ako magiging kabit," ani ko rito.
"Ang tapang mo Shiena, ano bang ipinaglalaban mo sa buhay?" taas-kilay na tanong niya sa akin.
"Buntis ako," diretsahang saad ko habang nakatingin ako sa matatalim niyang mata.
Halos sumalubong naman ang kanyang kilay dahil sa kanyang narinig.
"Ano?"
"Magkakaanak na kami ni Travis... Kagagaling ko lang sa Doctor kanina, and she said that I am pregnant. Kung hindi ka naniniwala, meron akong pregnancy test na ginamit. Gusto mo bang makita, Mrs. Arellano?" panghahamon na sambit ko rito.
"I don't believed you... Paano ko magagawang paniwalaan ang isang kagaya mo?" pagbibigkas niya.
"Pareho lang tayo nang nasa isip Mrs. Arellano. Katulad mo, hindi rin ako naniniwala sa'yo na kasal na si Travis. Kaya huwag na huwag mo akong pagbibintangan na isang kabit, dahil alam ko na hindi papayag ang boyfriend ko na ikasal siya kay Andrea," giit ko naman.
Laking gulat ko naman nang may kinuha siyang tseke sa kanyang mahabang wallet. Nakita ko ang nakasulat na pera roon at ito ay limang milyon.
"Ayoko nang patagalin pa ang usapan. Ayoko nang umabot pa sa sigawan ang pag-uusap na ito... Siguro naman sapat na iyan para makapagsimula ka ng panibagong buhay na kasama 'yang anak mo. Malaking pera na ang limang milyon, Shiena. Kaya sa tingin ko naman ay magagawa mo nang tanggapin ang salapi na 'yan," she offered while giving me the money.
"Ganyan na ba talaga kababa ang tingin mo sa akin Mrs. Arellano? Akala mo ba ay nabibili ako ng salapi? Hindi mo ako masusuhulan. Hindi mo ako magagawang bilhin sa halagang limang milyo... Ang kailangan ko si Travis, siya ang kailangan namin ng anak ko..."