Iyon ang gusto kong sabihin kay Mikaela ngunit masyado akong naduduwag, napapangunahan ako ng emosyon ko, lalo pa ngayon na mukha na itong maiiyak sa harapan ko.
Mapait akong ngumiti, hindi ko rin mawari kung paano ko nga ba uumpisahan ang ipinunta ko rito. Kalaunan nang matigilan ako nang matanaw ko ang papalapit na si Madame Sylvia mula sa loob ng unit.
"Nandito ka na naman? Sinabi nang huwag ka nang magpapakita 'di ba?"
Sa sigaw na iyon ni Madame Sylvia ay nakarinig kami ng ilang kalabog sa loob ng unit, kasabay pa nito ay ang pagma-materialize ni Mirko sa bandang likuran ni Madame Sylvia.
Wala sa sariling napanganga ako habang pinagmamasdan ang mukha niyang tila ba tinakasan ng kaluluwa, malalalim ang parehong mata nito habang maiitim ang bandang ibaba.
Nakasuot lang din siya ng s
