Kinabukasan ay maaga ulit umalis si Mirko, tantya ko nga ay nagpalit na ito ng schedule sa trabaho kaya ngayon ay ako na lang ang mag-isa sa unit niya.
Wala naman akong ihahatid sa school dahil wala pa si Mikaela, kung kailan siya babalik ay hindi ko pa alam. Nang gisingin ako ni Mirko kaninang umaga para magpaalam ay bumalik lang ulit ako sa pagkakatulog.
Bandang alas dies nang magising ako upang maligo at makapag-ayos ng sarili. Nabanggit ko na kay Mirko na pupunta na lang ako ng Hospital upang dalawin si Inay.
Balak ko ring sunduin sina Benedict at Bryan sa bahay ni Aling Elda para sa unang pagkakataon na mabibisita nila si Inay. At dahil wala naman si Mikaela ay naisipan kong magsuot ng simpleng damit.
Isang ternong white polo shirt at faded blue jeans na siyang hinakot ko pa noon
