Matapos makapagpaalam ni Travis ay tuluyan na itong tumalikod, mabilis lang siyang pumasok sa kotse nito na naroon lang sa tapat ng bahay namin. Hindi man lang niya ako hinayaan na maaya ito sa loob ng bahay.
Huminga ako nang malalim, hindi pa nagtagal nang umandar din paalis ang sasakyan ni Travis. Siya namang bagsak ng panga ko sa sahig nang mag-materialize sa paningin ko si Mirko.
Naroon siya nakatayo sa likod ng kotse ni Travis kanina, kaya nang umalis iyon sa pwesto ay naging visible ito sa kaniyang kinatatayuan. Bulgar na nanlaki ang parehong mata ko habang nangungunot ang noo.
Hindi pa ako naniniwala at baka hallucination ko na naman ito, katulad noong nangyari sa unit ni Mirko. Makailang beses ko nang kinurot ang braso upang gisingin ang sarili ngunit naroon pa rin siya sa gawi
