Naalimpungatan si Faith nang naramdaman ang pagbagsak ng jacket na nakapatong sa balikat niya. Nakatulog na pala siya habang nakayukyok ang ulo sa gilid ng clinic bed. Pinulot niya ang jacket. Sigurado siyang kay Ives iyon. Alam kasi niya ang brand ng pabangong gamit nito.
Napatayo siya nang ma-realize na wala na sa prison clinic ang mama niya. Agad siyang lumabas mula roon at naabutan si Ives na nasa infomation desk at tila nag-aasikaso ng mga kung anong dokumento. "Ives, where's my mother?" agad na tanong niya nang makalapit sa binata.
"O, Faith. Gising ka na pala," itinabi nito sa drawer ang mga dokumento. "Unfortunately, she had to go back to her cell. Alam mo naman, kailangan ko ring sumunod sa rules."
"Then why you didn't wake me?" She wanted to see her mother so bad.
