"DADDY!"
Rinig ni Celine na saad ng kanyang anak. Mabilis siyang nagpunas ng kamay para kumpirmahin na si Benedict nga ang dumating. Paglabas niya ng komedor ay nakita niyang kalong na ni Benedict si Angela.
"Sabi mo daddy, sandali ka lang," nakasimangot na saad ng anak niya.
Natawa si Benedict sa sinabi nito at maging siya ay natawa rin. Mag-a-alas otso na rin kasi. Sabi naman kasi nito kanina ay maaga itong uuwi. Pero mukhang malaking aberya ang pinuntahan nito sa site kanina na siya namang naiintindihan niya.
"Kumain na tayo," aniya sa dalawa.
Parehas pang napatingin ang dalawa sa kanya. "Kumain na ako bago umuwi. Samahan ko na lang kayo." Tumayo si Benedict habang buhat-buhat si Angela. Humalik ito sa pisngi niya. Medyo napakonoot ang noo niya dahil sa kakaibang amoy na humalo s
