MALALAKAS na sigawan ang nagpagising kay Celine sa ilalim ng gabi. Pagtingin niya sa orasan na nakasabit sa dingding ay pasado alas-dose na. Mukhang sa tapat ng gate nila nangyayari ang naririnig niyang sigaw mula sa kung sino man.
Mabilis niyang binalot sa katawan ang roba na nakasukbit sa likod ng pinto ng kanyang kwarto. Sinilip muna niya ang silid ng anak upang tiyakin na hindi ito nagising sa ingay mula sa labas ng kanilang bahay. Mukhang mahimbing naman ang tulog nito kaya napanatag siya.
Bumaba siya at mabilis na tinungo ang labas.
"Ma'm Celine, si Sir Benedict po nagwawala sa labas," salubong ni Ate Nelly sa kanya.
Napahilot siya ng noo nang marinig ang sinabi ng kanilang kasambahay. Buti na lang din at wala ang mga magulang niya at talagang nakakahiya kapag nagkataon.
Mabil
