"Paano mo bang sinabi?" mahinang saad ni Shanaya sa anak. Nagbubulungan ang mag-ina dahil nasa kabilang kuwarto lang si Luke. Hindi naman mapakali si Jeselle sa pagkakaupo sa dulo ng kama, katabi ang ina.
Kinakabahan din si Shanaya sa hindi sinasadyang ginawa ng anak.
Hindi nakontak ni Jeselle kanina ang ina kaya hinintay na lang niyang mag-uwian. Bagama't gustong-gusto na niyang umuwi, alam niyang hindi matutuwa ang magulang oras na lumiban siya ng klase.
"Binasa ko kasi ang nakasulat sa isipan niya. Parang... "siya lang ang gusto ko. Sana mapasaakin na siya..." parang ganoon. Tapos sabi ko... "siya lang ang gusto mo... sana mapasa 'yo na siya?" Basta ma, nalilito ako!" Bakas sa mukha ni Jeselle ang pagkalito.
"Shhh... aalamin natin kung nakapagtupad ka ng hiling. Sisilipin ko muna an
