"First time ito, Sandra. Hindi ako makapaniwala nang tumawag ang eskuwelahan. At ito, ganito ang sasabihin nila tungkol sa 'yo?"
Galit na nilingon ni Carmela ang anak. Traffic kaya habang sinisermunan ito ay nakikita niya ang reaksiyon ng mukha nito.
Nakabusangot si Sandra katabi ang ina na nasa driver's seat. Habang nakatingin sa labas ng kotse. Nakahalukipkip rin ito at walang balak na kausapin ang ina. Naiwan ang dalawa niyang anak sa lola ng mga ito. Buti at dumalaw ito nang tumawag nga ang guro ni Sandra. May nagbantay sa mga bata.
"Ano bang nangyayari sa 'yo? Hindi ka naman ganiyan... hindi ka ganiyan. Ang kasuotan mo? Ano 'yan? Hindi ikaw ang Sandra na pinalaki namin ng tatay mo." Nagtitimping saad ni Carmela. Eksaktong lumingon ang anak ng mag-go na.
"Ito na ang bagong Sandra.
