Bago pa man makapagsalita si Torikara, agad na pumitik sa harapan niya si Tamara pagkatapos na umusal ng mabilisang dasal. At unti-unting pumikit ang mga mata ng dalaga at isa pa muling pagpitik sa ere at lumutang ang katawan nang natutulog na dalaga at dagli niyang ipinasok sa loob ng kulungan.
"Iisahan mo pa ako. Alam kong nagpapanggap ka lang." At nakaismid na tumalikod si Tamara, habang nasisiyahang hawak ang korona sa kaniyang ulo.
"Ngayon, ako na ang hihiranging pinuno ng mga mahiwagang dayo. Tingnan ko lang kung hindi sila lumuhod sa akin." At kasabay nang paniningkit ng mga mata nito, ay ang madiing pagtikom sa kaniyang labi. "Humanda silang lahat!"
***
"Hindi magagawa ni Torikara 'yun," mahinahong saad ni Ran. Kasalukuyan silang naghahanda para sana sa paghuli kay Tamara, pero
