"Jeselle?" Napakunot-noo si Jeselle nang pakatitigan siya ng kaklaseng si Rina. May kaliitan ito kumpara sa kaniyang taas. Ito ang tipikal na petite pero maganda. Para kasing takang-taka ito na papasok siya ng silid at nasa pintuan ito habang nagte-text.
Tsinek niya ang damit dahil baka gusot o kaya may butas sa kung saan. Wala naman. Pero, para kasing hindi makapaniwala ang mga tinginan nito. May nagbago kaya sa kaniya at ganito ito makatingin?
"Bakit? Anong problema?" inayos ni Jeselle ang mga librong hawak bago tinanong si Rina na nakakunot-noo na rin.
"Bakit ang bilis mo naman ata? Sunuran lang tayo. Hindi ba kayo natuloy ni Calvin?"
"Si Calvin? Ha? Kararating ko lang at hindi ko pa siya nakikita. Bakit?" Anong nangyayari?
"Ano? E, binati pa kita sa parking nang pasakay ka sa kots
