"Mayroon pala tayong malaking problema." napatingin ang lahat kay Liah, ang ninunong dayo na kulay pula ang buhok. Bagama't masaya siya dahil mukhang natatanggap na ni Torikara na ang dalawang nakayakap sa kaniya ang kaniyang magulang. May biglang sumagi sa kanila nang malaman na kalahating dayo nga pala ang dalaga.
"Kung si... Ina ang inyong sinasabi, kakausapin ko siya... Namin ni Ran. Baka sakaling makinig siya sa amin. Isasama na rin po namin si Ginoong Mugsy para bumalik na siya rito." Kahit paano ay mahal na mahal niya ang kinagisnang ina kaya ayaw niya rin itong mapahamak.
Umiling si Shera, ang ninunong dayong kulay dilaw ang buhok. "Hindi iyon. Maaari, pero kilala namin si Torikara, hindi pa muna iyon magpapakita. Paniguradong pupunta siya rito, pero hindi ngayon. Mas mahalaga ta
