Hawak ang nahulog na ID ni Rey dati, binasang muli ni Ran ang nakaarkong pangalan ng eskuwelahang nasa kanilang harapan. Pareho naman, kaya tiyak siyang iyon ang kanilang pupuntahan.
"Heto na nga iyon --" Hindi na naituloy ni Ran ang sasabihin sana kay Torikara dahil nakita niya itong namamanghang nakatingin sa paligid. Naroong hinahawakan nito ang gate at sumisilip sa loob. Nakangiting binabati ang mga estudyanteng napapailing lang sa kaniya. Agad nang nilapitan ito ni Ran at baka mapagkamalan pa itong sira-ulo. Kahit pa napakaganda nito para maging ganoon.
"Torikara, anong ginagawa mo?" hinawakan nito ang braso ng dalaga at pilit na pinatitingin sa kaniya.
"Heto pala ang lugar ng mga mortal! Ang ganda! Ang daming tao na iba-iba ang kasuotan. Napakaganda nilang lahat. At ang paligid
