"What about other goals in life? If tingin mo, hindi ka nag-e-excel sa kahit ano, mayro'n ka naman sigurong gustong marating, 'di ba? Halimbawa, makapagpatayo ng mas malaking bahay, makabili ng kotse–"
"Gusto kong may mapatunayan sa tatay ko," pagputol ko sa kanya.
"Sa tatay mo?" Kumunot ang noo niya.
Tumango ako. "Oo. Nasabi ko na sa'yo, 'di ba? Sumakabilang-bahay ang isang 'yon. Gusto kong ipakita sa kanya na hindi ko kailangan ng pera niya. Gusto kong maging independent."
"I see... you want to cut every connections you have with your father?"
"Gano'n na nga,"
"But the problem is..."
"I still can't. Hindi ko kayang mabuhay na ako lang." Pag-amin ko at bumuntong-hininga. "Mahihirapan ako. Ngayon nga lang, nagkakandaletse-letse na ako sa mga bayarin. Minsan, tinitiis ko na lang an
