"Chain, gising na..." Unti-unting nagmulat ang mata ko nang maramdaman ang pag-alog sa akin ni Ate Lisa.
Kinusot ko ang mata ko at ginala ang paningin. Nakita ko sila na pababa na ng van habang dala-dala ang mga gamit nila. Nag-unat ako ng braso at humikab.
"Nandito na po ba tayo..." Saglit akong sumilip sa bintana, na-confirm ko na na narito na nga kami sa tapat ng company.
"Oo, tara na. Napasarap yata ang tulog mo, pagod ba?" Nakangiting tanong nito.
Natawa ako nang bahagya at napatango. "Opo, e. Feeling ko nga po, kaya ko pang matulog ng isang buong araw sa bahay."
"Ayon lang at may pasok na bukas,"
Napakamot ako sa batok ko at ngumuso. "Susulitin ko na lang po ang tulog ngayong gabi."
Pagbaba namin ng van, kinausap pa ni Ate Maribel 'yong driver. May sinabi itong kung ano a
