Nalilito akong nakatingin sa kanila, palipat-lipat ang mata ko. Hindi ko alam kung paano ako magsisimula sa sasabihin ko– sa totoo lang, mukhang nawalan na ako ng sasabihin dahil sa nangyayari. Ako 'yong maraming tanong dito na kailangan nilang sagutin.
Tinawag ni Mee kanina si Collier na para bang kilala niya ito– hindi ako pwedeng magkamali. Sure akong gano'n 'yong pagkakarinig ko.
Nang bumalik ang mata ko sa kanilang dalawa, napansin kong hindi sila nagtitinginan. Nakaiwas ang mata ni Mee kay Collier, samantalang si Collier naman ay nakayuko.
May mali rito for sure. Somehow, masama ang pakiramdam ko. Parang hindi ko gusto 'yong ganitong klase ng atmosphere.
Napalunok ako at pekeng umubo. Mukhang nakuha ko naman ang atensyon nila dahil sa pagtingin nila sa aking dalawa. Parehong
