Abala si Tiffa sa pagtatrabaho sa loob ng kaniyang opisina ng biglang pumasok ang sekretarya niyang si Mildred.
"Miss Tiffa, pasensiya ka na, alam kong busy ka at ayaw mong tumanggap ng bisita ngayon kaya lang may babae sa labas, mapilit siya, gusto ka raw niyang makausap."
Nangunot ang noo ni Tiffa. "Sino siya?" tanong niya.
"Siya raw si Vhia Alonte," tugon nito.
Mas lalong nangunot ang noo ni Tiffa, wala siyang kilala na ganuon ang pangalan.
"Ano raw ang kailangan niya at bakit gusto niya akong makausap?"
Umiling si Mildred. "Hindi ko alam Miss, wala siyang sinabi basta nagde-demand siya na makausap ka ngayon din. Kailangan na ba akong magpatawag ng security? Mukha kasing hindi business ang pakay sa 'yo, Miss," may pag-aalalang sabi nito.
Nagdalawang isip si Tiffa kung papapasuk
