Sakay ng chopper na pag-aari ng mga Frio ay bumiyahe si Archer kasama ang assistant ng kaniyang ama na si Ms. Antonio papunta sa Santa Catalina. Nang mag-landing ang chopper ay may sasakyan na naka abang sa kanila para maghatid sa bayan. Sinalubong agad siya ni Binggo na siyang inutusan niya na umarkila na van na masasakyan.
"Wow, tol, astig! May pa-chopper ka na ngayon. At ang damit mo mukhang mamahalin. Saan mo nakuha 'yan? Saan ka ba talaga nanggaling? Dalawang araw ka lang nawala ay ang laki na agad ng ipinagbago mo. Ano ba ang ginawa mo sa Maynila? Naghanap ka ba ng sugar mommy? Nakakita ka ng sugar mommy na magsusustento sa'yo noh? Siya ba ang sugar mommy mo?" tanong ni Binggo kay Archer itinuro nito ang pababa sa chopper na si Ms. Antonio. Inaalalayan itong makababa ng piloto.
Si
