FORSYTHE
Hindi ko maialis ang tingin ko kay Gabby, maging siya ay parang napako na lamang sa kinatatayuan niya. Parang multong nagpapakita sa isip ko ang nangyari sa amin kagabi hanggang kaninang madaling araw.
Ipinilig ko rin ang ulo ko dahil ramdam ko ang panginginig ng katawan ko sa mga alaalang naglalaro sa isip ko. Hindi ko alam kung kinikilabutan ako o kinikilig... kasalanan talaga ito ni Conan! Masyadong mapagdesisyon ang lalaking katauhan ko at nagpadala sa tawag ng pangangailangan, at nakuha pang mag-enjoy!
Hinagod ko ang likod ni Fiory na ngayon ay nakasubsob na sa leeg ko habang tahimik na humihikbi.
Mabuti at nagsalita si Tita Sienna dahil nakakaramdam nanaman ako ng kakaiba, parang nabubuhay nanaman si Conan nang magtama ang tingin namin ni Gabby. Masuyong hinawakan ako n
