HUMINTO ang traysikel na sinasakyan ni Jean nang marating ang kaniyang sasakyan na nakaparada sa gilid ng kalsada. Sabay-sabay silang tatlo na bumaba samantalang si Ryan nasa unahan pa pumarada. Sinadya iyon ni Ryan para kapag mag-U-Turn siya mamaya ay madali lang dahil walang sagabal at wala siyang masagi.
""Jean, excuse! Gilid ka muna,"" wika ni Nonoy.
Bahagyang tinabig ni Nonoy si Jean at gumilid naman siya. Kukunin kasi ni Nonoy ang diesel na iniwan ng mga ito sa gilid ng sasakyan niya.
""Jean, akin na iyong car key mo."" Si Ryan na lumapit sa kaniya.
Kinuha ni Jean ang susi ng kaniyang sasakyan sa loob ng kaniyang bag. Inabot niya iyon kay Ryan at binuksan nito ang kaniyang sasakyan. Buti na lang at hindi siya salaula na babae kaya't mabango at malinis ang loob niyon.
""Kami na
