ليحيا بك قلبي15

2011 Words

NOVEL ? روايات: #ليحيا_بك_قلبي15 ﻗﺎﻟﺖ ﻟﻲ ﻳﺤﻴﻰ .. ﻳﺤﻴﻰ ﺃﻧﺎ ﻣﻴﺎﻣﻦ ﺳﺎﺍﻋﺪﻧﺎ ﻧﺤﻨﺎ ﺃﺗﺨﻄﻔﻨﺎ ﺃﻧﺎ ﻣﻦ ﺳﻤﻌﺖ ﺻﻮﺗﻬﺎ ﻗﻠﺒﻲ ﺣﺴﻴﺘﻮ ﺃﺗﻨﻔﺾ ﻣﻦ ﻣﻜﺎﻧﻮ ﻭﻗﻠﺖ ﻟﻴﻬﺎ ﺑﻲ ﻟﻬﻔﺔ ﻣﻴﺎﻣﻦ! ﻭﻛﺎﻧﻮ ﻣﺎ ﻣﺼﺪﻕ ﺃﻧﻮ ﺩﻱ ﻫﻲ ﻓﻌﻼ ﻗﻠﺖ ﻟﻴﻬﺎ ﺇﻧﺘﻮ ﻭﻳﻦ ﻭﺭﻳﻨﻲ ﺳﺮﻳﻴﻴﻊ؟! ﻛﺎﻧﺖ ﻋﺎﻭﺯﺓ ﺗﻘﻮﻝ ﻟﻲ ﺍﻟﻤﻜﺎﻥ ﻛﺪﺓ ﺑﺲ ﺳﻤﻌﺖ ﺻﻮﺕ ﻭﺍﺣﺪ ﻗﺎﻝ ﻟﻴﻬﺎ ﺟﺒﺘﻲ ﺍﻟﺘﻠﻔﻮﻥ ﺩﺍ ﻣﻦ ﻭﻳﻦ ﻳﺎ ﻭﺳﺨﺔ ﻭﻓﺠﺎﺓ ﺍﻟﺨﻂ ﻓﺼﻞ، ﺭﺟﻌﺖ ﻓﻴﻬﻮ ﻛﺎﻥ ﻣﻘﻔﻮﻝ ﺑﺪﻭﻥ ﻣﺎ ﺃﺗﻜﻠﻢ ﻣﻊ ﻫﺒﺔ ﻃﻠﻌﺖ ﺣﺘﻰ ﺃﻣﻬﺎ ﻣﺎ ﻭﺩﻋﺘﻬﺎ، ﻓﻲ ﺍﻟﺸﺎﺭﻉ ﺣﺘﻰ ﺃﺳﺘﻮﻋﺒﺖ ﺃﻧﻮ ﺃﻧﺎ ﻣﺎ ﻋﺎﺭﻑ ﻣﻜﺎﻧﻬﻢ ﻭﻳﻦ، ﻛﺎﻥ ﻋﻨﺪﻱ ﺻﺤﺒﻲ ﺷﻐﺎﻝ ﻓﻲ ﺟﻬﺎﺯ ﺍﻷﻣﻦ ﻭﺍﻟﻤﺨﺎﺑﺮﺍﺕ ﻃﻮﺍﻟﻲ ﺃﺗﺼﻠﺖ ﻋﻠﻴﻬﻮ ﻗﻠﺖ ﻟﻴﻪ ﻣﺆﻣﻦ ﻳﺎ ﺣﺒﻴﻴﻨﺎ ﻗﺎﻝ ﻟﻲ ﺃﻭﻭ ﺃﺑﻮ ﺍﻟﺸﺒﺎﺏ ﺧﺒﺮﺍﺗﻚ! ﻗﻠﺖ ﻟﻴﻬﻮ ﻛﻠﻮ ﺗﻤﺎﻡ ﺍﻟﺘﻤﺎﻡ ﺑﺲ ﻋﺎﻳﺰﺍﻙ ﻣﻨﻚ ﺧﺪﻣﺔ ﺻﻐﻴﺮﺓ ﻗﺎﻝ ﻟﻲ ﺃﺑﺸﺮ ﻳﺎ ﺯﻭﻝ ﻗﻠﺖ ﻟﻴﻬﻮ ﺃﺻﻠﻚ ﻣﺎ ﺑﺘﻘﺼﺮ، ﺍﻟﻤﻬﻢ ﻋﻨﺪﻱ ﺑﺖ ﺟﻴﺮﺍﻧﺎ ﻣﺨﺘﻔﻴﺔ ﻟﻴﻬﺎ ﺯﻱ ﺗﻼﻧﺔ ﻳﻮﻡ ﺃﻭ ﺑﻲ ﺍﻻﺻﺢ ﺃﺗﺨﻄﻔﺖ ﻭﻧﺤﻨﺎ ﻛﻨﺎ ﺑﻨﻔﺘﺶ ﻟﻴﻬﺎ ﻭﺍﻟﻠﻴﻠﺔ ﻗﺒﻞ ﺷﻮﻳﺔ ﺿﺮﺑﺖ ﻟﻲ ﻭﻗﺎﻟﺖ ﻟﻲ ﺳﺎﻋﺪﻧﺎ ﻭﺍﻟﺨﻂ ﻓﺼﻞ ﻗﺒﻞ ﻣﺎ ﺗﻮﺭﻳﻨﻲ ﻣﺤﻠﻬﻢ ﻓﻌﺎﻳﺰﻙ ﺗﺸﻮﻑ ﻟﻲ ﻣﻮﻗﻌﻬﺎ ﻭﻳﻦ ﺑﺎﻟﻈﺒﻂ ﻣﻦ ﺧﻼﻝ ﺍﻟﺮﻗﻢ ﺍﻟﻀﺮﺑﺖ ﻟﻲ ﺑﻴﻬﻮ ﻗﺎﻝ ﻟﻲ ﺟﺪﺍً ﻣﺎ ﻋﻨﺪﻙ ﺃﻱ ﻣﺸﻜﻠﺔ ﺃﻧﺖ ﺑﺲ ﺭﺳﻞ ﻟﻲ ﺍﻟﺮﻗﻢ ﻭﺃﻧﺎ ﺑﺮﺳﻞ ﻟﻴﻚ ﺍﻟﻠﻮﻛﻴﺸﻦ ﻭﺍﺗﺴﺐ ﻗﻠﺖ ﻟﻴﻬﺎ ﺗﺴﻠﻢ ﻳﺎﺍﺧﻲ ﻣﺎ ﻋﺎﺭﻑ ﺃﺷﻜﺮﻙ ﻛﻴﻒ ﻗﺎﻝ ﻟﻲ ﻣﺎ ﺑﻴﻨﺎﺗﻨﺎ ﻳﺎﺍﻩ، ﺭﺳﻠﺖ ﻟﻴﻬﻮ ﺍﻟﺮﻗﻢ ﻭﻫﻮ ﺃﺧﺪ ﺯﻱ ﺣﻜﺎﻳﺔ ﺭﺑﻊ ﺳﺎﻋﺔ ﻭﺃﻧﺎ ﻓﻀﻠﺖ ﻣﻘﻠﻖ ﻭﻣﺘﻮﺗﺮ ﻭﺃﻋﺼﺎﺑﻲ ﺑﺎﻳﻈﺔ ﻭﻣﺎ ﺻﺪﻗﺖ ﺳﻤﻌﺖ ﺻﻮﺕ ﺍﻟﺮﺳﺎﻟﺔ ﻓﻲ ﺗﻠﻔﻮﻧﻲ ﻓﺘﺤﺘﻬﺎ ﻟﻘﻴﺘﻮ ﻣﺮﺳﻞ ﻟﻲ ﺍﻟﻠﻮﻛﻴﺸﻴﻦ ﻛﺎﻥ ﻣﻜﺎﻥ ﻗﺮﻳﺐ ﻣﻦ ﺗﻮﺗﻲ، ﺿﺮﺑﺖ ﻟﻲ ﺍﻟﺸﺮﻃﺔ ﻭﺭﻳﺘﻬﻢ ﻭﻫﻤﺎ ﻟﺤﻘﻮﻧﻲ ﻣﺎ ﻛﻨﺖ ﻋﺎﻳﺰ ﺃﻋﺮﺽ ﺣﻴﺎﺓ ﻧﺎﺱ ﻣﻴﺎﻣﻦ ﻟﻲ ﺍﻟﺨﻄﺮ ﻭﺃﺗﻬﻮﺭ ﻓﻌﺸﺎﻥ ﻛﺪﺓ ﺃﻧﺘﻈﺮﺕ ﻟﻤﻦ ﺍﻟﺸﺮﻃﺔ ﺟﺎﺕ ﻭﺑﻌﺪﻫﺎ ﺩﺍﻫﻤﻨﺎﻫﻢ، ﺍﻟﻤﻜﺎﻥ ﻛﺎﻥ ﻋﺒﺎﺭﺓ ﻋﻦ ﻣﺨﺰﻥ ﺻﻐﻴﺮ ﻟﻘﻴﻨﺎﻫﻢ ﻗﺎﻋﺪﻳﻦ ﻓﻲ ﺍﻷﺭﺽ ﻭﻣﺮﺑﻄﻴﻦ ﻭﺟﻨﺒﻬﻢ ﺭﺍﺟﻞ ﻧﺴﻴﺒﺔ ﻭﻣﻌﺎﻫﻮ ﺃﻭﻻﺩ ﺗﺄﻧﻴﻦ ﻓﻲ ﻋﻤﺮﻭ ﺗﻘﺮﻳﺒﺎ ﺷﻠﺘﻮ ﻭﺍﻟﻌﺼﺎﺑﺔ ﺑﺘﺎﻋﺘﻮ، ﻟﻤﻦ ﺷﻔﺖ ﻣﻨﻈﺮﻫﻢ ﺍﻟﺪﻧﻴﺎ ﺿﻠﻤﺖ ﻓﻲ ﻭﺷﻲ ﻭﻗﻠﺒﻲ ﻭﺟﻌﻨﻲ ﺷﺪﺩﺩﻳﺪ، ﺍﻟﺸﺮﻃﺔ ﺃﻋﺘﻘﻠﺘﻬﻢ ﻭﺃﻧﺎ ﻓﻜﻴﺖ ﻣﻴﺎﻣﻦ ﻭﻧﺴﻴﺒﺔ ﻣﻦ ﺍﻟﺤﺒﻞ ﺍﻟﻜﺎﻧﻮ ﺭﺍﺑﻄﻨﻬﻢ ﺑﻴﻬﻮ، ﻣﻴﺎﻣﻦ ﻛﺎﻧﺖ ﻓﻲ ﺣﺎﻟﺔ ﺗﺎﻧﻴﺔ ﻭﻛﺄﻧﻬﺎ ﻣﺎ ﻛﺎﻧﺖ ﻣﺴﺘﻮﻋﺒﺔ ﺍﻟﺤﺼﻞ ﺃﻭ ﻛﺎﻧﻬﺎ ﻓﻲ ﻣﻜﺎﻥ ﺗﺎﻧﻲ، ﻗﻠﺖ ﻟﻴﻬﺎ ﻣﻴﺎﻣﻦ ﺇﻧﺘﻲ ﻛﻮﻳﺴﺔ! ﻗﺎﻟﺖ ﻟﻲ ﺯﺡ ﻣﻨﻲ ﺃﻳﺎﻙ ﺗﻠﻤﺴﻨﻲ، ﻟﻤﻦ ﻗﺎﻟﺖ ﻛﺪﺓ ﻋﺮﻓﺘﻬﺎ ﺃﻧﻬﺎ ﻣﺎ ﻓﻲ ﻭﻋﻴﻬﺎ ﺧﻠﻴﺖ ﻧﺴﻴﺒﺔ ﺗﻤﺴﻜﻬﺎ ﻭﺗﺴﻮﻗﻬﺎ ﻟﻲ ﻋﺮﺑﻴﺘﻲ ﻭﺃﻧﺎ ﻣﺎ ﻋﺎﺭﻑ ﺑﺲ ﻭﻗﻌﺖ ﺿﺮﺏ ﻓﻲ ﺭﺍﺟﻞ ﻧﺴﻴﺒﺔ ﻭﻟﻮ ﻣﺎ ﺍﻟﺸﺮﻃﺔ ﻓﻜﻮﻧﻲ ﻣﻨﻮ ﻣﺎ ﻛﻨﺘﺎ ﺡ ﺃﻗﻴﻒ، ﻗﻠﺖ ﻟﻴﻬﻮ ﺃﻧﺖ ﻛﻴﻒ ﺑﺘﺠﺮﺉ ﺃﻧﻚ ﺗﺨﻄﻔﻬﻢ؟! ﻗﺎﻝ ﻟﻲ ﺗﺎﻧﻲ ﻟﻮ ﻟﻘﻴﺖ ﻓﺮﺻﺔ ﺡ ﺃﺧﻄﻔﻬﻢ ﻭﺍﻟﻤﺮﺓ ﺍﻟﺠﺎﻳﺔ ﺡ ﺃﻗﺘﻠﻬﻢ ﻣﺒﺎﺷﺮﺓً ﻗﻠﺖ ﻟﻴﻬﻮ ﺩﺍ ﻟﻮ ﻟﻤﻴﺖ ﻓﻴﻬﻢ ﻳﺎ ﻛﻠﺐ ﻻﻧﻲ ﻟﻮ ﺷﻔﺘﻚ ﺑﺎﻟﻐﻠﻂ ﺣﺎﻳﻢ ﺣﻮﻟﻴﻬﻢ ﺡ ﺃﻭﺭﻳﻚ ﻧﺠﻮﻡ ﺍﻟﻈﻬﺮ ﻭﺗﻔﻴﺖ ﻓﻲ ﻭﺷﻮ ﻭﻃﻠﻌﺖ ﺑﺮﺓ، ﻃﻮﻝ ﺍﻟﻄﺮﻳﻖ ﻭﻧﺴﻴﺒﺔ ﻣﺎﺳﻜﺔ ﻣﻴﺎﻣﻦ ﻭﺣﺎﺿﻨﺎﻫﺎ ﻋﻠﻴﻬﺎ ﻭﻫﻴﺎ ﺑﺘﺒﻜﻲ ﻭﺑﺘﺮﺟﻒ، ﻳﻌﻨﻲ ﻛﻞ ﺍﻟﻨﺎﺱ ﻓﺎﻫﻤﻴﻦ ﺣﻜﺎﻳﺘﻬﺎ ﻭﻋﺎﺭﻓﻨﻬﺎ ﺇﻻ ﺃﻧﺎ ﺣﺘﻰ ﻧﺴﻴﺒﺔ ﺍﻟﺠﺎﺕ ﻗﺒﻞ ﻛﻢ ﻳﻮﻡ ﺩﻱ ﻋﺮﻓﺘﻬﺎ ﺑﺪﻟﻴﻞ ﺃﻧﻬﺎ ﻛﺎﻧﺖ ﻓﺎﻫﻤﺔ ﺍﻟﺤﺎﻟﺔ ﺍﻟﺪﺍﺧﻠﺔ ﻓﻴﻬﺎ ﺍﻟﻠﺤﻈﺔ ﺩﻳﻚ، ﻛﺎﻥ ﻧﻔﺴﻲ ﺍﻓﻬﻢ ﻫﻲ ﻣﺎﻻ! ﻗﺼﺘﻬﺎ ﺷﻨﻮ! ﻟﻲ ﺍﻟﺤﺰﻥ ﻣﺴﻴﻄﺮ ﻋﻠﻰ ﻋﻴﻮﻧﻬﺎ ﺑﺎﻟﻄﺮﻳﻘﺔ ﺍﻟﺴﺌﻴﺔ ﺩﻱ، ﻭﺻﻠﻨﺎ ﺑﻴﺘﻬﻢ ﻭﺩﺧﻠﻨﺎ ﺟﻮﺍ ﺃﻣﻬﺎ ﻟﻤﻦ ﺷﺎﻓﺘﻬﺎ ﻗﺪﺍﻣﻬﺎ ﻣﺎ ﺻﺪﻗﺖ ﻭﺑﻜﺖ ﻣﻌﺎﻫﺎ ﺟﻨﺲ ﺑﻜﻰ ﻓﻲ ﺍﻟﺪﻧﻴﺎ ﺩﻱ، ﻗﺎﻟﺖ ﻟﻲ ﻟﻘﻴﺘﻬﺎ ﻭﻳﻦ ﻳﺎ ﻭﻟﺪﻱ ! ﻗﻠﺖ ﻟﻴﻬﺎ ﻓﻲ ﻣﺨﺮﻥ ﻗﺮﻳﺐ ﻣﻦ ﺗﻮﺗﻲ ﻛﺎﻥ ﺧﺎﻃﻔﻬﻢ ﺭﺍﺟﻞ ﻧﺴﻴﺒﺔ ﻟﻼﺳﻒ، ﺧﺎﻟﺘﻮ ﻗﺎﻟﺖ ﻟﻲ ﻭﻫﻮ ﻫﺴﻲ ﻭﻳﻦ! ﻗﻠﺖ ﻟﻴﻬﺎ ﻓﻲ ﺍﻟﺴﺠﻦ ﻗﺎﻟﺖ ﻟﻲ ﺍﻟﻠﻪ ﻳﺎﺫﺍﻫﻮ ﺯﻱ ﻣﺎ ﺃﺫﺍﻧﺎ ﺣﺴﺒﻲ ﺍﻟﻠﻪ ﻓﻴﻬﻮ ﻭﺍﻟﻌﺠﺐ ﺃﻡ ﻧﺴﻴﺒﺔ ﺑﻜﺖ ﺷﺪﺩﻳﺪ ﻟﻤﻦ ﺷﺎﻓﺖ ﺑﺘﻬﺎ، ﻫﻴﺎ ﺃﺳﺎﺳﺎ ﻛﺎﻧﺖ ﻋﺎﺭﻓﺔ ﺑﻘﺼﺔ ﺍﻟﺨﻄﻒ ﻭﻛﻞ ﻳﻮﻡ ﺑﺘﺠﻲ ﻧﺎﺱ ﺧﺎﻟﺘﻮ ﺳﺎﻣﻴﺔ ﻣﻦ ﺍﻟﺼﺒﺎﺡ ﺑﺪﺭﻱ ﻭﻣﺎ ﺑﺘﺮﺟﻊ ﺍﻻ ﻟﻤﻦ ﺃﻧﺎ ﺃﻏﺼﺒﻬﺎ ﻭﻛﻞ ﻳﻮﻡ ﺑﺘﺠﻲ ﻋﻠﻰ ﺃﻣﻞ ﺃﻧﻬﺎ ﺗﻠﻘﻰ ﺑﺘﻬﺎ ﻓﻤﺎ ﺃﺳﺘﻮﻋﺒﺖ ﺃﻧﻮ ﺷﻮﻓﺘﻬﺎ ﻗﺪﺍﻣﻬﺎ ﻭﺃﻧﻬﺎﺭﺕ ﺷﺪﺩﻳﺪ، ﻟﺤﺪ ﺍﻟﻌﺼﺮ ﺣﺘﻰ ﻣﻴﺎﻣﻦ ﺭﺟﻌﺖ ﻃﺒﻴﻌﻴﺔ ﻭﻛﻨﺎ ﻛﻠﻨﺎ ﻭﺍﻗﻔﻴﻦ ﺣﻮﻟﻴﻬﺎ، ﻗﻠﺖ ﻟﻴﻬﺎ ﻣﻤﻜﻦ ﺗﻔﻬﻤﻴﻨﺎ ﺍﻟﺤﺼﻞ ﺷﻨﻮ! ﻭﺗﻮﺭﻳﻨﺎ ﺍﻟﻘﺼﺔ ﻭﺣﺼﻞ ﻣﻌﺎﻛﻢ ﻛﺪﺓ ﻛﻴﻒ! ﻗﺎﻟﺖ ﻟﻲ....... _____________________ ﻗﺒﻞ ﺗﻼﺗﺔ ﻳﻮﻡ -: ﺑﻌﺪ ﻣﺎ ﺍﻟﻜﻤﺴﺎﺭﻱ ﻃﻠﻊ ﺍﻟﻤﻄﻮﺓ ﻣﻦ ﺟﻴﺒﻮ ﻭﻗﺎﻝ ﻟﻴﻨﺎ ﺡ ﺗﺴﻜﺘﻮ ﻭﻻ ﺃﺳﻜﺘﻜﻢ ﺑﻄﺮﻳﻘﺘﻲ! ﺃﻧﺎ ﻫﻨﺎ ﺃﻳﻘﻨﺖ ﺗﻤﺎﻣﺎً ﺃﻧﻨﺎ ﺃﺗﺨﻄﻔﻨﺎ، ﻗﻠﺖ ﻟﻴﻬﻮ ﺃﻧﺖ ﻣﻨﻮ ﻭﺩﺍﻳﺮ ﻣﻨﻨﺎ ﺷﻨﻮ ! ﺳﻴﺒﻨﺎ ﻓﻲ ﺣﺎﻟﻨﺎ ، ﻣﺎ ﺭﺩﺍ ﻋﻠﻲ ﺑﺲ ﺿﺮﺏ ﻟﻲ ﺯﻭﻝ ﻭﻗﺎﻝ ﻟﻴﻬﻮ ﺃﻟﻮﻭ ﺇﻳﻮﺓ ﺍﻟﻤﻬﻤﺔ ﻧﺠﺤﺖ ﻭﺟﺒﻨﺎ ﻟﻴﻚ ﺍﻟﺒﺘﻴﻦ ... ﺡ ﻧﺴﻠﺘﻢ ﺍﻟﻘﺮﻭﺵ ﻣﺘﻴﻦ ... ! ﺃﻱ ﻣﺘﺎﻛﺪﻳﻦ ﺃﻧﻬﻢ ﻧﻔﺲ ﺍﻟﺒﻨﺎﺕ ﻭﺍﺣﺪﺓ ﻣﻨﻘﺒﺔ ﻭﺍﻟﺘﺎﻧﻴﺔ ﻳﺎﻫﺎ ﺍﻟﺮﺳﻠﺖ ﻟﻴﻨﺎ ﺻﻮﺭﺗﻬﺎ ... ﺧﻼﺹ ﻃﻴﺐ ﺑﻨﺠﻴﻬﻢ ﻟﻴﻚ ﻭﺃﻧﺖ ﺣﻀﺮ ﺍﻟﻘﺮﻭﺵ ... ﻻﻻ ﺃﺻﻠﻮ ﻣﺎ ﻋﻨﺪﻙ ﻣﺸﻜﻠﺔ ... ﻳﻼ، ﻗﻔﻞ ﺍﻟﺨﻂ ﻭﻧﺤﻨﺎ ﻛﻨﺎ ﺳﺎﻛﺘﻴﻦ ﻻﻧﻮ ﻧﺒﻪ ﻋﻠﻴﻨﺎ ﻣﺎ ﻧﺘﻜﻠﻢ ﺗﺎﻧﻲ، ﻗﺎﻝ ﻟﻴﻨﺎ ﻃﻠﻌﻮ ﺗﻠﻔﻮﻧﺎﺗﻜﻢ ﻭﺣﺎﺟﺎﺗﻜﻢ ﻛﻠﻬﺎ ﻭﺃﺩﻭﻧﻲ ﻟﻴﻬﻢ، ﻓﻲ ﺍﻻﻭﻝ ﺃﺗﺮﺩﺩﺕ ﺃﺩﻳﻬﻢ ﻟﻴﻬﻮ ﺑﺲ ﻣﺪﺍً ﺍﻟﻤﻄﻮﺓ ﺗﺠﺎﻫﻲ ﻭﻛﺎﻥ ﺡ ﻳﺠﺮﺣﻨﻲ ﺑﻴﻬﺎ ﻓﺄﺩﻳﻨﺎﻫﻮ ﺍﻟﺘﻠﻔﻮﻥ ﻭﺍﻟﺸﻨﻂ ﻭﻛﻨﺎ ﻣﺎﺳﻜﻴﻦ ﻓﻲ ﺑﻌﺾ ﻭﺧﺎﻳﻔﻴﻴﻦ، ﻣﺸﻴﻨﺎ ﻟﻤﺴﺎﻓﺔ ﺑﻌﻴﺪﺓ ﺷﺪﺩﺩﻳﺪ ﻭﻛﺎﻧﻨﺎ ﻣﺎﺷﻴﻦ ﻋﻠﻰ ﺗﻮﺗﻲ، ﻟﻤﻦ ﻭﺻﻠﻨﺎ ﻣﻜﺎﻥ ﺷﺒﺔ ﻣﺨﺰﻥ ﻛﺪﺓ ﻭﺑﻌﻴﺪ ﺷﻮﻳﺔ ﻣﻦ ﺍﻟﺒﺤﺮ ﺧﺘﻮﻧﺎ ﻫﻨﺎﻙ، ﻭﺑﻌﺪﻫﺎ ﺭﺟﻌﻮ ﺗﺎﻧﻲ ﺃﺗﺼﻠﻮ ﻋﻠﻰ ﺍﻟﺰﻭﻝ ﺍﻟﻘﺒﻞ ﺷﻮﻳﺔ ﻭﻭﺭﻫﻮ ﺍﻟﻤﻜﺎﻥ ﻭﻫﻮ ﺟﺎ، ﻟﻤﻦ ﺷﻔﻨﺎﻫﻮ ﻣﺎ ﺃﺗﺼﺪﻣﻨﺎ ﻻﻧﻮ ﻛﺎﻥ ﺇﺣﺘﻤﺎﻟﻴﺔ 99 ﻓﻲ ﺍﻟﻤﻴﺔ ﺃﻧﻮ ﻳﻜﻮﻥ ﻫﻮ، ﺇﻳﻮﺓ ﻳﺎﻫﻮ ﻧﻔﺴﻮ ﺭﺍﺟﻞ ﻧﺴﻴﺒﺔ، ﺃﺩﻯ ﺃﺗﻨﻴﻦ ﻗﺮﻭﺵ ﺷﺎﻟﻮﻫﻢ ﻭﻓﺎﺗﻮ ﻭﻓﻀﻠﻮﺍً ﺃﺗﻨﻴﻦ ﺗﺎﻧﻴﻦ ﻭﻫﻮ، ﺟﺎ ﺿﺮﺏ ﻧﺴﻴﺒﺔ ﻛﻒ ﻭﻗﺎﻝ ﻟﻴﻬﺎ ﻗﺎﻳﻼﻧﻲ ﻣﺎ ﺡ ﺍﻟﻘﺎﻙ ﻟﻮ ﺃﺩﺳﻴﺘﻲ ﻓﻲ ﺑﻴﺖ ﺻﺤﺒﺘﻚ! ﺗﺘﺠﺮﻳﻴﻨﻲ ﺃﻧﺎ ﺑﻲ ﺍﻟﻤﺤﺎﻛﻢ ﻭﺗﺨﻠﻴﻨﻲ ﺃﺗﺴﺠﻦ؟! ﻳﻌﻨﻲ ﺇﻧﺘﻲ ﻛﺪﺓ ﻗﺎﻳﻠﺔ ﻧﻔﺴﻚ ﺃﺗﺨﺼﻠﺘﻲ ﻣﻨﻲ! ﺃﻃﻤﻨﻚ ﺃﻧﺎ ﺡ ﺍﻓﻀﻞ ﺍﻟﻜﺎﺑﻮﺱ ﺍﻟﻤﻼﺣﻘﻚ ﻟﺤﺪ ﻣﺎ ﺗﻤﻮﺗﻲ ﺃﻭ ﺡ ﺃﻗﺘﻠﻚ ﺃﻧﺎ ﺑﻲ ﻳﺪﻱ ﻭﺡ ﺃﻭﺭﻳﻚ ﻛﻴﻒ ﺗﺎﻧﻲ ﺗﺮﻓﻌﻲ ﻗﻀﻴﺔ ﺿﺪﺩﻱ ﻳﺎ ..... ، ﻭﻋﺎﻳﻦ ﺗﺠﺎﻫﻲ ﻭﺟﺎ ﺑﺮﺿﻮ ﺿﺮﺑﻨﻲ ﻛﻒ ﻭﻗﺎﻝ ﻟﻲ ﻭﺇﻧﺘﻲ ﻣﺎ ﻋﺮﻓﻨﺎﻙ ﻣﺤﺎﻣﻲ ﺍﻟﺪﻓﺎﻉ ﺣﻘﻬﺎ ﻭﻻ ﺷﻨﻮ، ﻫﺴﻲ ﺍﻟﺪﺧﻠﻚ ﻓﻲ ﺣﻴﺎﺗﻨﺎ ﺷﻨﻮ! ﺍﻟﻮﺳﺨﺔ ﺩﻱ ﻭﻣﺴﻚ ﻧﺴﻴﺒﺔ ﻣﻦ ﺷﻌﺮﻫﺎ ﻭﻗﺎﻝ ﻟﻲ ﺍﻟﻮﺳﺨﺔ ﺩﻱ ﺻﻮﺗﻬﺎ ﻣﺎ ﻛﺎﻥ ﺑﺘﻘﺪﺭ ﺗﺮﻓﻌﻮ ﻋﻠﻲ ﻟﻜﻦ ﺑﺴﺒﺒﻚ ﺇﻧﺘﻲ ﻣﺎ ﺻﻮﺗﻬﺎ ﺑﺲ ﺍﻟﺮﻓﻌﺘﻮ ﻻ ﻃﻠﺒﺖ ﺍﻟﻄﻼﻕ ﻛﻤﺎﻥ ﻭﺧﻠﺘﻨﻲ ﺃﺣﻮﻡ ﻣﻦ ﻣﺤﻜﻤﺔ ﻟﻲ ﻣﺤﻜﻤﺔ ﺑﺲ ﻋﺸﺎﻥ ﺃﻃﻠﻖ ﺣﻀﺮﺕ ﺳﻴﺎﺩﺗﻬﺎ ﺍﻟﻌﺎﻗﺮ، ﻗﻠﺖ ﻟﻴﻬﻮ ﻋﻠﻰ ﻓﻜﺮﺓ ﺃﻧﺖ ﻭﺍﺣﺪ ﺧﺎﻳﺐ ﻭﺑﺎﻃﻞ ﻣﺎ ﺃﻛﺘﺮ ﻳﻌﻨﻲ ﻫﺴﻲ ﻓﺎﻛﺮ ﻧﻔﺴﻚ ﻟﻤﻦ ﺗﺨﻄﻔﻨﺎ ﻭﺗﺠﻴﺒﻨﺎ ﻫﻨﺎ ﺡ ﺗﺨﻮﻓﻨﺎ! ﺃﻃﻤﻨﻚ ﻧﺤﻨﺎ ﻣﺎ ﺧﺎﻳﻔﻴﻦ ﻭﺍﻟﻤﻮﺕ ﻳﺎﻫﻮ ﺍﻟﻤﻮﺕ ﻭﻟﻮ ﺭﺑﻨﺎ ﻛﺎﺗﺐ ﻟﻴﻨﺎ ﻧﻤﻮﺕ ﺡ ﻧﻤﻮﺕ ﺑﻲ ﺃﻱ ﺳﺒﺐ ﻭﻓﻲ ﺃﻱ ﺷﻜﻞ، ﻳﺎﺍﺍﺧﻲ ﺗﻔﻮ ﻋﻠﻴﻚ ﻭﻋﻠﻰ ﺭﺟﻮﻟﺘﻚ ﻣﺮﺗﻚ ﻣﺎ ﻋﺮﻓﺖ ﺗﺤﺘﺮﻣﻬﺎ ﻓﻌﺸﺎﻥ ﻛﺪﺓ ﺑﺘﻮﻗﻊ ﻣﻨﻚ ﺃﻱ ﺣﺎﺟﺔ، ﺑﻌﺪ ﻗﻠﺖ ﻟﻴﻬﻮ ﺍﻟﻜﻼﻡ ﺩﺍً ﻭﻗﻊ ﻓﻴﻨﻲ ﺿﺮﺏ ﻭﺃﻧﺎ ﺑﺲ ﻛﻨﺖ ﻣﺎﺳﻜﺔ ﻧﻘﺎﺑﻲ ﺑﻘﻮﺓ ﻋﺸﺎﻥ ﻣﺎ ﻳﺘﻔﻜﺎ ﻭﻭﺷﻲ ﻳﺘﻜﺸﻒ ﻭﺣﺘﻰ ﻧﺴﻴﺒﺔ ﻛﻤﺎﻥ ﻣﺎ ﺳﻠﻤﺖ ﻣﻨﻮ ﻭﺿﺮﺑﻬﺎ ﺯﻱ ﻣﺎ ﺿﺮﺑﻨﻲ ﻟﺤﺪ ﻣﺎ ﻓﺘﺮ ﺣﺘﻰ ﻭﻗﻒ ﺿﺮﺏ، ﻋﺪﻳﻨﺎ ﻳﻮﻣﻴﻦ ﻭﻧﺤﻨﺎ ﺑﻲ ﺍﻟﺤﺎﻟﺔ ﺩﻱ ﻛﻞ ﻣﺎ ﻫﻮ ﻳﻠﻘﻰ ﻧﻔﺴﻮ ﻓﺎﺿﻲ ﺑﻀﺮﺑﻨﺎ ﻭﺑﻌﺬﺑﻨﺎ، ﻭﺃﻧﺎ ﻛﻞ ﻣﺎ ﺍﻟﻤﻮﺍﻗﻒ ﺍﻟﻘﺪﻳﻤﺔ ﺑﺘﺘﻌﺎﺩ ﻗﺪﺍﻣﻲ ﻟﻤﻦ ﻫﻮ ﻳﻀﺮﺑﻨﺎ ﻭﺑﺮﺟﻊ ﺑﻌﻴﺶ ﻧﻔﺲ ﺍﻟﻤﻮﻗﻒ ﻟﻲ ﺍﻟﻤﺮﺓ ﺍﻟﺘﺎﻧﻴﺔ ﺑﺲ ﺑﺤﺎﻭﻝ ﺃﻛﻮﻥ ﻗﻮﻳﺔ ﻭﻣﺎ ﺃﻧﻬﺎﺭ ﻻﻧﻮ ﻣﺎﻑ ﺯﻭﻝ ﺡ ﻳﺴﺎﻋﺪﻧﺎ ﺃﻧﺎ ﻭﻧﺴﻴﺒﺔ ﻏﻴﺮ ﺑﻌﺾ، ﺑﺎﻟﺼﺪﻓﺔ ﻓﻲ ﻭﺍﺣﺪ ﻛﺎﻥ ﺧﺎﺗﻲ ﺗﻠﻔﻮﻧﻮ ﻓﻲ ﺍﻟﻄﺮﺑﻴﺰﺓ ﺍﻟﺠﻨﺒﻨﺎ ﻭﺷﻜﻠﻮ ﻧﺴﺎﻫﻮ ﻭﻣﺎ ﺭﻛﺰ ﻭﻟﺤﺴﻦ ﺍﻟﺤﻆ ﻛﺎﻥ ﺑﺪﻭﻥ ﺑﺎﺳﻮﺭﺩ ﻭﺃﻧﺎ ﻛﻨﺘﺎ ﺣﺎﻓﻈﺔ ﺭﻗﻢ ﻳﺤﻴﻰ ﻻﻧﻮ ﺣﻔﻈﻨﻲ ﻟﻴﻬﻮ ﻗﺒﻞ ﻛﻢ ﻳﻮﻡ، ﺳﺒﺤﺎﻥ ﺍﻟﻠﻪ ﻭﻛﺎﻧﻮ ﺣﺲ ﺃﻧﻲ ﺡ ﺃﻗﻊ ﻓﻲ ﻣﺸﻜﻠﺔ ﻭﺡ ﺃﺣﺘﺎﺝ ﻟﻴﻬﻮ، ﺿﺮﺑﺖ ﻟﻴﻬﻮ ﺍﻟﻤﺮﺓ ﺍﻻﻭﻟﻰ ﻣﺎ ﺭﺩﺍ ﺃﻧﺎ ﻳﺌﺴﺖ ﻟﺤﻈﺘﻬﺎ ﺑﺲ ﻟﻤﻦ ﺿﺮﺑﺖ ﺍﻟﻤﺮﺓ ﺍﻟﺘﺎﻧﻴﺔ ﺭﺩﺍً ﻣﺎ ﻗﺪﺭﺕ ﺃﻗﻮﻝ ﻟﻴﻪ ﻏﻴﺮ ﻳﺤﻴﻰ ... ﻳﺤﻴﻰ ﺍﻧﺎ ﻣﻴﺎﻣﻦ ﺳﺎﻋﺪﻧﺎ ﻧﺤﻨﺎ ﺃﺗﺨﻄﻔﻨﺎ ﻭﻛﻨﺖ ﻋﺎﻭﺯﺓ ﺃﻭﺻﻒ ﻟﻴﻬﻮ ﺍﻟﻤﻜﺎﻥ ﺑﺲ ﺟﺎ ﺍﻟﻮﻟﺪ ﺍﻟﻨﺴﻰ ﺗﻠﻔﻮﻧﻮ ﻭﻗﻌﻠﻮ ﻣﻨﻲ ﻭﺿﺮﺑﻨﻲ ﻭﻛﺎﻥ ﻓﻲ ﻣﻮﻳﺔ ﻓﻲ ﺍﻟﺠﺮﺩﻝ ﺟﻨﺒﻮ ﺩﺧﻞ ﻟﻲ ﺭﺍﺳﻲ ﻓﻴﻬﺎ ﻟﻤﺪﺓ ﻃﻮﻳﻠﺔ ﻭﺃﻧﺎ ﻟﺤﻈﺘﻬﺎ ﺃﺗﺬﻛﺮﺗﺎ ﻟﻤﻦ ﻫﻮ ﻛﺎﻥ ﺑﺪﺧﻠﻨﻲ ﻓﻲ ﺍﻟﺒﺮﻣﻴﻞ ﻭﺑﻌﺬﺑﻨﻲ ﺑﻘﻴﺖ ﺑﺮﺟﻒ ﻭﻣﺎ ﻣﺴﺘﻮﻋﺒﺔ ﺷﻲ، ﺣﺘﻰ ﻣﺎ ﺣﺴﻴﺖ ﺑﻴﻬﻮ ﻭﻫﻮ ﺑﺮﺑﻄﻨﺎ ﺍﻻ ﻟﻤﻦ ﺟﺎ ﻳﺤﻴﻰ ﻭﻓﻜﺎﻧﺎ ﻭﺗﺎﻧﻲ ﻣﺎ ﻣﺘﺬﻛﺮﺓ ﺷﻲ، ﻛﻨﺘﺎ ﻭﺍﺛﻘﺔ ﺷﺪﺩﺩﻳﺪ ﺃﻧﻮ ﻳﺤﻴﻰ ﺡ ﻳﺠﻲ ﻣﺎ ﻋﺎﺭﻓﺔ ﺍﻟﻄﺮﻳﻘﺔ ﺍﻟﻜﺎﻧﺖ ﺡ ﺗﺠﻴﺒﻮ ﺷﻨﻮ ﺑﺲ ﻗﻠﺒﻲ ﻗﺎﻝ ﻟﻲ ﺃﻧﻮ ﺣﻴﺠﻲ ﻭﺑﺎﻟﻔﻌﻞ ﻫﻮ ﺟﺎ .... _____________________ ﺑﻌﺪ ﺧﻠﺼﺘﺎ ﻛﻼﻣﻲ ﻛﻠﻬﻢ ﻛﺎﻧﻮ ﺳﺎﻛﺘﻴﻦ ﻭﻧﺴﻴﺒﺔ ﻛﺎﻧﺖ ﺑﺘﺒﻜﻲ، ﻗﺎﻟﺖ ﻟﻲ ﺃﻧﺎ ﺍﺳﻔﺔ ﻻﻧﻲ ﺩﺧﻠﺘﻚ ﻓﻲ ﺍﻟﻤﺸﺎﻛﻞ ﺩﻱ ﻛﻠﻬﺎ ﺑﺲ ﻭﺍﻟﻠﻪ ﻣﺎ ﻛﺎﻥ ﻗﺼﺪﻱ ﻗﻠﺖ ﻟﻴﻬﺎ ﺑﺮﺟﻊ ﺑﻘﻮﻟﻬﺎ ﻟﻴﻚ ﺃﻧﺎ ﻓﺮﺿﺖ ﻧﻔﺴﻲ ﻋﻠﻴﻚ ﻭﻓﺮﺿﺖ ﺃﻧﻲ ﺃﺳﺎﻋﺪﻙ ﺇﻧﺘﻲ ﻣﺎ ﻋﻨﺪﻙ ﺫﻧﺐ ﻓﻲ ﺍﻟﻘﺼﺔ، ﺃﻣﻲ ﺟﺎﺕ ﺣﻀﺘﻨﻲ ﻭﻗﺎﻟﺖ ﻟﻲ ﺍﺧﺦ ﻳﺎ ﺑﺘﻲ ﻣﺎ ﺗﺼﺪﻗﻲ ﺃﻧﺎ ﺧﻔﺖ ﻋﻠﻴﻚ ﻛﻴﻒ ﺧﻔﺖ ﺃﻧﻲ ﺃﺧﺴﺮﻙ، ﺩﻣﻮﻋﻲ ﻧﺰﻟﻮ ﻭﻗﻠﺖ ﻟﻴﻬﺎ ﻣﺎ ﻛﻨﺖ ﻋﺎﺭﻓﺔ ﺣﻴﺤﺼﻞ ﻟﻲ ﻛﺪﺓ، ﻣﺎﻣﺎ ﻫﻮ ﺑﺸﺒﻬﻮ ﺷﺪﺩﺩﻳﺪ ﻭﻛﺎﻧﻮ ﺩﺓ ﻛﻤﺎﻝ ﻧﻔﺴﻮ، ﻣﺎﻣﺎ ﺃﻧﺎ ﺭﺟﻌﺖ ﺿﻘﺖ ﻧﻔﺲ ﺍﻟﻌﺬﺍﺏ ﻭﻟﻲ ﺍﻟﻤﺮﺓ ﺍﻟﺘﺎﻧﻴﺔ، ﺩﺥ.. ﺩﺧﻞ ﻟﻲ ﺭﺍﺳﻲ ﻓﻲ ﺍﻟﺠﺮﺩﻝ ﺯﻱ ﻣﺎ ﻫﻮ ﻛﺎﻥ ﺑﻴﻌﻤﻞ ﻣﻌﺎﻱ، ﻧﻔﺲ ﺍﻟﻤﺨﺰﻥ ﺍﻟﻤﻀﻠﻢ ﺍﻟﻤﻠﻴﺎﻥ ﺣﺸﺮﺍﺕ، ﺍﻟﻀﺮﺏ، ﺍﻟﻌﺬﺍﺏ، ﺍﻟﻮﺣﺸﻴﺔ، ﻛﻠﻮ ﻧﻔﺲ ﺍﻟﺸﻲ ﻗﺎﻟﺖ ﻟﻲ ﺃﻧﺎ ﺟﻨﺒﻚ ﻭﻣﺎ ﺡ ﺃﺧﻠﻲ ﺯﻭﻝ ﻳﻬﺒﺸﻚ ﺗﺎﻧﻲ ﻗﻠﺖ ﻟﻴﻬﺎ ﺃﻧﺎ ﺧﺎ ... ﺧﺎﻳﻔﺔ، ﻋﺎﻭﺯﺓ ﺃﻧﺴﻰ، ﺃﻧﺴﻰ ﺍﻟﺤﺼﻞ ﻟﻲ، ﺍﻟﻜﺎﺑﻮﺱ ﺍﻟﻤﺮﻋﺐ ﺍﻻﻧﺎ ﻋﺸﺘﻮ، ﺍﻟﻀﺮﺏ ﻭﻛﻞ ﺣﺎﺟﺔ ﺑﺲ ﻣﺎ ﻗﺎﺩﺭﺓ ﻳﺎ ﻣﺎﻣﺎ ﻛﻞ ﻣﺮﺓ ﺑﻴﺤﺼﻞ ﺷﻲ ﺑﻴﺬﻛﺮﻧﻲ ﺑﻴﻬﻢ، ﺡ ﺃﺭﺗﺎﺡ ﻣﺘﻴﻦ ﻗﻮﻟﻲ ﻟﻲ ! ﻗﺎﻟﺖ ﻟﻲ ﻗﺮﻳﺐ ﻳﺎ ﺑﺘﻲ ﻗﺮﻳﺐ، ﻭﺿﻤﺘﻨﻲ ﻋﻠﻴﻬﺎ ﻭﺑﻘﻴﻨﺎ ﻧﺒﻜﻲ ﺍﻻﺗﻨﻴﻦ، ﺭﻓﻌﺖ ﻋﻴﻨﻲ ﺑﺎﻟﺼﺪﻓﺔ ﻟﻘﻴﺖ ﻳﺤﻴﻰ ﺑﻌﺎﻳﻦ ﻟﻲ ﺑﻨﻈﺮﺓ ﻏﺮﻳﺒﺔ ﻣﺎ ﻗﺪﺭﺕ ﺃﻓﺴﺮﻫﺎ ﻭﻣﻼﻣﺢ ﻭﺷﻮ ﻛﺎﻧﺖ ﺑﺘﻮﺣﻲ ﺑﺎﻟﻐﻀﺐ ﻭﻋﺮﻭﻗﻮ ﺑﺎﺭﺯﺓ ﻭﻛﺎﻧﻮ ﺃﺗﻀﺎﻳﻖ ﺷﺪﺩﺩﻳﺪ ﻟﻤﻦ ﺳﻤﻊ ﻛﻼﻣﻲ، ﻓﻀﻠﺘﺎ ﺑﻌﺎﻳﻦ ﻓﻴﻬﻮ ﻭﻫﻮ ﻛﺬﻟﻚ ﻭﻣﺎﻑ ﻭﺍﺣﺪ ﻓﻴﻨﺎ ﺭﺍﺿﻲ ﻳﻜﺴﺮ ﻧﻈﺮﻭ ﻋﻦ ﺍﻟﺘﺎﻧﻲ ﻟﻤﻦ ﻫﻮ ﻃﻠﻊ ﺑﺮﺓ ..... ______________ ﻛﻨﺖ ﺑﻌﺎﻳﻦ ﻟﻴﻬﺎ ﻭﺃﻧﺎ ﻣﺘﺤﺴﺮ ﻣﻦ ﺍﻟﻜﻼﻡ ﺍﻟﺒﺴﻤﻌﻮ، ﻭﻟﻤﻦ ﻗﺎﻟﺖ ﺃﻧﻮ ﻫﻮ ﺿﺮﺑﻬﺎ ﺯﻱ ﻣﺎ ﻛﻤﺎﻝ ﻛﺎﻥ ﺑﻴﻌﻤﻞ، ﻛﻨﺖ ﺑﺴﺎﻝ ﻓﻲ ﻧﻔﺴﻲ ﻛﻤﺎﻝ ﺩﺍ ﻣﻨﻮ؟! ﻭﻟﻲ ﻛﺎﻥ ﺑﻀﺮﺑﻬﺎ ! ﻏﻀﺐ ﺍﻟﺪﻧﻴﺎ ﻛﻠﻮ ﺃﺗﺠﻤﻊ ﻋﻨﺪﻱ ﻟﺤﻈﺘﻬﺎ ﻭﺑﻘﻴﺖ ﻣﺎ ﺷﺎﻳﻒ ﻗﺪﺍﻣﻲ ﺣﺎﺟﺔ ﻭﻣﺎ ﻗﺪﺭﺕ ﺃﻣﺴﻚ ﺃﻋﺼﺎﺑﻲ ﻭﻣﺸﻴﺖ ﺍﻟﺴﺠﻦ ﺍﻟﻤﺨﺘﻮﺕ ﻓﻴﻬﻮ ﺍﻟﺮﻣﺔ ﺩﺍﻙ، ﻭﻗﻠﺖ ﻟﻴﻬﻢ ﻋﺎﻳﺰ ﺃﺷﻮﻓﻮ ﺍﻟﻀﺎﺑﻂ ﻗﺎﻝ ﻟﻲ ﻣﺎ ﺑﺘﻘﺪﺭ ﻭﻛﻼﻡ ﻛﺘﺘﺘﻴﺮ ﺑﺲ ﺃﻧﺎ ﺃﺻﺮﻳﺖ ﺃﻧﻲ ﺃﺷﻮﻓﻮ ﻭﺿﺮﺑﺘﺎ ﻟﻲ ﻣﺆﻣﻦ ﺃﺗﻜﻠﻢ ﻣﻌﺎﻫﻢ ﺷﻮﻳﺔ ﺣﺘﻰ ﺳﻤﺤﻮ ﻟﻲ ﺃﺩﺧﻞ، ﻣﻦ ﺩﺧﻠﺖ ﻟﻴﻬﻮ ﻃﻮﺍﻟﻲ ﺿﺮﺑﺘﻮ ﺑﻮﻛﺲ ﻓﻲ ﺃﻧﻔﻮ ﻭﻗﻠﺖ ﻟﻴﻬﻮ ﺃﻧﺖ ﻛﻴﻒ ﺗﻀﺮﺑﻬﺎ! ﻛﻴﻒ ﺗﺮﻓﻊ ﻳﺪﻙ ﻋﻠﻴﻬﺎ! ﻣﺎ ﻋﺎﺭﻑ ﺍﻧﻲ ﻣﻤﻜﻦ ﺃﻗﺘﻞ ﺍﻱ ﺯﻭﻝ ﺑﻴﻠﻤﺴﻬﺎ! ﻫﻲ ﺧﻂ ﺃﺣﻤﺮ ﻭﺃﻱ ﺯﻭﻝ ﺑﻴﺼﻠﻬﺎ ﺡ ﻳﺸﻮﻑ ﺍﻟﻤﻮﺕ، ﻭﻓﺸﻴﺖ ﺧﻠﻘﻲ ﻛﻠﻮ ﻓﻴﻬﻮ ﻭﻟﻮﻻ ﺍﻟﺸﺮﻃﺔ ﻛﺎﻥ ﺣﻴﻤﻮﺕ ﻋﻠﻰ ﻳﺪﻱ ﻭﻛﺎﻧﻮ ﻋﺎﻭﺯﻳﻦ ﻳﺤﺒﺴﻮﻧﻲ ﻻﻧﻲ ﺃﺗﻌﺪﻳﺖ ﻋﻠﻴﻬﻮ ﺑﺲ ﻓﻲ ﻭﺍﺣﺪ ﻣﻦ ﺍﻟﻀﺒﺎﻁ ﺭﺟﻊ ﺃﺗﺼﻞ ﻟﻲ ﻣﺆﻣﻦ ﻭﺧﻼﻫﻮ ﻳﺠﻲ، ﺍﻟﻀﺎﺑﻂ ﻗﺎﻝ ﻟﻴﻬﻮ ﺷﻨﻮ ﻳﺎ ﻣﺆﻣﻦ ﺯﻭﻟﻚ ﺩﺍ ﻣﺎﻟﻮ! ﻣﺆﻣﻦ ﻗﺎﻝ ﻟﻴﻬﻮ ﺃﻧﺎ ﺑﻌﺘﺰﺭ ﺑﺲ ﻫﻮ ﻟﻤﻦ ﻳﻌﺼﺐ ﻣﺎ ﺑﻴﺸﻮﻑ ﻗﺪﺍﻣﻮ ﺃﻣﺴﺤﻬﺎ ﻟﻲ ﻓﻲ ﻭﺷﻲ ﻭﺧﻠﻴﻬﻮ، ﺍﻟﻀﺎﺑﻂ ﻗﺎﻝ ﻟﻴﻬﻮ ﺑﺲ ﺍﻟﻤﺮﺓ ﺩﻱ ﻟﻜﻦ ﺗﺎﻧﻲ ﻣﺎ ﺡ ﺃﺩﺧﻠﻮ ﺍﻟﺴﺠﻦ ﺃﺳﺎﺳﺎ ﻭﻣﺎ ﺡ ﺃﺧﻠﻴﻬﻮ ﻳﺠﻲ ﻳﺸﻮﻓﻮ ﻗﻠﺖ ﻟﻴﻬﻮ ﺷﻜﺮﺍ ﻳﺎﺍﺥ ﻋﺎﺭﻓﺎﻙ ﻣﺎ ﺡ ﺗﺮﺩﻧﻲ ﺧﺎﻳﺐ، ﺧﻼﻧﻲ ﺃﻣﺮﻕ ﻭﻣﺆﻣﻦ ﻣﻌﺎﻱ، ﻟﻤﻦ ﻃﻠﻌﻨﺎ ﺑﺮﺓ ﻗﺎﻝ ﻟﻲ ﺃﻫﺪﻯ ﺷﻮﻳﺔ ﻭﻣﺎ ﺗﺨﺎﻑ ﺃﻧﺎ ﺡ ﺃﺗﻜﻠﻢ ﻣﻊ ﺻﺤﺒﻲ ﺍﻟﻀﺎﺑﻂ ﺍﻟﻬﺴﻲ ﺩﺍ ﻭﺃﺧﻠﻴﻬﻮ ﻳﺄﺩﺑﻮ ﻟﻴﻚ ﻗﻠﺖ ﻟﻴﻬﺎ ﺗﻜﻮﻥ ﻣﺎ ﻗﺼﺮﺕ ﻻﺯﻡ ﻳﺸﻮﻑ ﺍﻟﻮﻳﻞ ﻗﺎﻝ ﻟﻲ ﻃﻠﺒﺎﺗﻚ ﺃﻭﻣﺮ ﺑﺲ ﻣﺎ ﻗﻠﺖ ﻟﻲ ﺩﻱ ﻳﺎﻫﺎ ﺍﻟﻌﺴﻼﻳﺔ ﺣﻘﺘﻚ ﺍﻟﻜﻠﻤﺘﻨﻲ ﻋﻨﻬﺎ! ﻗﻠﺖ ﻟﻴﻬﻮ ﻋﺴﻼﻳﺔ ﺷﻨﻮ ﻳﺎ ﻣﺆﻣﻦ ﺩﻱ ﺑﺖ ﺟﻴﺮﺍﻧﺎ ﻗﺎﻝ ﻟﻲ ﻣﺘﺎﻛﺪ ﻣﺎﻑ ﻛﺪﺓ ﻭﻻ ﻛﺪﺓ! ﻻﻧﻮ ﻣﺎ ﻣﻤﻜﻦ ﻳﺤﻴﻰ ﺃﺑﺮﺍﻫﻴﻢ ﺑﺬﺍﺕ ﻧﻔﺴﻮ ﻳﻀﺮﺏ ﻭﺍﺣﺪ ﺑﺎﻟﻄﺮﻳﻘﺔ ﺩﻱ ﻋﺸﺎﻥ ﺑﺖ ﺑﻌﺪﻳﻦ ﺃﻧﺖ ﻣﺎ ﺷﻔﺖ ﻃﺮﻳﻘﺔ ﻛﻼﻣﻚ ﻭﺍﻟﻠﻔﻬﻪ ﺍﻟﻜﺎﻧﺖ ﺍﻟﻈﺎﻫﺮﺓ ﻓﻴﻬﻮ ﻟﻤﻦ ﺃﺩﻳﺘﻨﻲ ﺍﻟﺮﻗﻢ ﻭﻗﻠﺖ ﻟﻲ ﺃﺭﺳﻞ ﻟﻴﻚ ﺍﻟﻠﻮﻛﻴﺸﻦ ﻗﻠﺖ ﻟﻴﻬﻮ ﺃﻧﺖ ﻧﺎﺳﻲ ﺃﻧﻲ ﺧﺎﻃﺐ ﻭﻻ ﺷﻨﻮ! ﻗﺎﻝ ﻟﻲ ﻧﺴﻴﺖ ﻳﺎﺍﻩ ﻭﻗﻠﺖ ﻓﻲ ﻭﺍﺣﺪﺓ ﺟﺪﻳﺪﺓ ﺷﻐﻠﺘﻚ ﻋﻨﻲ ﻗﻠﺖ ﻟﻴﻬﻮ ﻻﻻ ﻳﺎﻫﺎ ﺍﻟﻘﺪﻳﻤﺔ ﻗﺎﻝ ﻟﻲ ﺑﻤﺎ ﺃﻧﻮ ﺍﻟﻠﻴﻠﺔ ﺃﺗﻠﻤﻴﻨﺎ ﻭﻟﻴﻨﺎ ﺯﻣﻦ ﻣﻦ ﺑﻌﺾ ﺃﺭﺡ ﻋﺎﺯﻣﻚ ﻗﻠﺖ ﻟﻴﻬﻮ ﻋﻠﻰ ﻓﻜﺮﺓ ﺃﻧﺎ ﺍﻟﻤﻔﺮﻭﺽ ﺃﻋﺰﻣﻚ ﻙ ﺷﻜﺮ ﻋﻠﻰ ﺍﻟﻌﻤﻠﺘﻮ ﻗﺎﻝ ﻟﻲ ﻭﻧﺤﻨﺎ ﻣﻦ ﻣﺘﻴﻦ ﻭﻓﻲ ﺑﻴﻨﺎﺗﻨﺎ ﺷﻜﺮ ﻳﺎ ﻭﻟﺪ ﺧﻄﻴﺒﺘﻚ ﺩﻱ ﺟﻨﻨﺘﻚ ﻓﻲ ﺭﺍﺳﻚ ﺩﺍ ﻭﻻ ﺷﻨﻮ ! ﻗﻠﺖ ﻟﻴﻬﻮ ﺃﺳﻜﺖ ﻫﻲ ﻛﻤﺎﻥ ﺍﻟﺘﺎﻧﻴﺔ ﺯﻋﻼﻧﺔ ﻭﺍﻧﺎ ﻣﺸﻴﺖ ﺃﺭﺿﻴﻬﺎ ﺑﺲ ﻭﻗﺘﻬﺎ ﺟﺎﻧﻲ ﺍﻻﺗﺼﺎﻝ ﻣﻦ ﺑﺖ ﺟﻴﺮﺍﻧﺎ ﻭﺧﻠﻴﺘﻬﺎ ﻭﻓﺖ ﺑﺪﻭﻥ ﻣﺎ ﺃﻓﻬﻤﻬﺎ ﺣﺎﺟﺔ ﻗﺎﻝ ﻟﻲ ﺑﺘﺮﺍﺿﻴﻬﺎ ﺑﻌﺪﻳﻦ ﻫﺴﻲ ﺃﺭﺡ ﻗﻠﺖ ﻟﻴﻬﻮ ﺃﺭﺡ..... ______________________ ﺑﻌﺪ ﻛﻢ ﻳﻮﻡ ﺃﻧﺎ ﺑﻘﻴﺖ ﺃﺣﺴﻦ ﺑﻜﺘﺘﻴﺮ ﻭﺭﺟﻌﺖ ﻋﺎﺩﻳﺔ ﻭﻧﺴﻴﺒﺔ ﺃﺻﺮﺕ ﺃﻧﻬﺎ ﺗﺮﺟﻊ ﺑﻴﺘﻬﻢ ﺑﻤﺎ ﺃﻧﻮ ﺭﺍﺟﻠﻬﺎ ﺍﻟﻘﺪﻳﻢ ﺩﺧﻞ ﺍﻟﺴﺠﻦ ﻭﻳﺤﻴﻰ ﺃﻛﺪ ﻟﻴﻨﺎ ﺃﻧﻮ ﻣﺎ ﺡ ﻳﻄﻠﻊ، ﻓﻲ ﺍﻟﻴﻮﻡ ﺍﻟﻜﺎﻧﺖ ﻣﺎﺷﺔ ﻓﻴﻬﻮ ﻗﻠﺖ ﻟﻴﻬﺎ ﺡ ﺃﺷﻮﻑ ﻟﻴﻚ ﺷﻐﻞ ﻭﺃﻭﺭﻳﻚ ﻗﺎﻟﺖ ﻟﻲ ﻃﻴﺐ، ﻗﺒﻞ ﻣﺎ ﺗﻤﺶ ﺑﻲ ﺍﻟﻌﺼﺮﻳﺔ ﻛﺪﺓ ﺍﻟﻤﻄﺮﺓ ﺻﺒﺖ ﻭﺍﻟﺠﻮ ﺑﻘﻰ ﺣﻠﻮﻭﻭ ﺷﺪﺩﻳﺪ ﻗﻠﺖ ﻟﻴﻬﻢ ﺃﺭﺡ ﻧﻌﻤﻞ ﺷﺎﻱ ﻟﺒﻦ ﺑﻲ ﺯﻻﺑﻴﺔ ﻧﺸﺮﺑﻮ ﻓﻲ ﺍﻟﺴﻄﻮﺡ ﻭﻣﻨﻬﺎ ﻳﻜﻮﻥ ﺣﻔﻞ ﻭﺩﺍﻉ ﻟﻲ ﻧﻨﻮ، ﻣﻬﺎﺩ ﻗﺎﻟﺖ ﻟﻲ ﻓﻜﺮﺓ ﺩﺭﻋﺔ ﺃﻧﺎ ﺑﻌﻤﻞ ﺍﻟﺰﻻﺑﻴﺔ ﻭﺃﻧﺘﻲ ﺃﻋﻤﻠﻲ ﺍﻟﺸﺎﻱ ﻗﻠﺖ ﻟﻴﻬﺎ ﻇﺎﺑﻂ، ﻋﻤﻠﻨﺎ ﺍﻟﺸﺎﻱ ﻭﺍﻟﺰﻻﺑﻴﺔ ﻭﻃﻠﻌﻨﺎﻫﻢ ﻓﻮﻕ ﺍﻟﺴﻄﻮﺡ، ﻣﻬﺎﺩ ﻗﺎﻟﺖ ﻟﻲ ﺃﻣﺸﻲ ﻧﺎﺩﻱ ﺭﻳﺎﻥ ﻭﺃﻓﺎﻕ ﻳﺠﻮ ﻳﺸﺮﺑﻮﻩ ﻣﻌﺎﻧﺎ ﻗﻠﺖ ﻟﻴﻬﺎ ﺳﻤﺢ ﻏﺸﻴﺖ ﻏﺮﻓﺘﻲ ﻟﺒﺴﺖ ﻋﺒﺎﻳﺘﻲ ﻭﺍﻟﻨﻘﺎﺏ ﻭﺟﻴﺖ ﻧﺎﺯﻟﺔ ﻓﻲ ﺍﻟﺴﻠﻢ ﻛﺪﺓ ﻟﻘﻴﺖ ﺑﺸﺎﺭﻱ ﻭﻣﺆﻳﺪ ﻭﻳﺤﻴﻰ ﻃﺎﻟﻌﻴﻦ ﻓﻮﻕ ﺷﻜﻠﻬﻢ ﻣﺎﺷﻴﻦ ﻏﺮﻓﺔ ﺑﺸﺎﺭﻱ، ﻟﻤﻦ ﻋﻴﻨﻲ ﺟﺎﺕ ﻓﻲ ﻋﻴﻦ ﻳﺤﻴﻰ ﻗﻠﺒﻲ ﻗﺎﻝ ﺷﺤﺢ، ﻗﻠﺖ ﻟﻴﻬﻢ ﺃﺣﻢ ﻋﻤﻠﻨﺎ ﺷﺎﻱ ﺑﻲ ﺯﻻﺑﻴﺔ ﻭﻫﺴﻲ ﻧﺎﺱ ﻣﻬﺎﺩ ﻓﻮﻕ ﻓﻲ ﺍﻟﺴﻄﻮﺡ ﺃﻣﺸﻮ ﺷﻴﻠﻮ ﻣﻨﻬﻢ ﻭﺍﻟﺠﻮ ﻓﻮﻕ ﻇﺎﺑﻂ ﻣﻤﻜﻦ ﺗﻘﻌﺪﻭ ﻫﻨﺎﻙ، ﺑﺸﺎﺭﻱ ﻗﺎﻝ ﻟﻲ ﺍﻟﻠﻪ ﺍﻟﻠﻪ ﺡ ﻧﻤﺶ ﻃﻮﺍﻟﻲ ﻫﻮ ﻧﺤﻨﺎ ﻻﻗﻴﻴﻦ، ﻭﻫﻤﺎ ﻃﺎﻟﻌﻴﻦ ﺃﻧﺎ ﻛﻨﺖ ﺑﺠﻬﻪ ﻳﺤﻴﻰ ﺿﺮﺑﺘﻮ ﻓﻲ ﻛﺘﻔﻮ ﺑﻲ ﺍﻟﻐﻠﻂ ﻗﻠﺖ ﻟﻴﻬﻮ ﺃﺳﻔﺔ ﺃﺳﻔﺔ ﻋﺎﻳﻦ ﻟﻲ ﻭﻣﺎ ﺃﺗﻜﻠﻢ، ﻧﺰﻟﺘﺎ ﺧﻠﻴﺘﻮ ﻭﻣﺸﻴﺖ ﻧﺎﺩﻳﺖ ﻧﺎﺱ ﺃﻓﺎﻕ ﻭﺧﻠﻴﺘﻬﻢ ﻳﺠﻮ ﻣﻌﺎﻱ، ﻛﻨﺎ ﻋﺎﻣﻠﻴﻦ ﻛﺮﺍﺳﻲ ﺣﻘﺖ ﺣﺪﻳﺪ ﺷﻜﻞ ﻗﻌﺪﺓ ﻓﻮﻕ ﻓﻲ ﺍﻟﺴﻄﻮﺡ ﻭﻫﻤﺎ ﻛﺎﻧﻮ ﻗﺎﻋﺪﻳﻦ ﻓﻴﻬﺎ ﻭﻧﺤﻨﺎ ﻣﺎﺷﻴﻦ ﻋﻠﻴﻬﻢ ﻛﺪﺓ ﻛﻨﺖ ﺷﺎﻳﻠﺔ ﻣﻴﺎﺭ ﺑﻠﻌﺒﻬﺎ ﻭﺑﻀﺤﻚ ﻓﻴﻬﺎ ﻟﻤﻦ ﺭﻓﻌﺖ ﺭﺍﺳﻲ ﻟﻘﻴﺖ ﻳﺤﻴﻰ ﺑﻌﺎﻳﻦ ﻟﻲ ﺑﻨﻈﺮﺍﺕ ﻏﺮﻳﺒﺔ ﻭﻣﺮﻛﺰ ﻣﻌﺎﺍﻱ ﺷﺪﺩﺩﻳﺪ ﻭﺑﻴﺒﺘﺴﻢ ......... _______________ _ ﻓﻲ ﺗُﻠﻚ ﺍﻟﻠﺤﻈﺔ ﻭُﺩﺩﺕ ﺃﻥ ﺃﺗﻮُﺳﺪ ﻛﺘﻔُﻚ ﺃﻥ ﺃﻣﺴﻚ ﻳﺪﻳﻚ ﺃﻥ ﺃﻧﻈﺮ ﺍﻟﻲ ﻋﻴﻨُﻴﻚً ﻭﺃﺑﻮُﺡ ﻋﻤﺎ ﻳﺠﻮًﻝ ﻓﻲ ﺩﺍﺧﻠﻲ ... " abdalmalikhamzah ﺃﺷﻮﻓﻜﻢ⁦ .....

Free reading for new users

Scan code to download app

App Store Google Play

Facebookexpand_more