ليحيا بك قلبي 14

1785 Words

NOVEL ? روايات: #ليحيا_بك_قلبي14 ﻛﻨﺖ ﻓﻲ ﺍﻟﻨﺎﺩﻱ ﻣﻊ ﺃﺻﺤﺎﺑﻲ ﻣﺎ ﺻﺪﻗﺖ ﺃﻧﻲ ﻟﻘﻴﺖ ﻓﺮﺻﺔ ﻋﺸﺎﻥ ﺃﻣﺶ ﻭﺃﻗﻌﺪ ﻣﻌﺎﻫﻢ ﺷﻮﻳﺘﻴﻦ، ﺍﻟﻤﻬﻢ ﺃﺧﺪﺕ ﻭﻧﺴﺘﻲ ﻭﺭﺟﻌﺖ ﻣﻨﻬﻢ ﻗﺮﻳﺐ ﺍﻟﻤﻐﺮﺏ ﻟﻘﻴﺖ ﻧﺎﺱ ﺃﻣﻲ ﻭﺧﺎﻟﺘﻲ ﺳﺎﻣﻴﺔ ﻭﺍﻗﻔﻴﻦ ﻓﻲ ﺍﻟﺸﺎﺭﻉ ﻭﺟﺎﻳﻄﻴﻦ ﻭﺧﺎﻟﺘﻮ ﺑﺘﺒﻜﻲ، ﻗﻠﺖ ﻟﻴﻬﻢ ﺍﻟﺴﻼﻡ ﻋﻠﻴﻜﻢ ﺧﻴﺮ ﻳﺨﻮﺍﺍﻧﺎ ﻓﻲ ﺷﻨﻮ ﻣﺎﻟﻜﻢ ﺟﺎﻳﻄﻴﻦ ﻛﺪﺍ! ﺃﻣﻲ ﻗﺎﻟﺖ ﻟﻲ ﻣﻴﺎﻣﻦ ﻭﻣﻌﺎﻫﺎ ﺍﻟﺒﺖ ﺻﺤﺒﺘﻬﺎ ﺩﻳﻚ ﺃﺳﻤﻬﺎ ﻣﻨﻮ؟! " ﻟﻤﻦ ﺟﺎﺑﺖ ﺳﻴﺮﺗﻬﺎ ﺃﻧﺎ ﻫﻨﺎ ﻗﻠﺒﻲ ﺑﻘﻰ ﻳﻀﺮﺏ ﺷﺪﻳﺪﺩ ﻭﺧﻔﺖ ﺃﻧﻮ ﻳﻜﻮﻥ ﺣﺼﻞ ﻟﻴﻬﺎ ﺷﻲ " ﻣﻬﺎﺩ ﻗﺎﻟﺖ ﻟﻴﻬﺎ ﻧﺴﻴﺒﺔ، ﻣﻦ ﺳﻤﻌﺖ ﺍﻻﺳﻢ ﺍﻟﺘﺎﻧﻲ ﻋﺮﻓﺖ ﺃﻧﻮ ﺩﻱ ﺍﻟﺒﺖ ﺍﻟﻤﻴﺎﻣﻦ ﻃﻠﻘﺘﻬﺎ ﻣﻦ ﺭﺍﺟﻠﻬﺎ ﻭﻭﻗﺘﻬﺎ ﺃﻳﻘﻨﻌﺖ ﺃﻧﻮ ﻓﻲ ﺣﺎﺟﺔ ﻣﺎ ﺗﻤﺎﻡ ﺣﺎﺻﻠﺔ، ﺃﻣﻲ ﺗﺎﺑﻌﺖ ﺑﺎﻗﻲ ﻛﻼﻣﻬﺎ ﻭﻗﺎﻟﺖ ﻟﻲ ﻣﻦ ﺑﻌﺪ ﺍﻟﻔﻄﻮﺭ ﻗﺎﻟﻮ ﻣﺎﺷﻴﻦ ﺍﻟﺴﻮﻕ ﻭﻟﻲ ﺍﻟﻠﺤﻈﺔ ﺩﻱ ﻣﺎ ﺟﻮ ﻗﻠﺖ ﻟﻴﻬﺎ ﻛﻴﻒ ﻳﻌﻨﻲ ﻣﺎ ﺟﻮ؟! ﻗﺎﻟﺖ ﻟﻲ ﻋﺪﻳﻞ ﻛﺪﺍ ﻗﻠﺖ ﻟﻴﻬﺎ ﺇﺣﺘﻤﺎﻝ ﻣﺸﻮ ﺍﻟﻤﺴﺘﺸﻔﻰ ﺃﻭ ﻟﻲ ﻭﺍﺣﺪﺓ ﻣﻦ ﺻﺤﺒﺎﺗﻬﻢ، ﻗﺎﻟﺖ ﻟﻲ ﺿﺮﺑﻨﺎ ﻟﻴﻬﻢ ﻛﻠﻬﻢ ﺑﺲ ﻗﺎﻟﻮ ﺃﻧﻬﻢ ﻣﺎ ﻣﻌﺎﻫﻢ ﻗﻠﺖ ﻟﻴﻬﻢ ﻃﻴﺐ ﻫﻲ ﻗﺎﻟﺖ ﻣﺎﺷﺔ ﻳﺎﺗﻮ ﺳﻮﻕ؟! ﺃﻣﻬﺎ ﻗﺎﻟﺖ ﻟﻲ ﺳﻮﻕ ﺑﺤﺮﻱ ﻗﻠﺖ ﻟﻴﻬﻢ ﺡ ﺃﻣﺸﻲ ﺃﻓﺘﺸﻬﺎ ﻭﺃﺟﻲ ﻣﺎ ﺗﺨﺎﻓﻮ، ﻭﺑﺎﻟﻔﻌﻞ ﻣﺸﻴﺖ ﻭﻗﻠﺒﻲ ﻓﻲ ﻳﺪﻱ ﻭﻃﻮﻝ ﺍﻟﻄﺮﻳﻖ ﺑﺪﻋﻲ ﺃﻧﻲ ﺍﻟﻘﺎﻫﺎ ﻭﻣﺎ ﻳﻜﻮﻥ ﺣﺎﺻﻞ ﻟﻴﻬﺎ ﺷﻲ، ﺣﻮﻣﺘﺎ ﺍﻷﺳﻮﺍﻕ ﺩﻱ ﻛﻠﻬﺎ ﻣﺎ ﺳﻮﻕ ﺑﺤﺮﻱ ﺑﺮﺍﻫﻮ ﻟﻜﻦ ﻣﺎ ﻟﻘﻴﺘﻬﺎ، ﻗﻠﺖ ﺃﻛﻴﺪ ﻣﻴﺎﻣﻦ ﻣﺎ ﺑﺘﻜﻮﻥ ﻓﻲ ﺍﻟﺴﻮﻕ ﻻﻧﻬﺎ ﺃﺳﺘﺤﺎﻟﺔ ﺗﻔﻀﻞ ﻟﻲ ﺍﻟﻮﻗﺖ ﺍﻟﻤﺘﺎﺧﺮ ﺩﺍ، ﻣﺸﻴﺖ ﺍﻟﻤﺴﺘﺸﻔﻰ ﻟﻜﻦ ﺑﺮﺿﻮ ﻣﺎ ﻟﻘﻴﺘﻬﺎ ﻭﺿﺮﺑﺘﺎ ﺗﺎﻧﻲ ﻟﻲ ﺻﺤﺒﺎﺗﻬﺎ ﺑﻌﺪ ﺷﻠﺖ ﺃﺭﻗﺎﻣﻬﻢ ﻣﻦ ﻧﺎﺱ ﺃﻣﻬﺎ ﺑﺲ ﻟﻼﺳﻒ ﺳﻤﻌﺖ ﻧﻔﺲ ﺍﻟﺠﻮﺍﺏ ﺃﻧﻬﻢ ﻣﺎ ﺷﺎﻓﻮﻫﺎ ﻭﺃﺧﺮ ﻣﺮﺓ ﺃﺗﻜﻠﻤﻮ ﻣﻌﺎﻫﺎ ﻗﺎﻟﺖ ﻟﻴﻬﻢ ﻣﺎﺷﺔ ﺍﻟﺴﻮﻕ، ﻟﺤﺪﻱ ﺍﻟﺴﺎﻋﺔ ﺗﺴﻌﺔ ﻭﻫﻲ ﻣﺎ ﺟﺎﺕ ﻭﻻ ﺟﺎﻧﺎ ﻣﻨﻬﺎ ﺧﺒﺮ ﻭﺃﻧﺎ ﺑﺲ ﻣﻘﻠﻖ ﻭﻣﺘﻮﺗﺮ ﻭﻣﺎ ﻋﺎﺭﻑ ﺃﻋﻤﻞ ﺷﻨﻮ، ﻟﻤﻦ ﻣﺎ ﺟﺎﺕ ﻋﺮﻓﺖ ﺃﻧﻮ ﻓﻲ ﺷﻲ ﺣﺎﺻﻞ ﻟﻴﻬﺎ ﻭﻣﺎ ﺑﻌﻴﺪﺩ ﻳﻜﻮﻥ ﺭﺍﺟﻞ ﻧﺴﻴﺒﺔ ﻋﻤﻞ ﻓﻴﻬﻢ ﺷﻲ، ﺃﺧﺨﺦ ﻳﺎ ﻣﻴﺎﻣﻦ ﺍﺧﺨﺦ ﻛﻠﻤﺘﻚ ﻭﺣﺰﺭﺗﻚ ﻟﻜﻦ ﺇﻧﺘﻲ ﻋﻨﻴﺪﺓ ﺷﺪﺩﺩﺩﻳﺪ، ﻫﺴﻲ ﻳﺎ ﺭﺑﻲ ﺡ ﺍﻟﻢ ﻓﻴﻬﺎ ﻭﻳﻦ ! ﺍﻟﻴﻮﻡ ﺩﺍﻙ ﻓﻀﻠﺖ ﻃﻮﻝ ﺍﻟﻠﻴﻞ ﻻﻓﻲ ﺑﻔﺘﺶ ﻓﻲ ﺍﻟﺸﻮﺭﺍﻉ ﻋﻠﻰ ﺃﻣﻞ ﺃﻧﻲ ﺍﻟﻘﺎﻫﺎ، ﻭﺧﺎﻟﺘﻮ ﺳﺎﻣﻴﺔ ﻣﺎ ﺭﺿﺖ ﺗﺪﺧﻞ ﺍﻟﺒﻴﺖ ﻗﺒﻞ ﻣﺎ ﺗﺠﻲ ﺑﺘﻬﺎ ﺍﻻ ﻟﻤﻦ ﺃﻣﻲ ﺩﺧﻠﺘﻬﺎ ﺑﻲ ﺍﻟﻐﺼﺐ، ﻳﻌﻨﻲ ﻳﺎ ﻣﻴﺎﻣﻦ ﺇﻧﺘﻲ ﻣﺎ ﻋﺎﺭﻓﺔ ﺍﻟﺤﺎﻟﺔ ﺍﻟﺪﺧﻠﺘﻴﻨﺎ ﻓﻴﻬﺎ ﻛﻠﻨﺎ ﺷﻨﻮ ﻣﺎ ﺃﻣﻚ ﺑﺮﺍﻫﺎ، ﻟﻤﻦ ﻗﻨﻌﻨﺎ ﺃﻧﻨﺎ ﻣﺎ ﺡ ﻧﻠﻘﺎﻫﺎ ﻣﺸﻴﻨﺎ ﻓﺘﺤﻨﺎ ﺑﻼﻍ ﻭﻗﺎﻟﻮ ﻟﻴﻨﺎ ﻟﻤﻦ ﺗﺘﻢ ﺃﺭﺑﻌﺔ ﻭﻋﺸﺮﻳﻦ ﺳﺎﻋﺔ ﺣﺘﻰ ﺑﻌﺪﻫﺎ ﻫﻢ ﺑﻴﺪﻭ ﻳﻔﺘﺸﻮ ﻋﻠﻴﻬﺎ، ﻳﺎ ﺭﺑﻲ ﺡ ﺃﺻﺒﺮ ﻛﻴﻒ ﻭﺃﻧﺎ ﻣﺎ ﻋﺎﺭﻑ ﻋﻨﻬﺎ ﺣﺎﺟﺔ، ﻳﺎ ﺭﺏ ﺗﻜﻮﻥ ﻛﻮﻳﺴﺔ ... _________ _ ﻫﻴﻴﻲ ﻳﺎ ﻭﻟﺪ ﺩﺍً ﺷﻨﻮ ﺍﻟﺴﻤﻌﺘﻮ ﻣﻦ ﺍﻟﻨﺬﻳﺮ ﺩﺍ! =ﺳﻤﻌﺘﻲ ﺷﻨﻮ ﻳﺎ ﺣﺠﺔ _ ﻫﺴﻲ ﻻﻗﺎﻧﻲ ﻭﻛﻠﻤﻨﻲ ﻭﻗﺎﻝ ﻟﻲ ﻭﻟﺪﻙ ﻗﺎﻝ ﻣﺎﺷﻲ ﺍﻟﺨﺮﻃﻮﻡ، ﺻﺤﻲ ﺍﻟﻜﻼﻡ ﺩﺍ! = ﺃﻳﻲ ﺑﺎﻟﺤﻴﻞ ﻣﺎﺷﻲ ﺍﻟﺒﻨﺪﺭ ﺍﻻﺳﺒﻮﻉ ﺍﻟﺠﺎﻱ _ ﺃﻧﺖ ﺃﻧﺎ ﻗﺎﻳﻠﺔ ﺭﺍﺳﻚ ﺩﺍ ﻣﺎ ﻛﻮﻳﺲ، ﻛﻴﻒ ﻳﻌﻨﻲ ﺭﺍﺟﻊ ﺍﻟﺒﻠﺪ ﺩﻳﻚ ﺗﺎﻧﻲ، ﻧﺎﺳﻲ ﺍﻟﺤﺼﻞ ﻟﻴﻚ ﻓﻴﻬﺎ! = ﻣﺎﺍ ﻧﺎﺳﻲ ﻳﺎ ﺣﺠﺔ ﻟﻜﻦ ﺃﻧﺎ ﺡ ﺃﻣﺶ ﻋﺸﺎﻥ ﺃﻭﺭﻳﻬﺎ ﺍﻟﻤﺎ ﺑﺘﻌﺮﻓﻮ ﺑﺖ ﺍﻟﻠﺬﻳﻦ ﺩﻱ، ﺃﺗﺨﻴﻠﻲ ﻗﻠﺖ ﻟﻴﻬﺎ ﺭﺳﻠﻲ ﻟﻲ ﻗﺮﻭﺵ ﻟﻲ ﺍﻟﻠﺤﻈﺔ ﺩﻱ ﻣﺎ ﺭﺩﺕ، ﺩﺍﻳﺮﺓ ﺗﻘﻮﻱ ﺭﺍﺳﻬﺎ ﻟﻜﻦ ﺃﻧﺎ ﺑﻌﺮﻑ ﺍﻗﻄﻌﻮ ﻟﻴﻬﺎ ﻛﻴﻒ ﺗﺼﺒﺮ ﻟﻲ.. _ ﺍﻟﺒﺖ ﺩﻱ ﺳﺒﺐ ﺍﻟﻤﺼﺎﻳﺐ، ﻣﻦ ﺍﻟﻴﻮﻡ ﺍﻟﺪﺧﻠﺖ ﻓﻴﻬﻮ ﺣﻴﺎﺗﻨﺎ ﻛﺮﻫﺘﻨﺎ ﺍﻟﻠﻪ ﻳﺎﺧﺪﻫﺎ ﺍﻟﻔﻘﺮ، ﺍﻟﻌﺎﻗﺮ، ﺍﻟﻤﻘﻄﻌﺔ، ﺍﻟﻌﻔﻨﺔ .. ﻣﻦ ﻳﻮﻡ ﺍﻟﻌﺮﺳﺘﻬﺎ ﺃﻧﺎ ﻣﺎ ﺷﻔﺖ ﺭﺍﺣﺔ ﻓﻲ ﺣﻴﺎﺗﻲ، ﺍﻟﻨﺎﺱ ﻛﻠﻬﺎ ﻓﻲ ﺍﻟﺤﻲ ﻛﺎﻧﺖ ﺷﻐﺎﻟﺔ ﻟﻲ ﻣﺮﺕ ﻭﻟﺪﻙ ﻣﺎ ﺣﻤﻠﺖ ﻟﺴﻪ! ﺃﻫﺎ ﻭﻟﺪﻙ ﻣﺎ ﻋﻨﺪﻭ ﺟﺪﻳﺪ! ﻋﺮﺳﻲ ﻟﻴﻬﻮ ﻛﺎﻥ ﻳﺠﻴﺐ ﻟﻴﻬﻮ ﺟﻨﺎ ﻳﻨﻔﻌﻮ ﻣﺮﺕ ﺩﻱ ﺷﻜﻠﻬﺎ ﻣﺎ ﻧﺎﻓﻌﺔ، ﻭﺑﺲ ﺩﺍ ﻳﺎﻫﻮ ﺍﻟﺒﺴﻤﻌﻮ ﻟﻤﻦ ﺑﻘﻴﺖ ﻣﺎ ﺑﻄﻠﻊ ﻣﻦ ﺍﻟﺒﻴﺖ ﻟﺤﺪ ﻣﺎ ﻋﺮﺳﺖ ﻟﻴﻚ ﺗﺎﻧﻲ ﻭﺩﻱ ﺯﺍﺗﻬﺎ ﻣﺎ ﺭﻳﺤﺘﻨﺎ ﺑﺎﻟﻠﻪ ﺷﺎﻳﻠﺔ ﺣﺎﻟﻨﺎ، ﺗﺘﺂﻣﺮ ﻓﻴﻨﻲ ﺳﺎﺍﻱ .. = ﺩﻱ ﺧﻠﻴﻬﺎ ﻋﻠﻲ ﺃﻣﺸﻲ ﺑﺲ ﻭﺃﺟﻲ ﺡ ﺃﺩﺍﺑﻬﺎ ﺷﻜﻠﻬﺎ ﻣﺤﺘﺎﺟﺔ ﺗﺮﻳﺒﺔ ﻣﻦ ﺍﻭﻝ ﻭﺟﺪﻳﺪ .. _ ﺇﻧﺖ ﻣﺎ ﻛﺎﻥ ﺗﺨﻠﻲ ﺩﻳﻚ ﺗﻀﻴﻊ ﻣﻦ ﻳﺪﻙ ﻭﺗﻤﺸﻲ ﺑﻴﺖ ﺃﻫﻠﻬﺎ ﻻﻧﻮ ﻫﺴﻲ ﻛﺎﻥ ﺻﺮﻓﺘﻨﺎ ﺃﺑﻮﻫﺎ ﻋﻨﺪﻭ ﺍﻟﻘﺮﻭﺵ ﺯﻱ ﺍﻟﺘﺮﺍﺏ ﻟﻜﻦ ﺿﻴﻌﺘﻬﺎ ﻣﻦ ﻳﺪﻙ .... = ﻣﺎ ﻛﻨﺖ ﻋﺎﺭﻓﻬﺎ ﺍﻟﻮﺳﺨﺔ ﺡ ﺗﻬﺮﺏ ﻭﻗﺖ ﺗﻤﺶ ﻟﻲ ﺃﻫﻠﻬﺎ ﻭﺑﻌﺪﻫﺎ ﺗﺠﻲ ﺗﺘﻄﻠﺐ ﺍﻟﻄﻼﻕ.. _ ﻣﻦ ﺍﻻﻭﻝ ﻛﻠﻤﺘﻚ ﻗﻠﺖ ﻟﻴﻚ ﻣﻦ ﺗﻌﺮﺱ ﻃﻮﺍﻟﻲ ﺧﻠﻴﻨﺎ ﻧﺠﻴﺒﻬﺎ ﻫﻨﺎ ﻟﻜﻦ ﺑﺮﺍﻙ ﺃﺑﻴﺖ، ﺩﺍﻳﺮ ﺗﺘﺒﻮﺑﺮ ﻭﺗﺴﻜﻦ ﺍﻟﺨﺮﻃﻮﻡ = ﻛﺎﻥ ﻋﻨﺪﻱ ﺣﺎﺟﺔ ﻓﻲ ﺭﺍﺳﻲ ﺑﺪﻭﺭ ﺃﺳﻮﻳﻬﺎ ﻋﺸﺎﻥ ﻣﺎ ﺗﺸﻚ ﻓﻴﻨﻲ.. _ ﺍﻟﻤﻬﻢ ﻫﺴﻲ ﺃﺟﻞ ﻟﻲ ﺍﻟﺴﻔﺮﺓ ﺩﻱ ﺷﻮﻳﺔ ﻋﻨﺪﻱ ﻣﻮﺍﺿﻴﻊ ﻣﻌﺎﻙ.. = ﻣﺎ ﺑﻘﺪﺭ ﻳﺎﺍﺥ ﺧﻠﻴﻨﺎ ﻧﺘﻔﻔﻜﻚ ﻧﺠﻴﺐ ﻟﻴﻨﺎ ﻗﺮﻭﺵ ﻣﻨﻬﺎ _ ﻟﻜﻦ ﺃﻧﺎ ﺧﺎﻳﻔﺔ ﻋﻠﻴﻚ ﻳﺎ ﺣﺸﺎﻱ، ﻣﺎ ﺗﻨﺴﻰ ﺍﻟﻨﺎﺱ ﺩﻳﻞ ﺧﻄﻴﺮﻳﻴﻦ ﻛﻴﻒ ﺩﺧﻠﻮﻙ ﺍﻟﺴﺠﻦ ﻭﻋﺬﺑﻮﻙ ﻭﻣﺮﻣﻄﻮﻙ ﻣﺮﻣﻄﻄﺔ ﺍﻟﺴﻮﺩﺍ ﻭﺧﻠﻮﻧﻲ ﺃﺑﻜﻲ ﻋﻠﻴﻚ ﺩﻡ ﺣﺘﻰ ﻃﻠﻌﻮﻙ، ﻣﺎ ﺑﺪﻭﺭﻙ ﺗﻤﺸﻲ ﻟﻴﻬﻢ ﺗﺎﻧﻲ ﺍﻟﺨﻮﻑ ﻳﻘﺘﻠﻮﻙ ﺍﻟﻤﺮﺓ ﺩﻱ ... = ﻣﺎ ﺗﺨﺎﻓﻲ ﺍﺍ ﺣﺠﺔ ﻣﺎ ﺑﺘﺠﻴﻨﻲ ﻋﻮﺟﺔ ﺃﻥ ﺷﺎﺀ ﺍﻟﻠﻪ * ﻣﺎﺷﻲ ﺍﻟﺨﺮﻃﻮﻡ! ﺃﺟﻲ ﻛﻴﻔﻦ ﺍﻟﻜﻼﻡ ﺩﺍ _ ﻫﺎ ﻣﺮﺓ ﻭﻃﻲ ﺻﻮﺗﻚ ﺩﺍ ﺷﻮﻳﺔ ﺍﺍﺏ ﺗﺨﺠﻠﻲ * ﺇﻧﺘﻲ ﺃﺳﻜﺘﻲ ﻣﻨﻲ = ﻣﺎ ﺗﺘﻜﻠﻤﻲ ﻣﻊ ﺃﻣﻲ ﺑﺎﻟﻄﺮﻳﻘﺔ ﺩﻱ ﻳﺎ ﻗﻠﻴﻠﺔ ﺍﻻﺩﺏ * ﺑﺘﻜﻠﻢ، ﺑﺘﻜﻠﻢ ﻭﻧﺸﻮﻑ ﺯﻭﻝ ﻓﻴﻜﻢ ﻳﻤﻨﻌﻨﻲ ﻛﺎﻥ ﻣﺎ ﻭﺭﻳﺖ ﺍﻟﻨﺎﺱ ﺑﻌﻤﺎﻳﻠﻜﻢ ﻳﺒﻘﻰ ﻣﺎ ﺃﺳﻤﻲ ﻫﺪﻳﻞ .. = ﺍﻟﻈﺎﻫﺮ ﺃﻧﻚ ﺑﻘﻴﺘﻲ ﻗﻠﻴﻠﺔ ﺃﺩﺏ ﺯﻳﺎﺩﺓ ﻋﻦ ﺍﻟﻠﺰﻭﻡ _ ﻫﻴﻴﻲ ﺃﻧﺖ ﻗﺎﻳﻠﻨﻲ ﻣﺮﺗﻚ ﺍﻻﻭﻟﻰ ﻭﻻ ﺷﻨﻮ! ﻗﺎﻳﻠﻨﻲ ﻣﺴﻜﻴﻨﺔ ﻭﺑﺴﻜﺖ ﻟﻴﻚ ﻓﺘﺢ ﻋﻴﻮﻧﻚ ﺩﻳﻞ ﻛﻮﻳﺲ ﻳﺎ ﺭﺍﺟﻞ ﺃﻧﺎ ﻫﺪﻳﻞ ﻣﺎﻑ ﺯﻭﻝ ﺑﻘﺪﺭ ﻋﻠﻲ ﻭﻳﺪﻙ ﺩﻱ ﻟﻮ ﺣﺎﻭﻟﺖ ﺗﺮﻓﻌﻬﺎ ﻋﻠﻲ ﺡ ﺗﺘﻘﻄﻊ ﻗﺒﻞ ﻣﺎ ﺗﺼﻠﻨﻲ، ﺃﻧﺎ ﻣﻤﻜﻦ ﺃﻭﺩﻳﻜﻢ ﻓﻲ ﺩﻫﻴﺔ ﻟﻮ ﺃﺗﻜﻠﻤﺖ ﻭﺃﻗﻮﻝ ﻋﻤﻠﺘﻮ ﻓﻴﻬﺎ ﺷﻨﻮ ﺑﺖ ﺍﻟﻨﺎﺱ.. _ ﺧﻼﺹ ﺃﻧﻄﻤﻲ ﻗﻔﻠﻲ ﺧﺸﻤﻚ ﺩﺓ ﻋﻠﻴﻚ * ﻫﻴﻲ ﻳﺎ ﻣﺮﺓ ﻗﻮﻣﻲ ﺳﻮﻱ ﻟﻴﻨﺎ ﺍﻻﻛﻞ ﻭﺧﻠﻲ ﺍﻟﻘﻄﻌﻴﺔ ﻣﻊ ﻭﻟﺪﻙ ﺍﻟﺨﺎﻳﺐ ﺩﺍ ﻧﺤﻨﺎ ﺟﻌﺎﻧﻴﻦ _ ﺃﻋﻤﻠﻲ ﺑﺮﺍﻙ ﻳﺨﺘﻲ ﺃﻧﺎ ﻣﺎ ﻓﺎﻳﻘﺔ ﻟﻴﻚ * ﻋﺎﻳﻨﻲ ﺃﻧﺎ ﻣﺎ ﺑﻘﺪﺭ ﻓﻴﺎ ﺗﻌﻤﻠﻴﻬﻮ ﺇﻧﺘﻲ ﺃﻭ ﻳﻌﻤﻠﻮ ﻭﻟﺪﻙ + ﻣﺸﻴﺔ ﻟﻲ ﺍﻟﺨﺮﻃﻮﻡ ﻣﺎﻑ ﻣﻦ ﺩﻭﻧﻲ ﺃﻧﺎ ﻋﺎﺭﻓﺔ ﺃﻧﻚ ﺍﻻﻳﺎﻡ ﺩﻱ ﺑﺘﻌﻤﻞ ﻟﻴﻚ ﻓﻲ ﺩﺭﻳﺒﺎﺕ ﻟﻜﻦ ﺑﻘﺼﻬﻢ ﻟﻴﻚ.. = ﻳﺎﺍﺍﺥ ﻛﺮﻫﺘﻴﻨﺎ ﺍﻟﺒﻴﺖ ﺩﺍ.. * ﺍﻛﺮﻫﻮ ﺯﻱ ﻣﺎ ﻋﺎﻳﺰ ﻟﻜﻦ ﻣﺸﻴﺔ ﻣﻦ ﺩﻭﻧﻲ ﻣﺎﻑ... _______________________________ ﻣﺮﻭ ﻳﻮﻣﻴﻦ ﻣﻦ ﺃﺧﺘﻔﺎﺀ ﻣﻴﺎﻣﻦ ﻭﺃﻧﺎ ﻣﺎ ﻛﻨﺖ ﺑﻌﺮﻑ ﻓﻴﻬﻢ ﺍﻟﻠﻴﻞ ﻣﻦ ﺍﻟﻨﻬﺎﺭ، ﺑﺲ ﺑﻜﻮﻥ ﻃﻮﻝ ﺍﻟﻮﻗﺖ ﺑﻔﺘﺶ ﻭﺑﺪﻋﻲ ﺃﻧﻬﻢ ﻳﻜﻮﻧﻮ ﺑﺨﻴﺮ ﻟﺤﺪ ﻣﺎ ﺍﻟﻘﺎﻫﻢ، ﻣﺎ ﻛﻨﺖ ﻓﺎﻫﻢ ﺷﻲ ﻭﺣﻴﺎﺗﻲ ﺃﺗﻠﺨﺒﻄﺖ ﺷﺪﺩﺩﻳﺪ ﻭﻛﺎﻧﻮ ﻳﺎﺩﺍﺏ ﻋﺮﻓﺖ ﺃﻧﻮ ﻣﻴﺎﻣﻦ ﺩﻱ ﻭﺟﻮﺩﻫﺎ ﻣﻬﻢ ﺟﺪﺍً ﻓﻲ ﺣﻴﺎﺗﻲ ﻭﻛﺎﻧﻲ ﻣﺎ ﺑﻘﺪﺭ ﺑﺪﻭﻧﻬﺎ، ﻳﻌﻨﻲ ﻫﻠﻮﺳﺖ ﺑﻔﻜﺮﺓ ﺃﻧﻬﺎ ﻣﺨﺘﻔﻴﺔ ﻟﺪﺭﺟﺔ ﻣﺮﺓ ﻭﺃﻧﺎ ﻗﺎﻋﺪ ﻓﻲ ﻋﺮﺑﻴﺘﻲ ﺷﻔﺖ ﻭﺍﺣﺪﺓ ﻣﻨﻘﺒﺔ ﻭﻣﻌﺎﻫﺎ ﻭﺍﺣﺪﺓ ﺗﺎﻧﻴﺔ، ﺟﺮﻱ ﻧﺰﻟﺖ ﻣﻦ ﺍﻟﻌﺮﺑﻴﺔ ﻭﺃﺗﺤﺮﻛﺖ ﺗﺠﺎﻫﻬﻢ ﻫﻤﺎ ﻛﺎﻧﻮ ﻣﺎﺷﻴﻦ ﺑﺴﺮﻋﺔ، ﻗﻠﺖ ﻟﻴﻬﺎ ﻣﻴﺎﻣﻦ! ﺃﺗﻠﻔﺖ ﻋﻠﻲ ﻭﻭﻗﻔﺖ ﻟﻤﺎ ﺷﻔﺘﻬﺎ ﻋﺮﻓﺖ ﺃﻧﻬﺎ ﻣﺎ ﻣﻴﺎﻣﻦ، ﺇﻳﻮﺓ ﺩﻱ ﻣﺎ ﻣﻴﺎﻣﻦ ﺣﺘﻘﻮﻟﻮ ﻟﻲ ﻋﺮﻓﺘﻬﺎ ﻛﻴﻒ ! ﻳﻤﻜﻦ ﺗﻜﻮﻥ ﺩﻱ ﻫﻲ ﺡ ﺃﻗﻮﻝ ﻟﻴﻜﻢ ﺃﻧﻲ ﺑﻘﻴﺖ ﺣﺎﻓﻈﻬﺎ، ﺣﺎﻓﻆ ﺃﻱ ﺗﻔﺼﻴﻞ ﻣﻮﺟﻮﺩ ﻓﻴﻬﺎ ﺣﺘﻰ ﻭﻟﻮ ﻛﺎﻥ ﺻﻐﻴﺮ، ﺻﺎﺡ ﺃﻧﺎ ﻣﺎ ﺷﻔﺖ ﻭﺷﻬﺎ ﺍﻻ ﻣﺮﺗﻴﻦ ﻭﻣﻼﻣﺤﻬﺎ ﺃﺗﻨﺴﺖ ﻟﻲ ﻭﻣﺎ ﻣﺴﺘﺤﻀﺮﻫﺎ ﺑﺎﻟﻈﺒﻂ ﻟﻜﻦ ﺑﻘﻴﺖ ﺑﻌﺮﻑ ﻋﻴﻮﻧﻬﺎ ﻛﻮﻳﺲ ﻭﻗﻠﺒﻲ ﺑﻮﺭﻳﻨﻲ ﺇﺫﺍ ﺩﻱ ﻫﻲ ﻭﻻ ﻻ، ﺇﻳﻮﺓ ﻗﻠﺒﻲ ﻫﻮ ﺑﻌﺮﻑ ﻣﻴﺎﻣﻦ ﺃﻛﺘﺮ ﻣﻨﻲ⁦ ⁩ ﻗﺎﻟﺖ ﻟﻲ ﻻ ﻻ ﺷﻜﻠﻚ ﻏﻠﻄﺎﻥ ﺃﻧﺎ ﻣﺎ ﻣﻴﺎﻣﻦ، ﺃﻋﺘﺰﺭﺕ ﻣﻨﻬﺎ ﻭﻗﻠﺖ ﻟﻴﻬﺎ ﻛﻨﺖ ﻣﺸﺒﻬﻚ ﻋﻠﻰ ﻭﺍﺣﺪﺓ ﺑﻌﺮﻓﻬﺎ ﺑﺲ ﻃﻠﻌﺘﻲ ﻣﺎ ﻳﺎﻫﺎ ﻣﻌﻠﻴﺶ ﻗﺎﻟﺖ ﻟﻲ ﻣﺎ ﻣﺸﻜﻠﺔ ﻭﻣﺸﺖ، ﺃﻧﺎ ﺍﺳﺎﺳﺎ ﻣﻦ ﻳﻮﻡ ﺍﻟﻠﻲ ﻫﻲ ﺃﺧﺘﻔﺖ ﺑﻘﻴﺖ ﺑﺘﺼﺮﻑ ﺑﻄﺮﻳﻘﺔ ﻏﺮﻳﺒﺔ ﺃﻱ ﺯﻭﻝ ﺑﺴﺎﻟﻮ ﻣﻨﻬﺎ ﺣﺘﻰ ﻫﺒﺔ ﻻﺣﻈﺖ ﻟﻲ ﺗﺼﺮﻓﺎﺗﻲ ﻭﺳﺎﻟﺘﻨﻲ ﻭﻗﺎﻟﺖ ﻟﻲ ﻳﺤﻴﻰ ﺃﻧﺖ ﻣﺎﻟﻚ ﻣﺘﻐﻴﺮ ﻟﻲ ﺍﻟﺪﺭﺟﺔ ﺩﻱ ﻓﻴﻚ ﺣﺎﺟﺔ! ﻗﻠﺖ ﻟﻴﻬﺎ ﺃﻧﺎ ﻛﻮﻳﺲ ﺑﺲ ﻣﻮﺿﻮﻉ ﻣﻴﺎﻣﻦ ﺩﺍ ﺷﻐﺎﻝ ﻟﻲ ﺑﺎﻟﻲ ﻗﺎﻟﺖ ﻟﻲ ﺗﺎﻧﻲ ﻣﻴﺎﻣﻦ! ﻛﻞ ﻣﺎ ﺃﺗﻜﻠﻢ ﻣﻌﺎﻙ ﻻﺯﻡ ﺗﺠﻴﺐ ﻟﻲ ﺳﻴﺮﺗﻬﺎ ﺑﺎﻟﻠﻪ ﻓﻜﻨﺎ ﻣﻨﻬﺎ ﻗﻠﺖ ﻟﻴﻬﺎ ﺑﺲ ﻫﻲ ﺑﺖ ﺟﻴﺮﺍﻧﺎ ﻭﻻﺯﻡ ﺍﻟﻘﺎﻫﺎ ﻭﻣﺎ ﻣﻤﻜﻦ ﺃﺧﻠﻴﻬﻢ ﻛﺪﺓ ﻭﻣﺎ ﺃﺳﺎﻋﺪﻫﺎ ﻗﺎﻟﺖ ﻟﻲ ﺃﻧﺖ ﻣﺎ ﻋﻨﺪﻙ ﺷﻐﻠﺔ ﻓﻴﻬﻢ ﺃﻥ ﺷﺎﺀ ﺍﻟﻠﻪ ﺗﺮﻭﺡ ﻭﻣﺎ ﺗﺘﻠﻘﻲ ﺗﺎﻧﻲ ﻧﻬﺎﺋﻲ ﻋﺸﺎﻥ ﺗﺮﻳﺤﻨﺎ، ﻟﺤﻈﺔ ﻗﺎﻟﺖ ﻛﺪﺍ ﺃﻧﻔﻌﻠﺖ ﻓﻴﻬﺎ ﻭﻗﻠﺖ ﻟﻴﻬﺎ ﺑﻲ ﺍﻋﻠﻰ ﺻﻮﺕ ﻋﻨﺪﻱ ﻫﺒﺔ ﺃﺣﺴﻦ ﻟﻴﻚ ﺃﺣﺘﺮﻣﻲ ﻧﻔﺴﻚ ﻭﻣﺎ ﺗﺘﻜﻠﻤﻲ ﻋﻠﻴﻬﺎ ﻣﺮﺓ ﺗﺎﻧﻴﺔ ﻗﺎﻟﺖ ﻟﻲ ﺗﺼﺮﺥ ﻋﻠﻲ ﺃﻧﺎ ﻋﺸﺎﻧﻬﺎ ﻫﻲ! ﻣﻌﻘﻮﻟﺔ ﻳﺎ ﻳﺤﻴﻰ ﻗﻠﺖ ﻟﻴﻬﺎ ﺇﻧﺘﻲ ﻋﺼﺒﺘﻴﻨﻲ ﺷﺪﺩﺩﻳﺪ ﺑﻜﻼﻣﻚ ﺩﺍ، ﺍﻟﺒﺖ ﺭﺍﻳﺤﺔ ﻭﺍﻫﻠﻬﺎ ﺧﺎﻳﻔﻴﻦ ﻭﻗﻠﻘﺎﻧﻴﻦ ﻋﻠﻴﻬﺎ ﻭﻋﺎﻭﺯﻳﻦ ﻳﻤﻮﺗﻮ ﺗﺠﻲ ﺇﻧﺘﻲ ﺗﺪﻋﻲ ﺍﻟﺪﻋﻮﺓ ﺩﻱ ﻗﺎﻟﺖ ﻟﻲ ﻭﺃﻧﺖ ﺑﺮﺿﻮ ﺧﺎﻳﻒ ﻋﻠﻴﻬﺎ ﻣﺎ ﺗﻜﺬﺏ ﻗﻠﺖ ﻟﻴﻬﺎ ﺍﺧﺦ ﺇﻧﺘﻲ ﻓﻲ ﺷﻨﻮ ﻭﺃﻧﺎ ﻓﻲ ﺷﻨﻮ ﻳﺎ ﺑﺖ ﺍﻟﻨﺎﺱ ﺣﺎﻭﻟﻲ ﺃﻓﻬﻤﻴﻨﻲ ﺩﺓ ﻏﻴﺮ ﺃﻧﻬﺎ ﺑﺖ ﺟﻴﺮﺍﻧﺎ ﻫﻲ ﻛﻤﺎﻥ ﻣﻤﺮﺿﺔ ﻋﻨﺪﻱ ﻓﻲ ﺍﻟﻤﺴﺘﺸﻔﻰ ﻭﻻﺯﻡ ﺃﻓﻘﺪﻫﺎ ﻭﺃﺧﺎﻑ ﻋﻠﻴﻬﺎ ﻗﺎﻟﺖ ﻟﻲ ﻃﻴﺐ ﻃﻴﺐ ﻛﺬﺏ ﻋﻠﻲ ﻛﻮﻳﺴﺲ ﻗﻠﺖ ﻟﻴﻬﺎ ﻫﺒﺔ ﺭﺟﺎﺀ ﺃﻧﺎ ﻣﺎ ﻧﺎﻗﺺ ﺣﻮﺍﺭﺕ ﻭﻣﺸﺎﻛﻞ ﺍﻟﻔﻴﻨﻲ ﻣﻜﻔﻴﻨﻲ ﻭﺍﻟﻠﻪ ﻗﺎﻟﺖ ﻟﻲ ﺩﺍ ﻛﻠﻮ ﻋﺸﺎﻥ ﺣﺒﻴﺒﺔ ﺍﻟﻘﻠﺐ ﻣﺎﻓﻲ! ﻗﻠﺖ ﻟﻴﻬﺎ ﻳﺎﺍﺍﺥ ﺍﻟﻨﻘﺎﺵ ﻣﻌﺎﻙ ﻋﻘﻴﻢ ﻭﻗﻔﻠﺖ ﺍﻟﺨﻂ ﻓﻲ ﻭﺷﻬﺎ ﻭﺃﺗﻤﻠﻴﺖ ﻣﻨﻬﺎ ﺟﺪﺍً، ﻫﻲ ﻣﺎ ﻛﺎﻧﺖ ﻗﺎﺩﺭﺓ ﺗﻔﻬﻤﻨﻲ ﺃﻭ ﺑﻲ ﺍﻻﺻﺢ ﺃﻧﺎ ﻣﺎ ﻗﺎﺩﺭ ﺃﻓﻬﻢ ﻧﻔﺴﻲ، ﺃﻧﺎ ﻟﻴﻪ ﺧﺎﻳﻒ ﻋﻠﻴﻬﺎ ﻛﺪﺓ ﻭﺑﻜﺬﺏ ﻋﻠﻰ ﻧﻔﺴﻲ ﻭﺑﻘﻮﻝ ﺃﻧﻮ ﺩﺓ ﺧﻮﻑ ﻃﺒﻴﻌﻲ ﻭﺑﺘﺤﺠﺞ ﺑﻔﻜﺮﺓ ﺃﻧﻬﺎ ﺑﺖ ﺟﻴﺮﺍﻧﺎ! ، ﻋﺪﻳﻨﺎ ﻋﻠﻰ ﺍﻟﺤﺎﻝ ﺩﺍ ﻳﻮﻡ ﻛﺎﻣﻞ ﻭﺗﺎﻧﻲ ﻣﺎ ﺃﺗﻜﻠﻤﻨﺎ ﻣﻊ ﺑﻌﺾ ﻭﻫﻲ ﻗﻔﻠﺖ ﺗﻠﻔﻮﻧﻬﺎ ﻭﻗﺘﻬﺎ ﻋﺮﻓﺖ ﺃﻧﻬﺎ ﺯﻋﻠﺖ ﻣﻨﻲ، ﺻﺎﺡ ﻣﻮﺿﻮﻉ ﻣﻴﺎﻣﻦ ﺑﻬﻤﻨﻲ ﺷﺪﺩﺩﻳﺪ ﺑﺲ ﺑﺮﺿﻮ ﻣﺎ ﺑﻘﺪﺭ ﻋﻠﻰ ﺯﻋﻞ ﻫﺒﺔ ﻻﻧﻬﺎ ﻛﺎﻧﺖ ﺣﺒﻴﻴﺒﺘﻲ ﻗﺒﻞ ﻣﺎ ﺗﻜﻮﻥ ﺧﻄﻴﺒﺘﻲ، ﺍﻟﻴﻮﻡ ﺗﺎﻧﻲ ﺷﻠﺖ ﺑﻮﻛﻲ ﺑﺘﺎﻉ ﻭﺭﺩ ﻭﺷﻮﻳﺔ ﺷﻮﻛﻮﻻﺗﺔ ﻭﻋﺼﺮﺕ ﻋﻠﻰ ﻧﻔﺴﻲ ﻭﻣﺸﻴﺖ ﻟﻴﻬﻢ ﻓﻲ ﺑﻴﺘﻬﻢ ﻣﻦ ﻓﺘﺤﺖ ﻟﻲ ﺍﻟﺒﺎﺏ ﻭﻗﺒﻞ ﻣﺎ ﺗﺴﻠﻢ ﻋﻠﻲ ﺯﺍﺗﻮ ﺩﺧﻠﺖ ﺟﻮﺍ، ﺳﻤﻌﺖ ﺻﻮﺕ ﺃﻣﻬﺎ ﻗﺎﻟﺖ ﻟﻴﻬﺎ ﻳﺎ ﺑﺖ ﺩﺍ ﻣﻨﻮ ﻓﻲ ﺍﻟﺒﺎﺏ! ﺑﺲ ﻫﻲ ﻣﺎ ﺩﺭﺕ ﻋﻠﻴﻬﺎ ﻭﻣﺸﺖ ﻏﺮﻓﺘﻬﺎ، ﺧﺸﻴﺖ ﺳﻠﻤﺖ ﻋﻠﻰ ﺃﻣﻬﺎ ﻗﻠﺖ ﻟﻴﻬﺎ ﺧﺎﻟﺘﻲ ﻛﻴﻔﻚ! ﻗﺎﻟﺖ ﻟﻲ ﺍﻫﻠﻴﻦ ﻳﺎ ﻭﻟﺪﻱ ﺍﻧﺎ ﻛﻮﻳﺴﺔ ﺍﻧﺖ ﻛﻴﻒ ﻭﻭﻳﻦ ﻃﻮﻟﺖ ﺍﻟﺠﻴﺔ ﻋﻠﻴﻨﺎ ﻗﻠﺖ ﻟﻴﻬﺎ ﺃﻋﺬﺭﻳﻨﻲ ﻳﺎﺍﺧﻲ ﺑﺲ ﻣﺸﻐﻮﻝ ﻣﻊ ﺍﻟﻤﺴﺘﺸﻔﻰ ﻭﻗﺼﺼﻬﺎ ﺍﻟﻤﺎ ﺑﺘﺨﻠﺺ ﺩﻱ ﻗﺎﻟﺖ ﻟﻲ ﻋﺎﺫﺭﺍﻙ ﻳﺎ ﺍﻟﺤﻨﻴﻦ، ﻗﻠﺖ ﻟﻴﻬﺎ ﻋﻤﻲ ﻣﻮﺟﻮﺩ؟! ﻗﺎﻟﺖ ﻟﻲ ﻻﻻ ﻟﺴﻪ ﻣﺎ ﺟﺎ ﺑﻴﺠﻲ ﻣﻊ ﺍﻟﻤﻐﺮﺏ ﻗﻠﺖ ﻟﻴﻬﺎ ﺭﺑﻨﺎ ﻳﻌﻴﻨﻮ ﺍﻟﺸﻐﻞ ﺻﻌﺐ ﻓﻲ ﻋﻤﺮﻭ ﻗﺎﻟﺖ ﻟﻲ ﻛﻢ ﻣﺮﺓ ﻗﻠﺖ ﻟﻴﻬﻮ ﺃﺗﻘﺎﻋﺪ ﻭﺧﻠﻲ ﻣﻬﻨﺪ ﻳﺘﺸﻐﻞ ﺑﺪﻟﻚ ﻟﻜﻦ ﻣﺎ ﺳﻤﻊ ﺍﻟﻜﻼﻡ ﻗﺎﻝ ﻣﺎ ﺑﻘﺪﺭ ﻋﻠﻰ ﺣﻴﺎﺓ ﺍﻟﻌﺎﻃﻠﻴﻦ ﻗﻠﺖ ﻟﻴﻬﺎ ﺑﺮﺿﻮ ﺍﻟﺤﺮﻛﺔ ﻛﻮﻳﺲ ﻟﻴﻬﻮ ﻗﺎﻟﺖ ﻟﻲ ﻏﺎﻳﺘﻮ ﺭﺑﻨﺎ ﻳﻌﻴﻦ ﺑﺲ ﻋﻠﻰ ﻗﻮﻟﻚ + ﺍﻟﻨﻘﻮﻡ ﺃﻋﻤﻞ ﻟﻴﻚ ﻋﺼﻴﺮ ﻗﻠﺖ ﻟﻴﻬﺎ ﻻﻻ ﺷﻜﺮﺍ ﺃﻧﺎ ﻣﻠﻴﺎﻥ ﺍﻟﺤﻤﺪ ﻟﻠﻪ ﻣﺎ ﻣﺤﺘﺎﺝ ﻟﻲ ﺷﻲ ﻗﺎﻟﺖ ﻟﻲ ﻋﻠﻴﻚ ﺍﻟﻠﻪ ﻳﺎ ﻭﻟﺪﻯ ﻗﻠﺖ ﻟﻴﻬﺎ ﻣﺎ ﺗﻌﺬﺑﻲ ﻧﻔﺴﻚ ﺳﺎﺍﻱ ﻭﺍﻟﻠﻪ ﻣﺎ ﻋﺎﻳﺰ ﻗﺎﻟﺖ ﻟﻲ ﺃﻧﺎ ﻣﺼﺮﺓ ﻭﻣﺸﺖ ﺍﻟﻤﻄﺒﺦ ﻭﺃﻧﺎ ﺃﺗﺤﺮﻛﺖ ﻋﻠﻰ ﺟﻬﺔ ﻏﺮﻓﺔ ﻫﺒﺔ ﺩﻗﻴﺖ ﺍﻟﺒﺎﺏ ﻣﺎ ﺭﺩﺕ ﻟﻲ ﺍﻟﻤﺮﺓ ﺍﻟﺘﺎﻟﺘﺔ ﺩﺧﻠﺖ، ﻗﻠﺖ ﻟﻴﻬﺎ ﺍﻟﺤﻠﻮ ﺑﺎﻳﻦ ﺃﻧﻮ ﺯﻋﻼﻥ ﻗﺎﻟﺖ ﻟﻲ ﻟﻮ ﻣﻬﺘﻢ ﻛﺎﻥ ﻋﺮﻓﺖ ﻗﻠﺖ ﻟﻴﻬﺎ ﻃﺐ ﺃﻧﺎ ﺃﺳﻒ، ﻣﺎ ﻧﻔﺴﻚ ﺗﺘﻜﻠﻤﻲ ﻣﻌﺎﻱ! ﻣﺎ ﺍﺷﺘﻘﺘﻲ ﻟﻲ! ﻣﻌﻘﻮﻟﺔ ﻳﻮﻡ ﻛﺎﻣﻞ ﻣﺎ ﺗﺘﻜﻠﻤﻲ ﻓﻴﻬﻮ ﻣﻌﺎﻱ! ﺩﻣﻮﻋﻬﺎ ﻧﺰﻟﻮ ﻟﻤﻦ ﻗﻠﺖ ﻛﺪﺓ ﺟﻴﺖ ﻣﺴﺤﺘﻬﻢ ﻟﻴﻬﻢ ﻭﻗﻠﺖ ﻟﻴﻬﺎ ﺍﻟﺴﻤﺤﺔ ﺳﺖ ﺍﻟﺒﻨﺎﺕ ﻣﺎ ﺗﺸﻴﻠﻲ ﻓﻲ ﺧﺎﻃﺮﻙ ﻣﻨﻲ ﺍﻧﺎ ﻣﺘﺄﺳﻒ ﺟﺪﺍً ﻷﻧﻲ ﻛﻮﺭﻛﺖ ﻓﻴﻚ ﻭﺑﻮﻋﺪﻙ ﺃﻧﻲ ﺃﺣﺎﻭﻝ ﺃﻣﺴﻚ ﺃﻋﺼﺎﺑﻲ ﻟﻤﻦ ﺃﻛﻮﻥ ﺑﺘﻨﺎﻗﺶ ﻣﻌﺎﻙ ﻋﺸﺎﻥ ﺍﻟﺤﺎﺟﺔ ﺩﻱ ﻣﺎ ﺗﺘﻜﺮﺭ ﺗﺎﻧﻲ ﻭﺑﻌﺪﻳﻦ ﻣﻴﺎﻣﻦ ﺩﻱ ﺑﺖ ﺟﻴﺮﺍﻧﺎ ﻭﺍﻟﻨﺒﻲ ﻭﺻﻰ ﻟﻲ ﺳﺎﺑﻊ ﺟﺎﺭ ﻓﺈﺫﺍ ﻣﺎ ﻭﻗﻔﺘﺎ ﻣﻊ ﺃﻫﻠﻬﺎ ﺍﻟﺤﻴﻮﻗﻒ ﻣﻌﺎﻫﻢ ﻣﻨﻮ! ﺩﺓ ﻭﺍﺟﺒﻲ ﻳﺎﺍﺥ + ﺍﻧﺎ ﺃﺳﻒ ﺃﻣﺴﺤﻴﻬﺎ ﻟﻲ ﻓﻲ ﻭﺷﻲ ﺯﻋﻠﻚ ﻣﺎ ﺑﻬُﻮﻥ ﻋﻠﻲ، ﺣﻀﺘﻨﻲ ﻭﻗﺎﻟﺖ ﻟﻲ ﺡ ﺃﺳﺎﻣﺤﻚ ﺑﺲ ﺗﺎﻧﻲ ﻣﺎ ﺗﻜﺮﺭﻫﺎ، ﻟﻤﻦ ﻋﻤﻠﺖ ﻛﺪﺍ ﺃﻧﺎ ﺃﺗﺨﻠﻌﺖ ﻻﻧﻮ ﻣﺎ ﺣﺼﻞ ﻗﺮﺑﺖ ﻣﻨﻲ ﻛﻞ ﺍﻟﻘﺮﺏ ﺩﺍ ﻗﻠﺖ ﺑﻜﻮﻥ ﻣﺎ ﻗﺎﺻﺪﺓ ﺍﻟﻔﻲ ﺭﺍﺳﻲ ﺷﻮﻳﺔ ﻭﻓﻜﺘﻨﻲ ﻭﺃﻧﺎ ﻣﺎ ﻋﺎﺭﻑ ﺣﺎﻟﺘﻲ ﻛﺎﻧﺖ ﺷﻨﻮ ﺑﺎﻟﻈﺒﻂ ﺗﻘﺮﻳﻴﺎ ﻛﻨﺖ ﻣﺘﻀﺎﻳﻖ ﺟﺪﺍً ﻣﻦ ﺗﺼﺮﻓﻬﺎ ﻭﻣﻦ ﻃﺮﻳﻘﺔ ﻗﺮﺑﻬﺎ ﻣﻨﻲ ﻭﻣﺎ ﺣﺒﻴﺒﺖ ﺍﻟﻔﻜﺮﺓ ﺑﺲ ﻣﺎ ﺑﻴﻨﺖ ﻟﻴﻬﺎ ﺷﻲ، ﺃﺩﻳﺘﻬﺎ ﺍﻟﺒﻮﻛﻲ ﻭﻫﻲ ﻓﺮﺣﺖ ﺑﻴﻬﻮ ﺷﺪﺩﻳﺪ ﺣﺘﻰ ﻛﺎﻥ ﻇﺎﻫﺮ ﻓﻲ ﻭﺷﻬﺎ ﻭﻫﻲ ﺑﺘﻬﺒﺶ ﻓﻲ ﺍﻟﻮﺭﺩ ﻛﺪﺓ ﺗﻠﻔﻮﻧﻲ ﺭﻧﺎ ﻋﺎﻳﻨﺖ ﻓﻴﻬﻮ ﻟﻘﻴﺘﻮ ﺭﻗﻢ ﻏﺮﻳﺐ ﻓﻲ ﺍﻻﻭﻝ ﻣﺎ ﺭﺩﻳﺖ ﺑﺲ ﺗﺎﻧﻲ ﺭﺟﻊ ﺿﺮﺏ ﻗﺎﻟﺖ ﻟﻲ ﺑﻜﻮﻧﻮ ﺩﻳﻞ ﻧﺎﺱ ﺍﻟﻤﺴﺘﺸﻔﻰ ﺭﺩ، ﺭﺩﻳﺖ ﻭﻗﻠﺖ ﺃﻟﻮ ﻣﻨﻮ ﻣﻌﺎﻱ؟! ﺟﺎﻧﻲ ﺻﻮﺕ ﺑﺖ ﺑﺘﺒﻜﻲ ﻭﺑﺘﻘﻄﻊ ﻓﻲ ﺍﻟﻜﻼﻡ ﻭﻛﺎﻧﻬﺎ ﺑﺘﺘﻜﻠﻢ ﺑﺼﻌﻮﺑﺔ ﻭﻣﺎ ﻗﺎﺩﺭﺓ ﺗﺘﻨﻔﺲ ﻭﺑﺘﻘﻮﻝ ﻟﻲ ﻳﺤﻴﻰ .. ﻳﺤﻴﻰ ﺃﻧﺎ ﻣﻴﺎﻣﻦ ﺳﺎﺍﺍﻋﺪﻧﺎ ﻧﺤﻨﺎ ﻣﺨﻄﻮﻓﻴﻦ ...... ________________________ _ ﻣﺜﻞ ﻳﻮﻡٍ ﺗﻮﺩ ﻓﻲ ﻧﻬﺎﻳﺘﻪ ﺃﻥ ﻳﻌﺜﺮ ﻋﻠﻴﻚ ﺃﺣﺪ، ﻭﻳﻤﺴﺢ ﻋﻦ ﺭﻛﺒﺘﻴﻚ ﺍﻟﺘﻌﺐ، ﻭﻳﺤﺒﻚ ﺩﻭﻥ ﺟﻬﺪ⁦ ⁦⁩ ..⁩ ﺃﺷﻮﻓﻜﻢ⁦⁦ ..

Free reading for new users

Scan code to download app

App Store Google Play

Facebookexpand_more