ليحيا بك قلبي 13

2409 Words

NOVEL ? روايات: #ليحيا_بك_قلبي13 ﻗﻠﺖ ﻟﻴﻬﺎ ﻧﺴﻴﺒﺔ ﻓﻲ ﺷﻨﻮ ﺃﺗﻜﻠﻤﻲ! ﻗﺎﻟﺖ ﻟﻲ ﺃﻟﺤﻘﻴﻴﻴﻨﻲ ﺑﺴﺮﻋﺔ ﺡ ﻳﻘﺘﻠﻨﻲ ﻭﻣﺎ ﺗﻤﺖ ﻛﻼﻣﻬﺎ ﺍﻟﺨﻂ ﻓﺼﻞ ﺭﺟﻌﺖ ﻓﻴﻬﻮ ﻛﻢ ﻣﺮﺓ ﺑﺲ ﺃﺩﺍﻧﻲ ﺃﻧﻮ ﺧﺎﺭﺝ ﻧﻄﺎﻕ ﺍﻟﺘﻐﻄﻴﻪ، ﻣﻦ ﺍﻟﺨﻮﻑ ﻭﺍﻟﺘﻮﺗﺮ ﺍﻟﺪﺧﻠﻮ ﻓﻴﻨﻲ ﻟﻤﻦ ﺭﺟﻠﻴﻨﻲ ﺑﻘﻮ ﻣﺎ ﺷﺎﻳﻠﻨﻲ، ﻟﺒﺴﺖ ﺍﻟﻌﺒﺎﻳﺔ ﻭﺍﻟﻨﻘﺎﺏ ﺳﺮﻳﻌﻊ ﻭﺟﻴﺖ ﻧﺎﺯﻟﺔ ﻓﻲ ﺍﻟﺴﻠﻢ ﺟﺮﻯ ﺣﺘﻰ ﻣﺎﻣﺎ ﺳﺎﻟﺘﻨﻲ ﻣﺎﺷﺔ ﻭﻳﻦ ﻣﻦ ﺍﻟﺨﻠﻌﺔ ﻣﺎ ﺭﺩﻳﺖ ﻋﻠﻴﻬﺎ، ﻭﺃﻧﺎ ﺟﺎﺭﻳﺔ ﻋﻠﻰ ﺑﺎﺏ ﺍﻟﺸﺎﺭﻉ ﻃﻘﺸﺖ ﺯﻭﻝ ﻟﻤﺎ ﻋﺎﻳﻨﺖ ﻟﻴﻪ ﻟﻘﻴﺘﻮ ﺩﺍ ﺧﺎﻟﺪ، ﻗﺎﻝ ﻟﻲ ﺑﺮﺍﺣﺔ ﺑﺮﺍﺣﺔ ﺟﺎﺭﻳﺔ ﻛﺪﺓ ﻭﻳﻦ؟! ﻗﻠﺖ ﻟﻴﻬﻮ ﻣﺎ ﺷﻐﻠﺘﻚ ﺯﺡ ﻣﻦ ﺍﻟﺸﺎﺭﻉ ﻗﺎﻝ ﻟﻲ ﻣﺎ ﺡ ﺃﺧﻠﻴﻚ ﺗﻤﺸﻲ ﺑﺎﻟﺤﺎﻟﺔ ﺍﻻﺗﻨﻲ ﻓﻴﻬﺎ ﺩﻱ ﺍﻻ ﺗﻮﺭﻳﻨﻲ ﻣﺎﻟﻚ ﻓﻲ ﺯﻭﻝ ﺣﺼﻠﺖ ﻟﻴﻬﻮ ﺣﺎﺟﺔ! ﻭﻣﺎﻟﻚ ﺑﺘﺮﺟﻔﻲ ﻛﺪﺓ! ﻗﻠﺖ ﻟﻴﻬﻮ ﻭﺃﻧﺖ ﻣﻨﻮ ﻋﺸﺎﻥ ﺗﻤﻨﻌﻨﻲ ﺯﺡ ﻣﻦ ﻃﺮﻳﻘﻲ ﻳﺎ ﻭﺩ ﺍﻟﻨﺎﺱ ﺍﻧﺎ ﻣﺴﺘﻌﺠﻠﺔ ﻗﺎﻝ ﻟﻲ ﺡ ﺃﺗﺠﺎﻭﺯ ﻛﻼﻣﻚ ﻭﺍﻻ ﺗﻘﻮﻟﻲ ﻟﻲ ﻣﺎﺷﺔ ﻭﻳﻦ ﺣﺘﻰ ﺗﻤﺸﻲ ﻭﻗﻔﻞ ﺍﻟﺒﺎﺏ، ﻗﻠﺖ ﻟﻴﻬﻮ ﺃﻓﺘﺤﻮ ﻳﺎﺍﺥ ﺍﻟﺒﺖ ﻣﻨﺘﻈﺮﺍﻧﻲ ﻗﺎﻝ ﻟﻲ ﺃﺣﻜﻲ ﻗﻠﺖ ﻟﻴﻬﻮ ﺧﻼﺹ ﻣﺎﺷﺔ ﺑﻴﺖ ﻧﺎﺱ ﺻﺤﺒﺘﻲ ﻓﻲ ﺍﻟﺸﻬﺪﺍﺀ ﺳﺮﻳﻌﻊ ﺃﻓﺘﺢ ﺍﻟﺒﺎﺏ ﻗﺎﻝ ﻃﻴﺐ ﺡ ﺃﻭﺻﻠﻚ ﺑﺎﻟﺮﻛﺸﺔ ﺣﻘﺘﻲ، ﻣﺎ ﺃﺗﺠﺎﺩﻟﺖ ﻣﻌﺎﻫﻮ ﻛﺘﺘﺘﻴﺮ ﺑﺲ ﺭﻛﺒﺖ ﻣﻦ ﺳﻜﺎﺕ ﻭﻛﻞ ﻫﻤﻲ ﻓﻲ ﺍﻟﻠﺤﻈﺔ ﺩﻳﻚ ﻛﺎﻥ ﺃﻧﻲ ﺃﺻﻞ ﻟﻲ ﻧﺴﻴﺒﺔ ﻓﻲ ﺃﺳﺮﻉ ﻭﻗﺖ، ﺍﻟﺸﺎﺭﻉ ﻛﻠﻮ ﻭﺃﻧﺎ ﺑﻘﻮﻝ ﻟﻴﻬﻮ ﺃﺳﺮﻉ ﺃﺳﺮﻉ، ﻟﺤﺪ ﻣﺎ ﻭﺻﻠﻨﺎ ﺍﻟﺒﻴﺖ ﻛﺎﻥ ﻋﺎﻭﺯ ﻳﻨﺰﻝ ﻣﻌﺎﻱ ﻗﻠﺖ ﻟﻴﻬﻮ ﻻ ﺃﻧﺖ ﺧﻠﻴﻚ ﻫﻨﺎ ﺃﻧﺎ ﺡ ﺃﺩﺧﻞ ﻭﺃﺟﻲ ﻗﺎﻝ ﻟﻲ ﻃﻴﺐ، ﺷﻜﻠﻮ ﻣﺎ ﻛﺎﻥ ﺣﺎﺑﺐ ﻳﺘﺪﺧﻞ ﻓﻲ ﺧﺼﻮﺻﻴﺎﺗﻲ ﻋﺸﺎﻥ ﻛﺪﺓ ﻓﻀﻞ ﺃﻧﻮ ﻳﻘﻌﺪ ﻓﻲ ﺍﻟﺮﻛﺸﺔ، ﺩﺧﻠﺖ ﺍﻟﺒﻴﺖ ﻭﻛﻨﺖ ﺳﺎﻣﻌﺔ ﺃﺻﻮﺍﺕ ﺻﺮﻳﺦ ﻭﺣﺎﺳﺔ ﺑﺮﺟﻠﻴﻨﻲ ﺗﻘﺎﻝ ﻭﺃﻧﺎ ﻣﺎﺷﺔ ﻋﻠﻴﻬﻢ ﻟﻤﻦ ﻭﺻﻠﺖ ﺟﻮﺍ ﺍﻟﺼﺎﻟﺔ ﻟﻘﻴﺖ ﻧﺴﻴﺒﺔ ﻭﺍﻗﻌﺔ ﻓﻲ ﺍﻻﺭﺽ ﻭﻓﻲ ﺩﻡ ﺳﺎﻳﻞ ﻣﻦ ﺭﺍﺳﻬﺎ ﻭﺭﺍﺟﻠﻬﺎ ﻭﺍﻗﻒ ﺑﻀﺮﺏ ﻓﻴﻬﺎ ﺯﻳﺎﺩﺓ، ﺟﺮﻳﺖ ﺟﺮﻱ ﺯﺣﻴﺘﻮ ﻣﻨﻬﺎ ﺑﻲ ﺃﻗﻮﻯ ﻣﺎ ﻋﻨﺪﻱ ﻭﺭﻓﻌﺘﻬﺎ ﻭﻗﻠﺖ ﻟﻴﻬﺎ ﻧﺴﻴﺒﺔ ﺇﻧﺘﻲ ﻛﻮﻳﺴﺔ؟! ﻛﺎﻧﺖ ﺑﺘﺒﻜﻲ ﺑﺲ ﻭﻣﺎ ﻗﺎﺩﺭﺓ ﺗﺮﺩ ﻋﻠﻲ ﺟﺒﺖ ﺃﻗﺮﺏ ﻃﺮﺣﺔ ﻟﻘﻴﺘﻬﺎ ﻭﺧﺘﻴﺘﻬﺎ ﻓﻲ ﺭﺍﺳﻬﺎ ﺭﺍﺟﻠﻬﺎ ﻃﻮﺍﻟﻲ ﺟﺎ ﻭﺿﺮﺑﻨﻲ ﺃﻧﺎ ﻣﻌﺎﻫﺎ ﺑﻲ ﺍﻟﻘﺰﺍﺯﺓ ﺍﻟﻜﺎﻥ ﺷﺎﻳﻠﻬﺎ ﻓﻲ ﻳﺪﻭ، ﺿﺮﺑﻨﻲ ﻓﻲ ﻛﺘﻔﻲ ﻋﻠﻰ ﻗﺪﺭ ﻣﺎ ﺍﺗﻮﺟﻌﺖ ﻟﺤﻈﺔ ﺿﺮﺑﻨﻲ ﻋﻠﻰ ﻗﺪﺭ ﻣﺎ ﺃﺗﻮﺟﻌﺖ ﺃﻛﺘﺮ ﻟﻤﻦ ﺷﻔﺖ ﺣﺎﻟﺔ ﻧﺴﻴﺒﺔ ﻭﻫﻲ ﻣﺮﻣﻴﺔ ﻓﻲ ﺍﻻﺭﺽ ﻭﺩﻣﻬﺎ ﺳﺎﻳﻞ ﻗﺎﻝ ﻟﻲ ﺇﻧﺘﻲ ﻣﻨﻮ ﺍﻟﺴﻤﺢ ﻟﻴﻚ ﺗﺠﻲ ﻭﺗﺪﻓﺮﻳﻨﻲ ﻭﺗﺰﺣﻴﻨﻲ ﻣﻦ ﺍﻟﺒﺖ ﺍﻟﻜﻠﺐ ﺩﻱ؟ ! ﻗﻠﺖ ﻟﻴﻬﻮ ﻳﺎﺍﺍﺧﻲ ﺗﻔﻮ ﻋﻠﻴﻚ ﻭﻋﻠﻰ ﺭﺟﻮﻟﺘﻚ ﻳﺎ ﺑﺎﻃﻞ ﻫﺴﻲ ﻣﺎ ﺑﺘﺨﺠﻞ ﺭﺍﻓﻊ ﻳﺪﻙ ﻋﻠﻰ ﻣﺮﺗﻚ؟ ! ﻗﺎﻝ ﻟﻲ ﻭﺇﻧﺘﻲ ﺍﻟﺪﺧﻠﻚ ﺷﻨﻮ ﻗﻠﺖ ﻟﻴﻬﻮ ﺩﺧﻠﺘﻨﻲ ﺑﻄﺎﻟﺘﻚ ﺩﻱ، ﻣﻌﻘﻮﻟﺔ ﻣﺎ ﻋﻨﺪﻙ ﺫﺭﺓ ﺇﻧﺴﺎﻧﻴﺔ! ﻟﻜﻦ ﺃﺳﺘﻨﻰ ﺡ ﺃﺧﻠﻴﻬﺎ ﺗﺘﻄﻠﻖ ﻣﻨﻚ ﻳﺎ ﻭﺳﺦ ﻣﻔﺘﻜﺮ ﺃﻧﻚ ﺣﺘﻔﻀﻞ ﺗﻌﺬﺏ ﻓﻴﻬﺎ ﻟﻲ ﺍﻷﺑﺪ! ﻗﺎﻝ ﻟﻲ ﻣﺎ ﺡ ﺃﻃﻠﻘﻬﺎ ﻭﺡ ﺃﺩﻗﻬﺎ ﻛﻞ ﻣﺮﺓ ﻗﻠﺖ ﻟﻴﻬﻮ ﺑﻌﺪ ﺩﺍ ﻳﺪﻙ ﻣﺎ ﺣﺘﺼﻠﻬﺎ، ﻣﻦ ﻗﻠﺖ ﻟﻴﻬﻮ ﺍﻟﻜﻼﻡ ﺩﺍ ﻃﻮﺍﻟﻲ ﻣﺶ ﺗﺠﺎﻫﻬﺎ ﻭﺿﺮﺑﻬﺎ ﺿﺮﺑﺔ ﻟﻤﻦ ﺟﺎﺕ ﻭﺍﻗﻌﺔ ﻓﻲ ﺍﻻﺭﺽ ﺗﺎﻧﻲ ﻭﻗﺎﻝ ﻟﻲ ﺃﻫﻮ ﺿﺮﺑﺘﻬﺎ، ﻓﻲ ﺍﻟﻠﺤﻈﺔ ﺩﻳﻚ ﻣﺎ ﻛﻨﺖ ﺷﺎﻳﻔﺔ ﻗﺪﺍﻣﻲ ﻣﻦ ﺍﻟﻐﻀﺐ ﻭﻟﺤﺴﻦ ﺍﻟﺤﻆ ﻛﺎﻥ ﻓﻲ ﺳﻜﻴﻦ ﻣﺨﺘﻮﺗﺔ ﻓﻲ ﺍﻟﻄﺮﺑﻴﺰﺓ ﻭﺟﻨﺒﻬﺎ ﺻﺤﻦ ﺳﻠﻄﺔ ﺷﻜﻠﻬﻢ ﻛﺎﻧﺖ ﻋﺎﻭﺯﻳﻦ ﻳﻘﻄﻌﻮ ﺑﻴﻬﺎ، ﺷﻠﺖ ﺍﻟﺴﻜﻴﻦ ﻭﺭﻓﻌﺘﻬﺎ ﻓﻲ ﻭﺷﻮ ﻫﻮ ﻣﻦ ﺷﺎﻑ ﺍﻟﺴﻜﻴﻦ ﻗﺎﻝ ﻟﻲ ﻫﻲ... ﻫﻴﻲ ﺇﻧﺘﻲ ﻧﺰﻟﻲ ﺍﻟﺒﺘﺎﻉ ﺩﻱ ﻣﻦ ﻳﺪﻙ ﻗﻠﺖ ﻟﻴﻬﻮ ﻣﺎ ﺡ ﺃﻧﺰﻟﻬﺎ ﻭﺡ ﺃﻃﻠﻌﻨﻚ ﺑﻴﻬﺎ ﻟﻮ ﻓﻜﺮﺗﻚ ﺗﻠﻤﺴﻬﺎ، ﻭﻗﻠﺖ ﻟﻴﻬﺎ ﻧﺴﻴﺒﺔ ﻗﻮﻣﻲ، ﻗﺎﻣﺖ ﺑﺮﺍﺣﺔ ﻣﻦ ﺍﻻﺭﺽ ﻟﻤﻦ ﺟﺎﺕ ﻭﻗﻔﺖ ﻭﺭﺍﻱ، ﻗﻠﺖ ﻟﻴﻬﻮ ﻧﺤﻨﺎ ﺡ ﻧﻄﻠﻊ ﻭﻟﻮ ﻓﻜﺮﺕ ﺗﻤﻨﻌﻨﺎ ﺡ ﺃﻃﻌﻨﻚ ﻃﻮﺍﻟﻲ ﻭﺃﻧﺎ ﻣﺎ ﺑﻬﻈﺮ ﻗﺒﻞ ﻛﺪﺓ ﻃﻌﻨﺖ ﻭﻟﺪ ﺟﻴﺮﺍﻧﺎ ﺃﺭﺑﻌﺔ ﻃﻌﻨﺎﺕ ﻭﻣﺎﺕ ﻓﻲ ﻟﺤﻈﺘﻬﺎ، ﻃﺒﻌﺎ ﻫﻮ ﺧﻮﺍﻑ ﺷﺪﺩﺩﺩﻳﺪ ﻟﻜﻦ ﻋﺎﻣﻞ ﻧﻔﺴﻮ ﻗﻮﻱ ﻭﻣﺎ ﺑﺨﺎﻑ ﻓﺒﻘﻰ ﻳﺘﺮﺍﺟﻒ ﻣﻦ ﻗﻠﺖ ﻟﻴﻪ ﺍﻟﻜﻼﻡ ﺩﺍ ﻭﺍﻧﺎ ﺃﺻﻼ ﻛﺬﺍﺑﺔ ﻭﻻ ﻃﻌﻨﺖ ﻭﻟﺪ ﺟﻴﺮﺍﻧﺎ ﻭﻻ ﺷﻲ ﻭﺯﺍﺗﻲ ﺑﺨﺎﻑ ﺃﺷﻴﻞ ﺍﻟﺴﻜﻴﻦ ﻟﻜﻦ ﻣﺎ ﺑﻴﻨﺖ ﻟﻴﻬﻮ ﻛﺪﺓ، ﺑﻘﻴﻨﺎ ﺭﺍﺟﻌﻴﻦ ﻟﻲ ﻭﺭﺍ ﻭﻣﺎﺷﻴﻦ ﻋﻠﻰ ﺍﻟﺒﺎﺏ ﻭﺃﻧﺎ ﻣﺎﺩﺓ ﺍﻟﺴﻜﻴﻦ ﺗﺠﺎﻫﻮ ﻟﻤﻦ ﻃﻠﻌﻨﺎ ﺑﺮﺓ ﺍﻟﺼﺎﻟﺔ ﻗﻔﻠﺖ ﻋﻠﻴﻬﻮ ﺍﻟﺒﺎﺏ ﺑﺎﻟﻤﻔﺘﺎﺡ ﻭﺭﻣﻴﺖ ﺍﻟﺴﻜﻴﻦ ﻓﻲ ﺍﻻﺭﺽ ﻭﺟﺮﻳﻨﺎ ﺍﻟﺸﺎﺭﻉ ﺧﺎﻟﺪ ﺃﺗﺨﻠﻊ ﻟﻤﻦ ﺷﻔﻨﺎ ﺟﺎﻳﻦ ﻭﻓﻲ ﺩﻡ ﻧﺎﺭﻝ ﻣﻦ ﺭﺍﺱ ﻧﺴﻴﺒﺔ ﻭﻳﺪﻱ ﺑﺮﺿﻮ، ﻗﺎﻝ ﻟﻲ ﻓﻲ ﺷﻨﻮ ﻭﻣﻨﻮ ﺍﻟﻀﺮﺑﻜﻢ ﻛﺪﺍ؟! ﻗﻠﺖ ﻟﻴﻬﻮ ﺑﺲ ﻭﺩﻳﻨﺎ ﺍﻟﻤﺴﺘﺸﻔﻰ ﺳﺮﻳﻴﻊ ﻧﺴﻴﺒﺔ ﺣﺎﻟﺘﻬﺎ ﺻﻌﺒﺔ ﺭﻛﺒﻨﺎ ﺍﻟﺮﻛﺸﺔ ﻭﻫﻮ ﻛﺎﻥ ﻣﺘﻮﺗﺮ ﺟﺪﺍً ﻭﻛﻞ ﺧﻤﺴﺔ ﺩﻗﺎﻳﻖ ﻳﺘﻠﻔﺖ ﻋﻠﻴﻨﺎ ﻭﻳﺴﺎﻟﻨﺎ ﺍﻟﺤﺎﺻﻞ ﺷﻨﻮ ﺑﺲ ﻣﺎﻑ ﻭﺍﺣﺪﺓ ﻓﻴﻨﺎ ﻗﺪﺭﺕ ﺗﺠﺎﻭﺑﻮ، ﻧﺴﻴﺒﺔ ﺑﺪﺕ ﺗﻐﻔﻰ ﻭﺃﻧﺎ ﻛﻨﺖ ﺑﺤﺎﻭﻝ ﺃﺻﺤﻲ ﻓﻴﻬﺎ ﻭﺃﺧﻠﻴﻬﺎ ﻣﺎ ﺗﻔﻘﺪ ﻭﻋﻴﻬﺎ ﻟﻤﻦ ﺣﺼﻠﻨﺎ ﺍﻟﻤﺴﺘﺸﻔﻰ ﻧﺰﻟﻨﺎ ﻭﺧﺎﻟﺪ ﻛﺎﻥ ﺳﺎﻧﺪﻫﺎ ﻣﻌﺎﻱ، ﺩﺧﻠﻨﺎﻫﺎ ﻗﺴﻢ ﺍﻟﺤﻮﺍﺩﺙ ﺑﺴﺮﻋﺔ ﺭﻗﺪﻭﻫﺎ ﻓﻲ ﺍﻟﻨﻘﺎﻟﺔ ﻭﺑﺪﻭ ﻳﻀﻤﺪﻭ ﻟﻴﻬﺎ ﺍﻟﺠﺮﺡ ﻭﺃﻧﺎ ﺑﺲ ﻛﻨﺖ ﻭﺍﻗﻔﺔ ﺑﺒﻜﻲ ﻭﺧﺎﻟﺪ ﺷﻐﺎﻝ ﻟﻲ ﺃﻫﺪﻱ ﻣﺎ ﺡ ﺗﺠﻴﻬﺎ ﺣﺎﺟﺔ ﻭﻣﺸﻰ ﺟﺎﺏ ﻟﻲ ﻣﻮﻳﺔ ﻭﺃﺩﺍﻧﻲ ﺃﺷﺮﺑﻬﺎ ﺑﺲ ﺃﻧﺎ ﺭﻓﻀﺖ، ﺷﻮﻳﺔ ﻭﺟﺎ ﺩﻛﺘﻮﺭ ﻳﺤﻴﻰ ﻭﺃﺗﺨﻠﻊ ﺷﺪﻳﺪﺩ ﻟﻤﻦ ﺷﺎﻓﻨﻲ ﺑﺒﻜﻲ ﻭﺷﺎﻑ ﻧﺴﻴﺒﺔ ﺍﻟﻤﻤﺮﺿﻴﻦ ﻭﺍﻗﻔﻴﻦ ﺣﻮﻟﻬﺎ، ﺃﺳﺘﻐﺮﺑﺖ ﻫﻮ ﺍﻟﺠﺎﺑﻮ ﻫﻨﺎ ﺷﻨﻮ ﺑﺲ ﻟﻤﻦ ﺭﻛﺰﺕ ﻟﻘﻴﺖ ﺃﻧﻨﺎ ﻓﻲ ﺍﻟﻤﺴﺘﺸﻔﻰ ﺣﻘﺘﻮ، ﺟﺎﻧﻲ ﺑﻠﻬﻔﻪ ﻭﻗﺎﻝ ﻟﻲ ﻣﻴﺎﻣﻦ ﺍﻟﺤﺎﺻﻞ ﺷﻨﻮ؟! ﻣﺎ ﺭﺩﻳﺖ ﻋﻠﻴﻬﻮ ﻭﻛﻨﺖ ﻟﺴﻪ ﺑﺒﻜﻲ، ﻋﺎﻳﻦ ﻟﻲ ﻧﺴﻴﺒﺔ ﻭﻗﺎﻝ ﻟﻲ ﻭﺍﺣﺪﺓ ﻣﻦ ﺍﻟﻤﻤﺮﺿﺎﺕ ﻭﺿﻌﻬﺎ ﻛﻴﻒ؟! ﻗﺎﻟﺖ ﻟﻴﻬﻮ ﻟﺴﻪ ﺍﻟﺪﻡ ﻣﺎ ﺭﺍﺿﻲ ﻳﻘﻴﻒ، ﺃﺗﻔﻠﺖ ﺗﺎﻧﻲ ﻋﻠﻲ ﺷﻮﻳﺔ ﻭﺷﺎﻑ ﺩﻡ ﻧﺎﺯﻝ ﻓﻲ ﺍﻻﺭﺽ ﻣﻦ ﻳﺪﻱ، ﻗﺎﻝ ﻟﻲ ﻣﻴﺎﻣﻦ ﺇﻧﺘﻲ ﻣﺎ ﺷﺎﻳﻔﺔ ﻳﺪﻙ ﺩﻱ! ﻗﻠﺖ ﻟﻴﻬﻮ ﺧﻠﻴﻨﻲ ﺃﻧﺎ ﺃﻧﻘﺬ ﻧﺴﻴﺒﺔ ﻗﺎﻝ ﻟﻲ ﺍﻟﻤﻤﺮﺿﺔ ﺍﻟﻘﺒﻞ ﺷﻮﻳﺔ ﺯﺍﺗﻬﺎ ﺷﻮﻓﻲ ﻳﺪﻫﺎ ﻭﺧﻠﻲ ﻟﻲ ﺍﻟﻤﺮﻳﻀﺔ ﺩﻱ، ﺍﻟﻤﻤﺮﺿﺔ ﺟﺎﺕ ﺳﺎﻗﺘﻨﻲ ﺍﻟﻘﺴﻢ ﺍﻟﺘﺎﻧﻲ ﻋﺸﺎﻥ ﻛﺎﻥ ﻻﺯﻡ ﺃﺭﻓﻊ ﺍﻟﻌﺒﺎﻳﺔ ﻻﻧﻮ ﺍﻟﻀﺮﺑﺔ ﻓﻲ ﺍﻟﻜﺘﻒ ﻓﻮﻕ، ﻣﻠﺼﺖ ﻋﺒﺎﻳﺘﻲ ﻭﻫﻲ ﻋﻘﻤﺖ ﻟﻲ ﺍﻟﺠﺮﺡ ﻭﻟﻔﺘﻮ ﻟﻲ ﺑﻲ ﺷﺎﺵ ﻭﻗﺎﻟﺖ ﻟﻲ ﺗﺎﻧﻲ ﺑﻌﺪﻳﻦ ﻏﻴﺮﻳﻬﻮ ﻫﺰﻳﺖ ﻟﻴﻬﺎ ﺭﺍﺳﻲ ﻭﻣﺎ ﺍﺗﻜﻠﻤﺖ ﻓﺠﺎﺓ ﺟﻮ ﺑﺮﺍﺀﺓ ﻭﺍﻻﺀ ﺟﺎﺭﻳﻴﻦ ﻗﻠﺖ ﺃﻛﻴﺪ ﻛﻠﻤﻬﻢ ﻳﺤﻴﻰ ﺃﻭ ﺧﺎﻟﺪ، ﺑﺮﺍﺀﺓ ﻗﺎﻟﺖ ﻟﻲ ﻣﻴﻤﻲ ﻓﻴﻚ ﺷﻲ؟! ﺍﻻﺀ ﻗﺎﻟﺖ ﻟﻲ ﺇﻧﺘﻲ ﻛﻮﻳﺴﺔ! ﻗﻠﺖ ﻟﻴﻬﻢ ﺍﻫﺪﻭ ﺃﻫﺪﻭ ﺃﻧﺎ ﻣﺎ ﻓﻴﻨﻲ ﺍﻻ ﺍﻟﻌﺎﻓﻴﺔ، ﺑﻘﻮ ﻳﺘﻜﻠﻤﻮ ﻣﻌﺎﻱ ﻭﺭﻳﺘﻬﻢ ﺍﻟﺤﺼﻞ ﻛﻠﻮ، ﺑﺮﺍﺀﺓ ﻗﺎﻟﺖ ﻟﻲ ﺃﺧﺨﺦ ﺑﺘﻮﻗﻌﻲ ﻧﻔﺴﻚ ﻓﻲ ﺍﻟﻤﺸﺎﻛﻞ ﻟﻴﻪ؟! ﻫﺴﻲ ﺇﻧﺘﻲ ﻧﺎﻗﺼﺎﻙ ﺍﻟﻘﺼﺔ ﺍﻟﺤﺼﻠﺖ ﺩﻱ ﻗﻠﺖ ﻟﻴﻬﺎ ﺑﺮﺍﺀﺓ ﺍﻧﺎ ﻭﺭﻳﺘﻜﻢ ﻣﻮﻗﻔﻲ ﺷﻨﻮ ﻭﺭﺟﺎﺀ ﻣﺎﻑ ﺯﻭﻝ ﻳﺘﻨﺎﻗﺶ ﻣﻌﺎﻱ ﺑﺨﺼﻮﺹ ﺍﻟﻤﻮﺿﻮﻉ ﺩﺍ، ﺍﻻﺀ ﻣﺸﺖ ﺟﺎﺑﺖ ﻟﻲ ﻋﺒﺎﻳﺔ ﻓﺎﺗﺤﺔ ﻟﺒﺴﺘﻬﺎ ﻋﺸﺎﻥ ﻋﺒﺎﻳﺘﻲ ﺩﻳﻚ ﺃﺗﻮﺳﺨﺖ، ﻫﻮ ﺃﺳﺎﺳﺎ ﻛﻨﺎ ﺡ ﻧﺒﻴﺖ ﻓﻲ ﺍﻟﻤﺴﺘﺸﻔﻰ ﻋﺸﺎﻥ ﻋﻨﺪﻧﺎ ﺩﻭﺍﻡ ﻟﻜﻦ ﺍﻧﺎ ﻣﺎ ﺟﻴﺖ ﺑﺪﺭﻱ ﻭﺻﺎﺩﻓﺘﻨﻲ ﻣﻜﺎﻟﻤﺔ ﻧﺴﻴﺒﺔ ﻭﻣﺸﻴﺖ ﻟﻴﻬﺎ، ﻟﺒﺴﺖ ﺍﻟﻌﺒﺎﻳﺔ ﻭﻫﻤﺎ ﻧﺰﻟﻮ ﺗﺤﺖ ﻳﺠﻴﺒﻮ ﻟﻲ ﺃﻛﻞ، ﺗﻠﻔﻮﻧﻲ ﺿﺮﺏ ﻭﻛﺎﻧﺖ ﺩﻱ ﻣﺎﻣﺎ ﻓﻲ ﺍﻻﻭﻝ ﻣﺎ ﺭﺩﻳﺖ ﻻﻧﻬﺎ ﺡ ﺗﻌﺮﻑ ﻣﻦ ﺻﻮﺗﻲ ﺃﻧﻮ ﻓﻲ ﺷﻲ، ﻟﻤﻦ ﻫﺪﻳﺖ ﺷﻮﻳﺔ ﺣﺘﻰ ﺑﻌﺪﺍﻙ ﺭﺟﻌﺖ ﻟﻴﻬﺎ، ﻗﻠﺖ ﻟﻴﻬﺎ ﺃﻳﻮﺓ ﻳﺎ ﻣﺎﻣﺎ ﻗﺎﻟﺖ ﻟﻲ ﺇﻧﺘﻲ ﻭﻳﻦ؟! ﻗﻠﺖ ﻟﻴﻬﺎ ﻓﻲ ﺍﻟﻤﺴﺘﺴﻔﻰ ﻗﺎﻟﺖ ﻟﻲ ﺷﻨﻮﻭ؟ ! ﻗﻠﺖ ﻟﻴﻬﺎ ﻻﻻ ﻣﺎ ﺗﺨﺎﻓﻲ ﻋﻨﺪﻱ ﺷﻐﻞ ﻭﺟﻴﺖ ﻋﺸﺎﻧﻮ ﻗﺎﻟﺖ ﻟﻲ ﻟﻜﻦ ﺟﺮﻳﺘﻚ ﺑﺎﻟﻄﺮﻳﻘﺔ ﺩﻳﻚ ﺧﻮﻓﺘﻨﻲ ﻗﻠﺖ ﻓﻲ ﺷﻲ ﻗﻠﺖ ﻟﻴﻬﺎ ﻻﻻ ﻛﻠﻮ ﺗﻤﺎﻡ + ﺡ ﺃﺑﻴﺖ ﻓﻲ ﺍﻟﻤﺴﺘﺸﻔﻰ ﻋﻨﺪﻧﺎ ﺷﻐﻞ ﻗﺎﻟﺖ ﻟﻲ ﻃﻴﺐ ﻃﻤﺌﻴﻨﻲ ﻋﻠﻴﻚ ﻗﻠﺖ ﻟﻴﻬﺎ ﻃﻴﺐ ﻭﻗﻔﻠﺖ ﻣﻨﻬﺎ ﻭﺃﺗﻨﻬﺪﺕ ﺗﻨﻬُﻴﺪﺓ ﻃﻮﻳﻠﺔ، ﺳﻤﻌﺖ ﺩﻛﺘﻮﺭ ﻳﺤﻴﻰ ﺑﻘﻮﻝ ﻟﻲ ﻃﺎﻟﻤﺎ ﻋﺎﺭﻓﺔ ﺍﻟﺒﺘﻌﻤﻠﻲ ﻓﻴﻬﻮ ﺩﺓ ﻏﻠﻂ ﻭﺑﺘﻜﺬﺑﻲ ﻋﻠﻰ ﺃﻣﻚ ﺑﺴﺒﺒﻮ ﻟﻴﻪ ﻋﻤﻠﺘﻴﻬﻮ! ﺃﻧﺎ ﻣﺶ ﻧﺒﻬﺘﻚ ﻭﻗﻠﺖ ﻟﻴﻚ ﺃﻃﻠﻌﻲ ﻣﻦ ﺍﻟﻤﺸﻜﻠﺔ ﺩﻱ ﺇﻧﺘﻲ ﻟﻴﻪ ﻣﺎ ﺑﺘﺴﻤﻌﻲ ﺍﻟﻜﻼﻡ ﻧﻔﺴﻲ ﺃﻋﺮﻑ ﻗﻮﺓ ﺍﻟﺮﺍﺱ ﻭﺍﻟﻌﻨﺎﺩ ﺩﻳﻞ ﺟﺎﻳﺒﺎﻫﻢ ﻣﻦ ﻭﻳﻦ! ﻗﻠﺖ ﻟﻴﻬﻮ ﻣﺎ ﺿﺮﻭﺭﻱ ﺗﻌﺮﻑ ﻗﺎﻝ ﻟﻲ ﺣﺘﻰ ﺣﺎﻟﻴﺎ ﻟﺴﻪ ﻣﺼﺮﺓ ﺗﻌﺎﻧﺪﻱ! ﻣﻴﺎﻣﻦ ﺳﻴﺒﻲ ﺍﻟﺒﺖ ﻓﻲ ﺣﺎﻟﻬﺎ ﻭﺑﻄﻠﻲ ﺗﺪﺧﻠﻲ ﻓﻲ ﻣﺘﺎﻫﺎﺕ ﻣﺎ ﻟﻴﻬﺎ ﺃﻭﻝ ﻭﻻ ﺃﺧﺮ ﻗﻠﺖ ﻟﻴﻬﻮ ﻣﺎ ﺡ ﺃﺧﻠﻴﻬﺎ ﻣﻌﻘﻮﻟﺔ ﺃﻧﺖ ﻣﺎ ﺷﺎﻳﻒ ﺣﺎﻟﺘﻬﺎ ﺍﻟﻠﻲ ﻫﻲ ﻫﺴﻲ ﻓﻴﻬﺎ! ﺩﺍﻳﺮﻧﻲ ﺃﺳﻴﺒﻬﺎ ﻛﻴﻒ! ﻗﺎﻝ ﻟﻲ ﻋﻠﻰ ﻓﻜﺮﺓ ﺇﻧﺘﻲ ﻛﺪﺍ ﺑﺘﻮﻗﻌﻲ ﻧﻔﺴﻚ ﻓﻲ ﻣﺸﺎﻛﻞ ﺃﻧﺘﻲ ﻓﻲ ﻏﻨﻰ ﻋﻨﻬﺎ ﻗﻠﺖ ﻟﻴﻬﻮ ﺃﻧﺖ ﺑﺲ ﺧﻠﻴﻚ ﺑﻌﻴﺪ ﻣﻨﻲ ﻭﻣﺎ ﺗﺘﺪﺧﻞ ﻓﻴﻨﻲ ﻗﺎﻝ ﻟﻲ ﻃﻴﺐ ﻳﺎ ﻣﻴﺎﻣﻦ ﻃﻴﺐ ﻋﻠﻰ ﻋﻴﻨﻲ ﻭﺭﺃﺳﻲ ﺡ ﺃﺧﻠﻴﻚ ﻭﻣﺎ ﺡ ﺃﺣﺬﺭﻙ ﺗﺎﻧﻲ ﻳﻼ ﺃﻗﻌﻲ ﻓﻲ ﺍﻟﻤﺸﺎﻛﻞ ﺯﻱ ﻣﺎ ﻋﺎﻳﺰﺓ ﻭﺻﺪﻗﻨﻲ ﺡ ﺗﻘﻌﻲ ﻓﻲ ﻭﺭﻃﺔ ﻭﺃﻧﺎ ﻣﺘﺎﻛﺪ ﺃﻧﻮ ﺭﺍﺟﻠﻬﺎ ﻣﺎ ﺣﻴﺴﻴﺒﻚ ﻓﻲ ﺣﺎﻟﻚ ﻭﺷﻮﻓﻲ ﻗﻮﺓ ﺭﺍﺳﻚ ﺩﻱ ﺣﺘﻮﺩﻳﻚ ﻟﻲ ﻭﻳﻦ ﻭﻓﺎﺕ ﺧﻼﻧﻲ، ﻧﺎﺱ ﺑﺮﺍﺀﺓ ﺟﻮ ﺑﻌﺪﻭ ﻗﺎﻟﻮ ﻟﻲ ﺩﻛﺘﻮﺭ ﻳﺤﻴﻰ ﻛﺎﻥ ﺑﻌﻤﻞ ﻫﻨﺎ ﻓﻲ ﺷﻨﻮ! ﻗﻠﺖ ﻟﻴﻬﻢ ﻧﺒﻬﻨﻲ ﻭﻗﺎﻝ ﻟﻲ ﻣﺎ ﺍﺗﺪﺧﻞ ﻓﻲ ﻗﺼﺔ ﻧﺴﻴﺒﺔ، ﺑﺮﺍﺀﺓ ﻗﺎﻟﺖ ﻟﻲ ﻛﻼﻣﻮ ﺻﺢ ﺷﻮﻓﻲ ﺍﻟﻠﻴﻠﺔ ﺃﻧﻀﺮﺑﺘﻲ ﻓﻲ ﻳﺪﻙ ﺑﻜﺮﺓ ﻣﺎ ﻣﻌﺮﻭﻑ ﺗﻨﻀﺮﺑﻲ ﻭﻳﻦ ﺍﻻﺀ ﻗﺎﻟﺖ ﻟﻲ ﻣﻴﺎﻣﻦ ﺃﺳﻤﻌﻲ ﺍﻟﻜﻼﻡ ﻭﺃﻃﻠﻌﻲ ﻣﻦ ﺍﻟﻘﺼﺔ ﺩﻱ ﻗﻠﺖ ﻟﻴﻬﻢ ﺣﺎﻭﻟﻮ ﺃﻓﻬﻤﻮﻧﻲ ﻳﺎﺍﺍﺥ، ﺑﺮﺍﺀﺓ ﻗﺎﻟﺖ ﻟﻲ ﻧﺤﻨﺎ ﻣﺘﻌﺎﻃﻔﻴﻦ ﻣﻊ ﺍﻟﺒﺖ ﻭﻋﺎﺭﻓﻴﻦ ﺣﺎﻟﺘﻬﺎ ﺗﻜﺴﺮ ﺍﻟﺨﺎﻃﺮ ﺑﺲ ﺑﺮﺿﻮ ﺧﺎﻓﻴﻴﻦ ﻋﻠﻴﻚ ﻳﺎ ﻣﻴﺎﻣﻦ ﻭﻣﺎ ﺩﺍﻳﺮﻧﻚ ﺗﺘﺎﺫﻱ ﻗﻠﺖ ﻟﻴﻬﻢ ﺯﻱ ﻣﺎ ﺃﻧﺘﻮ ﺧﺎﻳﻔﻴﻦ ﻋﻠﻲ ﺃﻧﺎ ﻛﻤﺎﻥ ﺧﺎﻳﻔﺔ ﻋﻠﻴﻬﺎ، ﺇﻧﺘﻮ ﻣﺎ ﺷﻔﺘﻮ ﻫﻮ ﺑﻀﺮﺑﻬﺎ ﻛﻴﻒ، ﺃﻧﺎ ﻟﻤﻦ ﻛﻨﺖ ﺑﻨﻀﺮﺏ ﺯﻳﻬﺎ ﻛﺪﺍ ﻣﺎ ﻛﻨﺖ ﺑﻠﻘﻰ ﺯﻭﻝ ﺑﺠﻴﺒﻨﻲ ﺍﻟﻤﺴﺘﺸﻔﻰ ﺃﻭ ﻳﺴﺎﻋﺪﻧﻲ ﻓﻬﻲ ﻫﺴﻲ ﻟﻤﻦ ﻟﻘﺖ ﺯﻭﻝ ﻳﺠﻴﺒﻬﺎ ﻫﻨﺎ ﻭﻳﺴﺎﻋﺪﻫﺎ ﺃﻧﺎ ﻟﻲ ﺃﺧﻠﻴﻬﺎ ! ، ﺳﻜﺘﻮ ﺍﻻﺗﻨﻴﻦ ﻣﺴﺎﻓﺔ ﻭﺑﻌﺪﻫﺎ ﻗﺎﻟﻮ ﻟﻲ ﻃﻴﺐ ﻧﺤﻨﺎ ﺡ ﻧﻜﻮﻥ ﻭﺍﻗﻔﻴﻦ ﻣﻌﺎﻙ ﻟﺤﺪ ﻣﺎ ﺗﺤﺴﻲ ﻧﻔﺴﻚ ﺳﺎﻋﺪﺗﻴﻬﺎ ﻭﻫﺴﻲ ﺃﻛﻠﻲ ﻭﺑﻘﻮ ﻳﺎﻛﻠﻮ ﻓﻴﻨﻲ ﺑﺎﻟﻐﺼﺐ ... ﺑﻠﻴﻞ ﺍﻟﺴﺎﻋﺔ 12 ﺣﺘﻰ ﻧﺴﻴﺒﺔ ﻓﺘﺤﺖ ﻋﻴﻮﻧﻬﺎ ﻣﻦ ﺷﺎﻓﺘﻨﻲ ﻃﻮﺍﻟﻲ ﻗﻌﺪﺕ ﺗﺒﻜﻲ ﻭﻗﺎﻟﺖ ﻟﻲ ﻣﻴﺎﻣﻦ ﻗﻠﺖ ﻟﻴﻬﺎ ﺃﻧﺎ ﺟﻨﺒﻚ ﻣﺎ ﺗﺨﺎﻓﻲ ﻗﺎﻟﺖ ﻟﻲ ﺃﺳﻔﺔ ﺣﺼﻞ ﻟﻴﻚ ﻛﺪﺍ ﺑﺴﺒﺒﻲ ﻗﻠﺖ ﻟﻴﻬﺎ ﻻ ﻣﺎﻑ ﺩﺍﻋﻲ ﺗﻌﺘﺰﺭﻱ ﻗﺎﻟﺖ ﻟﻲ ﻣﺎ ﻟﻘﻴﺖ ﺯﻭﻝ ﻏﻴﺮﻙ ﺃﺿﺮﺏ ﻟﻴﻬﻮ ﻗﻠﺖ ﻟﻴﻬﺎ ﻭﻣﺎ ﻋﻤﻠﺘﻲ ﺍﻻ ﺍﻟﺼﺢ ﻟﻤﻦ ﺿﺮﺑﺘﻲ ﻟﻲ ﺑﺲ ﻧﺎﺱ ﺃﻣﻚ ﻛﺎﻧﻮ ﻭﻳﻦ؟! ﻗﺎﻟﺖ ﻟﻲ ﺡ ﺃﺣﻜﻲ ﻟﻴﻚ ﻣﻦ ﺍﻟﺒﺪﺍﻳﺔ ﻗﻠﺖ ﻟﻴﻬﺎ ﺳﺎﻣﻌﺎﻙ ﻗﺎﻟﺖ ﻟﻲ ﺑﻌﺪ ﺟﻴﺘﻴﻨﺎ ﻓﻲ ﺍﻟﺒﻴﺖ ﻭﺃﺗﻜﻠﻤﺘﻲ ﻣﻌﺎﻱ ﻭﻣﻊ ﺃﻣﻲ ﻧﺤﻨﺎ ﻓﻜﺮﻧﺎ ﻓﻲ ﺍﻟﻤﻮﺿﻮﻉ ﻭﺣﺘﻰ ﺣﺎﻭﻟﺖ ﺃﻗﻨﻊ ﺃﻣﻲ ﺍﻧﻲ ﺃﺗﻄﻠﻖ ﻟﺤﺪ ﻣﺎ ﺃﻗﻨﺘﻌﻬﺎ ﻭﻣﺸﻴﻨﺎ ﺭﻓﻌﻨﺎ ﻗﻀﻴﺔ ﺿﺪﻭﺩ ﻭﻃﻠﺒﺖ ﺍﻟﻄﻼﻕ ﻭﻫﻮ ﻟﻤﻦ ﻋﺮﻑ ﺟﻨﻰ ﺟﻨﻮﻥ ﻭﺟﺎﻧﺎ ﻓﻲ ﺍﻟﺒﻴﺖ ﻟﻜﻦ ﺃﻣﻲ ﻃﺮﺩﺗﻮ ﻭﺍﻟﻠﻴﻠﻪ ﻣﻦ ﺍﻟﺼﺒﺎﺡ ﻫﻤﺎ ﻣﺸﻮ ﻋﺮﺱ ﻗﺮﺍﻳﺒﻨﺎ ﻭﺃﻧﺎ ﻣﺎ ﻣﺸﻴﺖ ﻣﻌﺎﻫﻢ ﻻﻧﻮ ﻣﺎ ﻛﺎﻥ ﻟﻲ ﻧﻔﺲ ﻭﺃﻣﻲ ﺃﻛﺪﺕ ﻋﻠﻲ ﺃﻧﻲ ﺃﻗﻔﻞ ﺍﻻﺑﻮﺍﺏ ﻛﻮﻳﺲ ﻭﺃﻧﺎ ﻗﻔﻠﺘﻬﻢ ﺑﺲ ﻣﺎ ﻋﺎﺭﻓﺔ ﻫﻮ ﻛﻴﻒ ﻳﻘﺪﺭ ﻳﻔﺘﺤﻬﻢ ﻭﻳﺨﺶ ﻭﻭﻗﻊ ﻓﻴﻨﻲ ﺿﺮﺏ ﻳﺎﻟﻠﻪ ﺃﺗﻔﻜﻴﺖ ﻣﻨﻮ ﻭﺟﺮﻳﺖ ﺩﺧﻠﺖ ﺍﻟﻐﺮﻓﺔ ﻭﻭﻗﺘﻬﺎ ﺿﺮﺑﺖ ﻟﻴﻚ ﻭﻭﺭﻳﺘﻚ ﻋﺸﺎﻥ ﺗﻠﺤﻘﻴﻨﻲ ﻭﻗﺒﻞ ﻣﺎ ﺃﺗﻢ ﻛﻼﻣﻲ ﻣﻌﺎﻙ ﺟﺎ ﻫﻮ ﺷﺎﻝ ﻣﻨﻲ ﺍﻟﺘﻠﻔﻮﻥ ﻭﺿﺮﺑﻨﻲ ﺑﻴﻬﻮ ﻓﻲ ﺭﺍﺳﻲ ﻟﻤﻦ ﺍﺗﻜﺴﺮ ﻓﻮﻗﻮ ﻭﺑﻘﻴﺖ ﺃﻧﺰﻑ ﻭﻗﺎﻝ ﻟﻲ ﺩﺍﻳﺮﺓ ﺗﺘﻄﻠﺒﻲ ﺍﻟﻄﻼﻕ ﻣﻨﻲ ﻟﻜﻦ ﺍﻧﺎ ﻣﺎ ﺡ ﺃﻃﻠﻘﻚ ﻭ ﺟﺮﺍﻧﻲ ﻟﻲ ﺍﻟﺼﺎﻟﺔ ﻭ .... ﻭﻳﺎﻫﻮ ﺟﻴﺘﻲ ﺇﻧﺘﻲ ﻗﻠﺖ ﻟﻴﻬﺎ ﺣﺴﺒﻲ ﺍﻟﻠﻪ ﻓﻴﻬﻮ ﻗﺎﻟﺖ ﻟﻲ ﺍﻧﺎ ﺧﺎﻳﻔﺔ ﻣﻨﻮ ﻗﻠﺖ ﻟﻴﻬﺎ ﻣﺎ ﺗﺨﺎﻓﻲ ﻛﻠﻮ ﺡ ﻳﺘﺼﻠﺢ ﻭﺡ ﺃﺧﻠﻴﻚ ﺗﺘﻄﻠﻘﻲ ﻣﻨﻮ ﻭﻳﺤﺒﺴﻮ ﻓﻲ ﺍﻟﺴﺠﻦ ﻭﻳﻬﺪﺩﻭﻩ ﺃﻧﻮ ﺗﺎﻧﻲ ﻣﺎ ﻳﺼﻠﻚ، ﻗﻌﺪﻧﺎ ﺑﺎﻗﻲ ﺍﻟﻴﻮﻡ ﺩﺍﻙ ﻓﻲ ﺍﻟﻤﺴﺘﺸﻔﻰ ﻭﺧﺎﻟﺪ ﻣﺎ ﻗﺼﺮ ﻣﻌﺎﻧﺎ ﻛﻞ ﺧﻤﺴﺔ ﺩﻗﺎﺋﻖ ﺑﻴﺠﻲ ﺑﻴﻘﻮﻝ ﻟﻴﻨﺎ ﻣﺤﺘﺎﺟﻴﻦ ﺣﺎﺟﺔ! ﻭﺑﻴﺸﻮﻑ ﻭﺿﻌﻨﺎ ﻭﺣﺘﻰ ﺗﺎﻧﻲ ﻳﻮﻡ ﻫﻮ ﺍﻟﻮﺻﻠﻨﺎ ﺑﻴﺘﻨﺎ، ﻳﻼ ﻫﻮ ﺃﺻﻼ ﺍﻣﺒﺎﺭﺡ ﻛﺎﻥ ﺟﺎﻳﻴﻨﺎ ﻋﺸﺎﻥ ﺯﻳﺎﺩ ﻣﺮﺳﻞ ﻣﻌﺎﻫﻮ ﺣﺎﺟﺎﺕ ﻟﻲ ﻣﻬﺎﺩ ﺃﺧﺘﻲ ﻟﻜﻦ ﺃﻧﺎ ﺻﺎﺩﻓﺘﻮ ﻓﻲ ﺍﻟﺒﺎﺏ ﻭﺳﺎﻗﻨﻲ ﺑﻌﺪﻫﺎ ﻧﺎﺱ ﻧﺴﻴﺒﺔ، ﺩﺧﻞ ﻣﻌﺎﻧﺎ ﻟﻲ ﺟﻮﺍ، ﻣﺎﻣﺎ ﺃﻧﻬﺠﻤﺖ ﻟﻤﻦ ﺷﺎﻓﺖ ﻧﺴﻴﺒﺔ ﻣﻌﺎﻱ ﻭﺭﺍﺳﻬﺎ ﻣﻠﻔﻮﻑ ﺑﺸﺎﺵ ﺟﺎﺕ ﻣﺨﻠﻮﻋﻪ ﻭﻗﺎﻟﺖ ﻟﻲ ﺑﺴﻢ ﺍﻟﻠﻪ ﻳﺎ ﺭﺏ ﺩﻱ ﻣﻨﻮ ﺍﻟﻤﻌﺎﻙ ﺩﻱ ﻭﻟﻲ ﺭﺍﺳﻬﺎ ﻣﻠﻔﻮﻑ ﻛﺪﺓ! ﻗﻠﺖ ﻟﻴﻬﺎ ﺩﻱ ﺻﺤﺒﺘﻲ ﻳﺎ ﻣﺎﻣﺎ ﺩﻗﻴﻘﻪ ﺃﺩﺧﻠﻬﺎ ﺍﻟﻐﺮﻓﺔ ﻭﺃﺟﻴﻚ، ﺩﺧﻠﺖ ﻧﺴﻴﺒﺔ ﻏﺮﻓﺘﻲ ﻭﻗﻠﺖ ﻟﻴﻬﺎ ﺃﺭﺗﺎﺣﻲ ﺡ ﺃﻣﺸﻲ ﻟﻲ ﻣﺎﻣﺎ ﻭﺃﺟﻲ ﻃﻴﺐ ﻗﺎﻟﺖ ﻟﻲ ﻃﻴﺐ، ﺭﻗﺪﺗﻬﺎ ﻓﻲ ﺍﻟﺴﺮﻳﺮ ﻭﻣﺸﻴﺖ ﻟﻲ ﺃﻣﻲ ﺗﺤﺖ، ﻣﺎﻣﺎ ﻗﺎﻟﺖ ﻟﻲ ﺩﻱ ﻣﻨﻮ ﻭﻗﺼﺘﻬﺎ ﺷﻨﻮ! ﻗﻠﺖ ﻟﻴﻬﺎ ﺃﻭﻝ ﺷﻲ ﻋﺎﻳﺰﺍﻙ ﺗﻬﺪﻱ ﻋﺸﺎﻥ ﺃﺣﻜﻲ ﻟﻴﻚ ﻗﺎﻟﺖ ﻟﻲ ﻣﺎ ﺗﻮﺗﺮﻳﻨﻲ ﺯﻳﺎﺩﺓ ﻗﻮﻟﻲ ﻓﻲ ﺷﻨﻮ ﻗﻠﺖ ﻟﻴﻬﺎ ..... ﺣﻴﻜﺖ ﻟﻴﻬﺎ ﺍﻟﻘﺼﺔ ﻭﻭﺭﻳﺘﻬﺎ ﺃﻧﻬﺎ ﻧﻔﺲ ﺍﻟﺒﺖ ﺍﻟﻼﻗﺎﺗﻨﻲ ﻓﻲ ﺍﻟﻤﺴﺘﺸﻔﻰ ﻭﺃﻧﺎ ﺣﻜﻴﺖ ﻟﻴﻬﺎ ﻋﻨﻬﺎ، ﻗﺎﻟﺖ ﻟﻲ ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺿﺮﺑﻚ ﺑﻲ ﺍﻟﻘﺰﺍﺯ ﻛﺪﺓ ﻭﺭﻳﻨﻲ ﻳﺪﻙ، ﻋﺎﻳﻨﺖ ﻟﻴﻬﺎ ﻧﻈﺎﻡ ﺧﺎﻟﺪ ﻭﺍﻗﻒ ﻣﺎ ﺑﻘﺪﺭ ﺃﻓﺘﺢ ﻋﺒﺎﻳﺘﻲ ﻗﻠﺖ ﻟﻴﻬﺎ ﺃﻧﺎ ﻛﻮﻳﺴﺔ ﻳﺎﺍﺍﺧﻲ ﻣﺎ ﻓﻴﻨﻲ ﺷﻲ، ﻗﺎﻟﺖ ﻟﻲ ﺡ ﺗﺠﻨﻴﻨﻲ ﻭﺍﻟﻠﻪ ﺍﻟﻌﻈﻴﻢ ﻗﻠﺖ ﻟﻴﻬﺎ ﻣﺎﻣﺎ ﺑﺮﺍﺣﺔ ﻗﺎﻟﺖ ﻟﻲ ﺭﺍﺳﻚ ﻗﻮﻱ ﺇﻧﺘﻲ ﻫﺴﻲ ﺟﺎﻳﺒﺎﻫﺎ ﻣﻌﺎﻙ ﺍﻟﺒﻴﺖ ﻟﻴﻴﻪ! ﻗﻠﺖ ﻟﻴﻬﺎ ﻻﻧﻲ ﺡ ﺃﺳﺎﻋﺪﻫﺎ ﻗﺎﻟﺖ ﻟﻲ ﻧﻌﻤﻤﻢ! ﺑﻌﺪ ﺍﻟﺤﺼﻞ ﻓﻴﻚ ﺗﺎﻧﻲ ﻋﺎﻭﺯﺓ ﺗﺼﻠﻴﻬﻢ ﺍﻟﻨﺎﺱ ﺩﻳﻞ ﺧﻄﺮﻳﻴﻦ ﻳﺎ ﺑﺘﻲ ﻗﻠﺖ ﻟﻴﻬﺎ ﺃﻧﺎ ﻻﺯﻡ ﺃﺳﺎﻋﺪﻫﺎ ﻗﺎﻟﺖ ﻟﻲ ﺃﻧﺎ ﺃﻋﻤﻞ ﻣﻌﺎﻙ ﺷﻨﻮ ﺑﺲ! ﺍﺧﺨﺦ ﻣﻨﻚ ﻳﺎ ﻣﻴﺎﻣﻦ ﻗﻠﺖ ﻟﻴﻬﺎ ﻣﺎﻣﺎ ﺃﻧﺎ ﺣﺎﺳﺔ ﺑﻲ ﺍﻟﻠﻲ ﻫﻲ ﺣﺎﺳﺔ ﺑﻴﻬﻮ ﻭﻣﺎ ﺑﻘﺪﺭ ﺃﺳﻴﺒﻬﺎ ﺑﺮﺍﻫﺎ ﻗﺎﻟﺖ ﻟﻲ ﺡ ﺗﻘﻌﻲ ﻓﻲ ﻣﺸﺎﻛﻞ ﻗﻠﺖ ﻟﻴﻬﺎ ﺑﺮﺿﻮ، ﻋﺎﻳﻨﺖ ﻟﻲ ﺧﺎﻟﺪ ﻭﻗﺎﻟﺖ ﻟﻴﻬﻮ ﺡ ﺗﺠﻨﻨﻲ ﺍﻟﺒﺖ ﺩﻱ ﺃﺗﻜﻠﻢ ﻣﻌﺎﻫﺎ، ﻗﺎﻝ ﻟﻴﻬﺎ ﺧﻠﻴﻬﺎ ﻳﺎ ﺧﺎﻟﺘﻲ ﻳﻤﻜﻦ ﻫﻲ ﺷﺎﻳﻔﻪ ﺣﺎﺟﺔ ﻧﺤﻨﺎ ﻣﺎ ﺷﺎﻳﻔﻨﺎﻫﺎ ﻭﻣﺪﺍﻡ ﻫﻲ ﻣﺼﺮﺓ ﺗﺴﺎﻋﺪﻫﺎ ﻳﺒﻘﻰ ﺃﻛﻴﺪ ﻓﻲ ﺳﺒﺐ ﻗﻮﻱ ﻣﺨﻠﻴﻬﺎ ﺗﺼﺮ ﻛﺪﺓ ﻭﺑﻌﺪﻳﻦ ﻳﺎ ﺧﺎﻟﺘﻲ ﻣﺎ ﺗﺨﺎﻓﻲ ﺃﻧﺎ ﺡ ﺍﻗﻴﻒ ﻣﻌﺎﻫﺎ ﻟﺤﺪ ﻣﺎ ﺗﻘﺘﻨﻊ ﺃﻧﻬﺎ ﺳﺎﻋﺪﺗﻬﺎ، ﻭﻋﺎﻳﻦ ﻟﻲ ﻭﻗﺎﻝ ﻋﻨﺪﻱ ﺻﺤﺒﻲ ﻣﺤﺎﻣﻲ ﺷﺎﻃﺮ ﻣﺘﺎﻛﺪ ﺃﻧﻮ ﺡ ﻳﻄﻠﻘﻬﺎ ﻣﻨﻮ ﻭﻳﺤﺒﺴﻮ ﻓﻲ ﺍﻟﺴﺠﻦ ﻗﻠﺖ ﻟﻴﻬﻮ ﺑﻠﻬﻔﻪ ﻛﺪﺓ ﺟﺪ! ﻗﺎﻝ ﻟﻲ ﺇﻳﻮﺓ، ﻗﻠﺖ ﻟﻴﻬﻮ ﻋﻠﻴﻚ ﺍﻟﻠﻪ ﻛﻠﻤﻮ ﻟﻴﻨﺎ ﻗﺎﻝ ﻟﻲ ﻃﻴﺐ ﺑﻜﻠﻤﻮ ﻭﺑﺮﺟﻊ ﻟﻴﻚ، ﻣﺎ ﻋﺎﺭﻓﺔ ﺑﺲ ﺣﺴﻴﺘﻮ ﻫﻮ ﺃﻛﺘﺮ ﺯﻭﻝ ﻓﻬﻤﻨﻲ ﻭﻓﻬﻢ ﺃﻧﻮ ﻣﺴﺎﻋﺪﺗﻲ ﻟﻲ ﻧﺴﻴﺒﺔ ﺣﺎﺟﺔ ﺿﺮﻭﺭﻳﺔ ﺷﺪﺩﺩﻳﺪ، ﺟﺎ ﻭﻗﻒ ﻗﺪﺍﻡ ﺃﻣﻲ ﻭﻗﺎﻝ ﻟﻴﻬﺎ ﺡ ﺃﻛﻮﻥ ﻣﺘﺎﺑﻊ ﻣﻌﺎﻫﺎ ﻭﻣﺎ ﺡ ﺃﺳﻤﺢ ﻳﺼﻴﺒﻬﺎ ﺃﻱ ﻣﻜﺮﻭﻩ ﻣﺎ ﺗﻘﻠﻘﻲ ﺳﺎﺍﻱ ﻗﺎﻟﺖ ﻟﻴﻬﻮ ﺗﺴﻠﻢ ﻳﺎ ﻭﻟﺪﻱ، ﻗﻌﺪ ﺑﺴﻴﻂ ﻭﺑﻌﺪﻫﺎ ﻣﺸﻰ ﻣﻨﻨﺎ ﻣﺎﻣﺎ ﻗﺎﻟﺖ ﻟﻲ ﻫﺴﻲ ﺡ ﺗﻘﻨﻌﻲ ﺃﺑﻮﻙ ﻛﻴﻒ؟! ﻗﻠﺖ ﻟﻴﻬﺎ ﻟﻤﻦ ﻳﺠﻲ ﻟﺒﻌﺪﻳﻦ ﺍﻟﻠﻪ ﻛﺮﻳﻢ ... ﻛﻨﺖ ﻣﻨﺘﻈﺮﺓ ﺃﺑﻮﻱ ﻳﺠﻲ ﺑﻔﺎﺭﻍ ﺍﻟﺼﺒﺮ ﻋﺸﺎﻥ ﺃﺗﻜﻠﻢ ﻣﻌﺎﻫﻮ ﺑﺨﺼﻮﺹ ﺍﻟﻤﻮﺿﻮﻉ ﺣﻖ ﻧﺴﻴﺒﺔ، ﻋﺎﺭﻓﺔ ﺃﻧﻮ ﺡ ﻳﺸﺎﻛﻠﻨﻲ ﻭﺣﻴﺮﻓﺾ ﺑﺲ ﻻﺯﻡ ﺃﺻﺮ ﻋﻠﻴﻪ، ﻟﻤﻦ ﺟﺎ ﻭﺭﻳﺘﻮ ﻫﺎﺝ ﻭﺟﺎﻁ ﺟﻮﻃﺔ ﻭﺷﺎﻛﻠﻨﻲ ﻭﻗﺎﻝ ﻟﻲ ﻣﺎ ﺗﺪﺧﻠﻲ ﻓﻲ ﻣﻮﺍﺿﻴﻊ ﺯﻱ ﺩﻱ ﻭﺧﻠﻲ ﺍﻟﺒﺖ ﺗﻤﺶ ﺑﻴﺘﻬﻢ ﻗﻠﺖ ﻟﻴﻬﻮ ﻣﺎ ﺑﻘﺪﺭ ﻳﺎ ﺑﺎﺑﺎ ﻗﺎﻝ ﻟﻲ ﻟﻴﻴﻪ ! ﻗﻌﺪﺗﻮ ﻭﻫﺪﻳﺘﻮ ﻭﻭﺭﻳﺘﻮ ﺃﻧﺎ ﺑﻌﻤﻞ ﻛﺪﺓ ﻟﻴﻴﻪ ﻭﻗﻠﺖ ﻟﻴﻬﻮ ﻟﻮ ﻣﺎ ﺳﺎﻋﺪﺗﻬﺎ ﻣﺎ ﺡ ﺃﺭﺗﺎﺡ ﻭﺑﻜﻴﺖ ﺣﺘﻰ ﻫﻮ ﺭﺿﻰ ﻳﺨﻠﻴﻬﺎ ﻗﺎﻋﺪﺓ ﻓﻲ ﺑﻴﺘﻨﺎ ﻭﻳﺨﻠﻴﻨﻲ ﺃﺳﺎﻋﺪﻫﺎ، ﻗﺎﻝ ﻟﻲ ﺷﺎﻳﻔﺔ ﺍﻟﻤﺮﺓ ﺍﻟﻔﺎﺗﺖ ﺑﺮﺿﻮ ﺑﻜﻴﺘﻲ ﻋﻠﻴﻬﻮ ﻛﺪﺓ ﻭﻋﺎﻧﺪﺗﻴﻨﻲ ﻭﺃﺻﺮﻳﺘﻲ ﻟﻤﻦ ﻭﺍﻓﻘﺖ ﻭﻓﻲ ﺍﻟﻨﻬﺎﻳﺔ ﺃﺗﺎﺫﻳﺘﻲ ﺑﺴﺐ ﺍﻟﻘﺮﺍﺭ ﺩﺍ ﻗﻠﺖ ﻟﻴﻬﻮ ﻟﻜﻦ ﺍﻟﻤﺮﺓ ﺩﻱ ﻏﻴﺮ، ﺳﻜﺖ ﻭﻣﺎ ﺭﺩﺍ ﻋﻠﻲ ﻭﻛﺎﻥ ﻣﻄﻤﺌﻦ ﺃﻛﺘﺮ ﻻﻧﻮ ﺧﺎﻟﺪ ﺡ ﻳﻘﻴﻒ ﻣﻌﺎﻧﺎ، ﻧﺴﻴﺒﺔ ﻟﻤﻦ ﺳﻤﻌﺖ ﻛﻼﻡ ﺃﺑﻮﻱ ﻓﻲ ﺍﻻﻭﻝ ﻗﺎﻟﺖ ﻣﺎﺷﺔ ﺑﻴﺘﻬﻢ ﻟﻜﻦ ﺃﻧﺎ ﻣﺎ ﺧﻠﻴﺘﻬﺎ، ﻗﺎﻟﺖ ﻟﻲ ﻟﻮ ﻗﻌﺪﺕ ﺡ ﺃﺩﺧﻠﻚ ﻓﻲ ﻣﺸﺎﻛﻞ ﺻﺎﺡ ﻛﻼﻡ ﺃﺑﻮﻙ ﻗﻠﺖ ﻟﻴﻬﺎ ﺃﺗﺬﻛﺮﻱ ﺃﻧﻲ ﺃﻧﺎ ﺍﻟﻔﺮﺿﺖ ﻧﻔﺴﻲ ﻋﻠﻴﻚ ﻣﺎ ﺇﻧﺘﻲ ﻭﻗﻠﺖ ﻟﻴﻬﺎ ﻛﻼﻡ ﻛﺘﺘﻴﺮ ﺣﺘﻰ ﺃﻗﺘﻨﻌﺖ ﺗﻘﻌﺪ، ﻭﺑﺎﻟﻔﻌﻞ ﺧﺎﻟﺪ ﻭﻗﻒ ﻣﻌﺎﻧﺎ ﻭﻗﻔﺔ ﺭﺟﺎﻝ ﻭﺳﺎﻋﺪﻧﺎ ﻛﺘﺘﺘﻴﺮ ﻟﺤﺪ ﻣﺎ ﻗﺪﺭﻧﺎ ﻧﻄﻠﻘﻬﺎ ﻣﻨﻮ ﻭﻧﺮﻣﻴﻬﻮ ﻓﻲ ﺍﻟﺴﺠﻦ ﻭﻛﻞ ﺍﻻﻳﺎﻡ ﺩﻱ ﻧﺴﻴﺒﺔ ﻛﺎﻧﺖ ﻗﺎﻋﺪﺓ ﻣﻌﺎﻧﺎ ﻓﻲ ﺑﻴﺘﻨﺎ ﻭﺃﻧﺎ ﺣﻠﻔﺖ ﻣﺎ ﺃﺧﻠﻴﻬﺎ ﺗﺮﺟﻊ ﺑﻴﺘﻬﻢ ﻣﺎﻟﻢ ﺍﻟﻘﻰ ﻟﻴﻬﺎ ﺷﻐﻞ.... ﻋﺪﺓ ﺯﻱ ﺃﺳﺒﻮﻋﻴﻦ ﻛﺪﺓ ﻭﻓﻲ ﻳﻮﻡ ﺑﻌﺪ ﺍﻟﻔﻄﻮﺭ ﻧﺴﻴﺒﺔ ﻗﺎﻟﺖ ﻟﻲ ﺃﻧﺎ ﺃﺷﺘﻘﺖ ﻟﻲ ﻧﺎﺱ ﺃﻣﻲ ﻋﺎﻭﺯﺓ ﺃﺗﻜﻠﻢ ﻣﻌﺎﻫﻢ، ﺃﺩﻳﺘﻬﺎ ﺗﻠﻔﻮﻧﻲ ﺿﺮﺑﺖ ﻭﺃﺗﻜﻠﻤﺖ ﻣﻊ ﺃﻣﻬﺎ ﻭﻃﻤﻨﺘﻬﺎ ﻋﻠﻴﻬﺎ ﻫﻲ ﺃﺳﺎﺳﺎ ﻣﺘﻌﻮﺩﺓ ﺗﻀﺮﺏ ﻟﻴﻬﺎ ﻣﻦ ﺗﻠﻔﻮﻧﻲ، ﻓﺒﻌﺪ ﺧﻠﺼﺖ ﻗﻠﺖ ﻟﻴﻬﺎ ﺃﺭﺡ ﺍﻟﺴﻮﻕ ﻧﺸﺘﺮﻱ ﻟﻴﻚ ﺗﻠﻔﻮﻥ ﻭﺃﻧﺎ ﻋﻨﺪﻱ ﻛﻢ ﺣﺎﺟﺔ ﻋﺎﻭﺯﺓ ﺃﺟﻴﺒﻬﻢ ﻗﺎﻟﺖ ﻟﻲ ﻣﺎ ﺣﺎﺑﺔ ﺃﻛﻠﻔﻚ ﺳﺎﺍﻱ ﻗﻠﺖ ﻟﻴﻬﺎ ﺃﻋﺘﺒﺮﻱ ﺍﻟﺘﻠﻔﻮﻥ ﻫﺪﻳﺔ ﻣﻨﻲ ﻗﻮﻣﻲ ﻳﻼ، ﻃﺒﻌﺎ ﺭﺍﺳﻬﺎ ﺑﻘﻰ ﻛﻮﻳﺲ ﻭﻓﻜﻴﻨﺎ ﻟﻴﻬﺎ ﻣﻨﻮ ﺍﻟﺸﺎﺵ، ﺃﻫﺎ ﻟﺒﺴﻨﺎ ﻋﺒﺎﻳﺘﻨﺎ ﻭﻣﺸﻴﻨﺎ ﺍﻟﺴﻮﻕ ﺃﺷﺘﺮﻳﻨﺎ ﺍﻟﺘﻠﻔﻮﻥ ﻭﺣﺎﺟﺎﺗﻲ ﺍﻟﻌﺎﻭﺯﺍﻫﻢ ﻭﺍﻟﺠﻮ ﻛﺎﻥ ﻣﻐﻴﻢ ﻭﺍﻟﻤﻄﺮﺓ ﻋﻠﻰ ﻭﺷﻚ ﺃﻧﻬﺎ ﺗﻨﺰﻝ ﻗﻠﺖ ﻟﻴﻬﺎ ﺃﻥ ﺷﺎﺀ ﺍﻟﻠﻪ ﻧﻠﻘﻰ ﻣﻮﺍﺻﻼﺕ ﺳﺮﻋﺔ ﻻﻧﻮ ﺍﻟﻤﻄﺮﺓ ﺡ ﺗﺼﺐ ﻗﺎﻟﺖ ﻟﻲ ﻳﺎ ﺭﺏ، ﺷﻔﻨﺎ ﻛﺮﻳﺰ ﻭﺍﻗﻒ ﺑﻌﻴﺪ ﺷﻮﻳﺔ ﻭﺍﻟﻜﻤﺴﺎﺭﻱ ﺣﻘﻮ ﺃﺷﺮ ﻟﻴﻨﺎ ﺑﻲ ﻳﺪﻭ ﻧﻈﺎﻡ ﻟﻮ ﻣﺎﺷﻴﻦ ﺗﻌﺎﻟﻮ ﺃﺭﻛﺒﻮ ﻗﻠﺖ ﻟﻴﻬﺎ ﻧﺴﻴﺒﺔ ﺗﻌﺎﻟﻲ ﻧﺸﻮﻑ ﺩﺍ ﻗﺒﻞ ﻣﺎ ﺍﻟﻨﺎﺱ ﺗﺠﺮﻱ ﻋﻠﻴﻬﻮ ﻗﺎﻟﺖ ﻟﻲ ﺃﺭﺡ، ﻣﺸﻴﻨﺎ ﻋﻠﻴﻬﻮ ﻭﻗﻠﺖ ﻟﻲ ﺍﻟﻜﻤﺴﺎﺭﻱ ﺍﻟﻜﺰﻳﺮ ﺩﺍ ﻣﺎﺷﻲ ﻋﻠﻰ ﻛﺒﺮﻱ ﺍﻟﺤﻠﻔﺎﻳﺎ ﺃﻭ ﺻﺎﺑﺮﻳﻦ! ﻗﺎﻝ ﻟﻲ ﺃﻳﻲ ﻗﻠﺖ ﻟﻴﻬﻮ ﻋﻠﻰ ﻃﺮﻳﻘﻨﺎ ﻳﻌﻨﻲ ﻗﺎﻝ ﻟﻴﻨﺎ ﻛﺎﻥ ﻛﺪﺓ ﺃﺭﻛﺒﻮ، ﺭﻛﺒﻨﺎ ﻭﺟﻮ ﺗﺎﻧﻲ ﺃﺭﺑﻌﺔ ﺭﺟﺎﻝ ﺭﻛﺒﻮ ﻣﻌﺎﻧﺎ، ﺑﺘﺎﻉ ﺍﻟﻜﺮﻳﺰ ﻗﺎﻝ ﻟﻲ ﺍﻟﻜﻤﺴﺎﺭﻱ ﺧﻼﺹ ﻳﺎ ﺣﺒﻴﺒﻨﺎ ﺧﻠﻴﻨﺎ ﻧﺘﺤﺮﻙ، ﺍﻟﻜﻤﺴﺎﺭﻱ ﻗﺎﻝ ﻟﻴﻬﻮ ﻟﺴﻪ ﻣﺎ ﺃﺗﻤﻠﻰ ﻗﺎﻝ ﻟﻴﻬﻮ ﺍﻟﻤﻄﺮﺓ ﺡ ﺗﺼﺐ ﻭﺗﺘﻄﻠﻊ ﺯﻳﺘﻨﺎ ﻓﺸﻨﻮ ﺑﻨﻤﻼﻫﺎ ﻣﻦ ﺍﻟﺸﺎﺭﻉ، ﺍﻟﻜﻤﺴﺎﺭﻱ ﻗﺎﻝ ﻟﻴﻬﻮ ﻃﻴﺐ ﻭﺭﻛﺐ ﻭﻗﻔﻞ ﺍﻟﺒﺎﺏ ﻭﺭﺍﻫﻮ، ﻓﻲ ﻧﺺ ﺍﻟﺸﺎﺭﻉ ﻧﺰﻟﻮ ﻣﻨﻨﺎ ﺗﻼﺗﺔ ﺭﺟﺎﻝ ﻭﺑﻘﻰ ﻓﻲ ﻭﺍﺣﺪ ﺑﺲ ﻭﺃﻧﺎ ﻭﻧﺴﻴﺒﺔ ﻧﺘﻮﻧﺲ ﺳﺎﺍﻱ ﻭﺑﻨﺘﻜﻠﻢ، ﺷﻮﻳﺔ ﻭﻗﻠﺖ ﻟﻴﻬﺎ ﻣﺎ ﻛﺎﻧﻮ ﺍﻟﻤﺴﺎﻓﺔ ﺩﻱ ﻃﺎﻟﺖ؟! ﻗﺎﻟﺖ ﻟﻲ ﻓﻌﻼ ﺃﻧﺎ ﺯﺍﺗﻲ ﺣﺴﻴﺖ ﺑﻴﻬﺎ ﻃﺎﻟﺖ، ﻳﻼ ﺍﻟﻜﺮﻳﺰ ﺍﻟﺸﺒﺎﺑﻴﻚ ﺑﺘﺎﻋﺘﻮ ﻛﺎﻧﺖ ﻣﻐﻄﻴﺔ ﺑﻲ ﺳﺘﺎﻳﺮ ﺯﺣﻴﺖ ﺍﻟﺴﺘﺎﺭﺓ ﻛﺪﺓ ﻟﻘﻴﺖ ﻧﻔﺴﻨﺎ ﻓﻲ ﺣﺘﺔ ﺷﺒﺔ ﻓﺎﺿﻴﺔ ﻭﻣﺎ ﻓﻴﻬﺎ ﺑﻴﻮﺕ، ﻗﻠﺖ ﻟﻲ ﺍﻟﺴﻮﺍﻕ ﻧﺤﻨﺎ ﻭﻳﻦ؟ ! ﻧﺴﻴﺒﺔ ﻗﺎﻟﺖ ﻟﻴﻬﻮ ﺍﻟﻄﺮﻳﻖ ﺍﻟﻐﺮﻳﺐ ﺩﺍ ﺷﻨﻮ! ﻭﺳﺎﻳﻘﻨﺎ ﻭﻳﻦ! ﺍﻟﻜﻤﺴﺎﺭﻱ ﻃﻮﺍﻟﻲ ﻃﻠﻊ ﻣﻄﻮﺓ ﻣﻦ ﺟﻴﺒﻮ ﻭﻗﺎﻝ ﻟﻴﻨﺎ ﺗﺴﻜﻮ ﻭﻻ ﺃﺳﻜﺘﻜﻢ ﺑﻄﺮﻳﻘﺘﻲ، ﻓﻲ ﺍﻟﻠﺤﻈﺔ ﺩﻳﻚ ﺃﻳﻘﻨﺖ ﺗﻤﺎﻣﺎ ﺃﻧﻨﻮ ﻧﺤﻨﺎ ﺃﺗﺨﻄﻔﻨﺎ ..... _______________ _ ﺃﺗﺪﺭﻱ ﺃﻧﻲ ﺃﻓﻘُﺪﻙ ﺍﻻﻥ ﻳﺎ ﻋﺰﻳﺰﻱ ﺃﺭُﻳﺪ ﺃﻥ ﺃﻛُﻮﻥ ﺑﺠَﺎﻧﺒُﻚً ﻋﻠﻲ ﺯﺭﺍﻋﻴﻚً ﻻ ﺃﻛﺜُﺮ .... " abdalmalikhamzah ﺃﺷﻮﻓﻜﻢ

Free reading for new users

Scan code to download app

App Store Google Play

Facebookexpand_more