ليحيا بك قلبي 12

1909 Words

NOVEL ? روايات: #ليحيا_بك_قلبي12 ﻟﺤﻈﺔ ﺳﻤﻌﺖ ﺻﻮﺗﻮ ﻭﻫﻮ ﺑﻘﻮﻝ ﻛﺪﺍ ﺍﻟﺘﻠﻔﻮﻥ ﻣﻦ ﺍﻟﺨﻠﻌﺔ ﻟﻤﻦ ﺃﺗﺮﻣﻰ ﻣﻨﻲ ﻓﻲ ﺍﻻﺭﺽ، ﺭﻓﻌﺘﻮ ﺳﺮﻋﺔ ﺳﺮﻋﺔ ﻭﻗﻠﺖ ﻟﻴﻬﻮ ﻧﻊ.. ﻧﻌﻢ ﻭﻳﺪﻳﻨﻲ ﻛﺎﻧﻮ ﺑﺮﺟﻔﻮ ﻻﻧﻮ ﻟﻮ ﻋﺮﻑ ﺃﻧﺎ ﺑﻌﻤﻞ ﻓﻲ ﺷﻨﻮ ﻣﺘﺎﻛﺪﺓ ﺡ ﻳﻤﻨﻌﻨﻲ ﻫﻮ ﺃﺳﺎﺳﺎ ﻣﺎ ﺭﺍﺿﻲ ﺑﻔﻜﺮﺓ ﺃﻧﻲ ﺃﺗﻜﻠﻢ ﻣﻊ ﺍﻟﺒﺖ، ﻗﺎﻝ ﻟﻲ ﺑﺴﺄﻝ ﻓﻴﻚ ﺑﺘﻌﻤﻠﻲ ﻓﻲ ﺷﻨﻮ! ﻗﻠﺖ ﻟﻴﻬﻮ ﻭﻻ ﻭﻻ ﺷﻲ ﻗﺎﻝ ﻟﻲ ﺧﻼﺹ ﻭﺍﻗﻔﺔ ﻫﻨﺎ ﻟﻴﻪ! ﻗﻠﺖ ﻟﻴﻬﺎ ﻉ ..ﻋﺸﺎﻥ ﺷﻴﻤﺎﺀ ﻣﺸﺖ ﺗﺠﻴﺐ ﺃﻛﻞ ﻭﻭﻗﻔﺘﻨﻲ ﺑﺪﻟﻬﺎ ﻗﺎﻝ ﻟﻲ ﻃﻴﺐ ﻳﺪﻳﻨﻚ ﻣﺎﻟﻢ ﺑﺮﺟﻔﻮ! ﻗﻠﺖ ﻟﻴﻬﻮ ﺳﺎﺍﺍﻱ ﺑﺲ، ﻋﺎﻳﻦ ﻟﻲ ﺑﻨﻈﺮﺓ ﻛﺪﺍ ﺑﻌﺮﻓﻬﺎ ﺑﺮﺍﻫﻮ ﻭﻗﺎﻝ ﻟﻲ ﺑﺘﻤﻨﻰ ﻣﺎ ﻳﻜﻮﻥ ﺍﻟﺒﻔﻜﺮ ﻓﻴﻬﻮ ﺻﺢ ﻻﻧﻮ ﻭﻗﺘﻬﺎ ﺣﺘﻘﻌﻲ ﻓﻲ ﻭﺭﻃﺔ ﻗﻠﺖ ﻟﻴﻬﻮ ﻻ ﺃﻃﻤﺌﻦ ﻣﺎﻑ ﺷﻲ ﻣﻦ ﺍﻟﺒﺘﻔﻜﺮ ﻓﻴﻬﻮ ﻗﺎﻝ ﻟﻲ ﺃﻥ ﺷﺎﺀ ﺍﻟﻠﻪ ﻣﺎ ﺗﻜﻮﻧﻲ ﺑﺘﻜﺬﺑﻲ ﻋﻠﻲ، ﻛﻨﺖ ﻋﺎﻭﺯﺓ ﺍﺭﺩ ﻟﻴﻬﻮ ﺑﺲ ﺍﻟﺴﺖ ﻫﺒﺔ ﺟﺎﺕ ﻭﻗﺎﻟﺖ ﻟﻴﻬﻮ ﺑﻴﻴﺐ ﻛﻨﺘﺎ ﻭﻳﻦ ﺑﻔﺘﺶ ﻟﻴﻚ ﻣﻦ ﻗﺒﻴﻞ ﻗﺎﻝ ﻟﻴﻬﺎ ﻛﺎﻥ ﻋﻨﺪﻱ ﺷﻐﻞ ﻣﻊ ﺷﻴﻤﺎﺀ ﻟﻜﻦ ﻣﺎ ﻟﻘﻴﺘﻬﺎ ﻗﺎﻟﺖ ﻟﻴﻬﻮ ﻋﻤﻠﺖ ﻟﻴﻚ ﺍﻟﻘﻬﻮﺓ ﺍﻟﻄﻠﺒﺘﻬﺎ ﻗﺎﻝ ﻟﻴﻬﺎ ﺣﺒﻴﻴﺒﻲ ﺗﺴﻠﻤﻲ ﻳﺎﺍﺍﻩ ﻗﺎﻟﺖ ﻟﻴﻬﻮ ﺍﻟﻌﻔﻮﺍً ﻳﺎ ﻗﻠﺒﻲ، ﻭﻋﺎﻳﻨﺖ ﻟﻲ ﻣﻦ ﻓﻮﻕ ﻟﺘﺤﺖ ﻭﻣﺸﻮ ﻣﻊ ﺑﻌﺾ، ﻓﻲ ﻗﻠﺒﻲ ﻗﻠﺖ ﻧﻔﺴﻲ ﺃﻋﺮﻑ ﺩﻛﺘﻮﺭ ﻳﺤﻴﻰ ﺩﺍً ﺟﺎﻳﺐ ﻃﻮﻟﺖ ﺍﻟﺒﺎﻝ ﻭﻗﻮﺓ ﺍﻻﺳﺘﺤﻤﺎﻝ ﺩﻱ ﻣﻦ ﻭﻳﻦ ﻋﺸﺎﻥ ﻳﺴﺘﺤﻤﻞ ﺍﻻﻧﺴﺎﻧﺔ ﺍﻻﺳﻤﻬﺎ ﻫﺒﺔ ﺩﻱ ﻭﺍﺍﺍﺍﺍﻱ ﺑﺲ ﺗﺠﻴﺐ ﺍﻟﺠﻠﻄﺔ .. ﺭﻧﻴﺖ ﻋﻠﻰ ﺑﺮﺍﺀﺓ ﻧﻈﺎﻡ ﺃﻧﺎ ﺃﻧﺘﻬﻴﺖ ﺷﻮﻳﺔ ﻭﻫﻢ ﺟﻮﺍ، ﺧﻠﻴﻨﺎ ﺷﻴﻤﺎﺀ ﻓﻲ ﻣﻜﺎﻧﻬﺎ ﻭﻣﺸﻴﻨﺎ ﻟﻲ ﺍﻻﺀ، ﻗﺎﻟﺖ ﻟﻴﻨﺎ ﺃﻫﺎ ﺑﺸﺮﻭ ﺣﺼﻞ ﻣﻌﺎﻛﻢ ﺷﻨﻮ؟! ﻗﻠﺖ ﻟﻴﻬﺎ ﺍﻟﺨﻄﺔ ﻧﺠﺤﺖ ﻳﺎ ﻋﺒﻘﺮﻳﺔ ﻗﺎﻟﺖ ﻟﻲ ﻳﺲ ⁦ ⁩ ﻗﻠﺖ ﻟﻴﻬﻢ ﻟﻜﻦ ﺩﻛﺘﻮﺭ ﻳﺤﻴﻰ ﺷﺎﻛﻲ ﻓﻲ ﺃﻧﻲ ﻋﻤﻠﺖ ﺣﺎﺟﺔ ﻣﺎ ﻳﺎﻫﺎ ﻃﺒﻌﺎ ﻗﺮﺏ ﻳﺸﻜﻔﻨﻲ ﻟﻮ ﻣﺎ ﺭﺑﻨﺎ ﺳﺘﺮ ﻗﺎﻟﺖ ﻟﻲ ﺑﻜﻮﻥ ﻋﺎﻳﺰ ﻳﻨﺒﻬﻚ ﻋﺸﺎﻥ ﻣﺎ ﺗﻌﻤﻠﻲ ﻏﻠﻂ ﻗﻠﺖ ﻟﻴﻬﺎ ﺃﻣﻤﻤﻢ ﻣﺎ ﺷﻐﺎﻟﺔ ﺑﻴﻬﻮ ﻛﺘﺘﺘﻴﺮ ﺍﻻﺀ ﻗﺎﻟﺖ ﻟﻲ ﺑﺲ ﺃﻧﺎ ﺣﺎﺳﺔ ﺃﻧﻮ ﻣﻔﺮﻭﺽ ﻧﺴﻤﻊ ﻛﻼﻣﻮ ﻭﻣﺎ ﺗﺨﺎﻃﺮﻱ ﻳﺎ ﻣﻴﺎﻣﻦ ﻗﻠﺖ ﻟﻴﻬﺎ ﺍﻻﺀ ﻳﺎﺍﺥ ﺃﻧﺘﻮ ﻋﺎﺭﻓﻨﻲ ﻋﻨﻴﺪﺓ ﻭﻣﺎ ﺡ ﺃﻗﺘﻨﻊ ﻓﺎﺣﺴﻦ ﺗﻘﻔﻠﻮ ﺍﻟﻤﻮﺿﻮﻉ ﻗﺎﻟﺖ ﻟﻲ ﺧﻼﺹ ﺳﻜﺘﻨﺎ..... ﺍﻟﻴﻮﻡ ﺍﻟﺒﻌﺪﻳﻬﻮ ﻗﺮﻳﺐ ﻟﻲ ﺍﻟﻈﻬﺮ ﺿﺮﺑﺖ ﻓﻲ ﺭﻗﻢ ﻧﺴﻴﺒﺔ، ﻓﻲ ﺍﻻﻭﻝ ﻣﺎ ﺭﺩﺕ ﺑﺲ ﺍﻟﻤﺮﺓ ﺍﻟﺘﺎﻧﻴﺔ ﺟﺎﻧﻲ ﺻﻮﺕ ﺑﺖ، ﻗﻠﺖ ﻟﻴﻬﺎ ﺍﻟﺴﻼﻡ ﻋﻠﻴﻜﻢ ﻗﺎﻟﺖ ﻟﻲ ﻭﻋﻠﻴﻜﻢ ﺍﻟﺴﻼﻡ ﻗﻠﺖ ﻟﻴﻬﺎ ﺇﻧﺘﻲ ﺍﻷﺳﺘﺎﺫﺓ ﻧﺴﻴﺒﺔ ﻋﺒﺪﺍﻟﺮﺣﻤﻦ؟! ﻗﺎﻟﺖ ﻟﻲ ﻻﻻ ﺃﻧﺎ ﺃﺧﺘﻬﺎ ﺃﺑﺘﻬﺎﺝ ﻗﻠﺖ ﻟﻴﻬﺎ ﻃﻴﺐ ﺍﻻﺳﺘﺎﺫﺓ ﻧﺴﻴﺒﺔ ﻋﻨﺪﻫﺎ ﻫﺪﻳﺔ ﻣﻦ ﻣﺠﻬﻮﻝ ﻣﻤﻜﻦ ﺗﻮﺻﻔﻲ ﻟﻴﻨﺎ ﺍﻟﺒﻴﺖ ﻋﺸﺎﻥ ﻧﺠﻲ ﻧﺴﻠﻤﻬﺎ ﺍﻟﻬﺪﻳﺔ ﻗﺎﻟﺖ ﻟﻲ ﺑﻌﺪﻡ ﺃﺳﺘﻴﻌﺎﺏ ﺍﺍﺍ؟! ﻗﻠﺖ ﻟﻴﻬﺎ ﻭﺻﻔﻲ ﻟﻲ ﺍﻟﺒﻴﺖ ﻋﺸﺎﻥ ﺍﻟﻬﺪﻳﺔ ﺗﺼﻠﻬﺎ ﻗﺎﻟﺖ ﻟﻲ ﺟﺪ ﺍﻟﻜﻼﻡ ﺩﺍ ﻭﻻ ﺑﺘﻤﻘﻠﺒﻮ ﻓﻴﻨﺎ ﻗﻠﺖ ﻟﻴﻬﺎ ﻻﻻ ﺟﺪ ﻭﺃﻧﺎ ﺑﻨﻔﺴﻲ ﺡ ﺃﻭﺻﻞ ﻟﻴﻬﺎ ﺍﻟﻬﺪﻳﺔ ﺑﻌﺪ ﺷﻮﻳﺔ ﻗﺎﻟﺖ ﻟﻲ ﻃﻴﺐ ﺑﻴﺘﻨﺎ ﻓﻲ ﺃﻡ ﺩﺭﻣﺎﻥ ﺍﻟﺸﻬﺪﺍﺀ ... ﻗﻠﺖ ﻟﻴﻬﺎ ﺗﻤﺎﻡ ﺷﻮﻳﺔ ﻭﺑﻜﻮﻥ ﻋﻨﺪﻛﻢ، ﻗﻔﻠﺖ ﻣﻨﻬﺎ ﻭﺃﻗﺮﺏ ﻣﺤﻞ ﻫﺪﺍﻳﺎ ﺩﺧﻠﺘﻮ ﺷﻠﺖ ﻟﻲ ﻫﺪﻳﺔ ﻭﺧﺘﻴﺘﻬﺎ ﻓﻲ ﻛﻴﺲ ﻋﺸﺎﻥ ﺃﻣﻬﺎ ﻭﺃﺧﺘﻬﺎ ﻣﺎ ﻳﺸﻜﻮ ﻓﻲ ﺣﺎﺟﺔ ﻭﺭﻛﺒﺖ ﺍﻟﻤﻮﺍﺻﻼﺕ ﺣﻘﺖ ﺍﻟﺸﻬﺪﺍﺀ، ﺑﻌﺪ ﻭﺻﻠﺖ ﺍﻟﻤﻜﺎﻥ ﺍﻟﻮﺻﻔﺘﻮ ﻟﻲ ﺿﺮﺑﺘﻬﺎ ﻟﻴﻬﺎ ﺗﺎﻧﻲ ﻋﺸﺎﻥ ﺗﻮﺻﻒ ﻟﻲ ﺃﺩﻕ، ﻭﺻﻔﺖ ﻟﻲ ﺍﻟﺒﻴﺖ ﺑﻘﻴﺖ ﺣﺎﻳﻤﺔ ﻟﺤﺪ ﻣﺎ ﻟﻘﻴﺘﻮ ﺩﻗﻴﺖ ﺍﻟﺒﺎﺏ ﻓﺘﺤﺖ ﻟﻲ ﺷﺎﻓﻌﺔ ﺻﻐﻴﺮﺓ ﻗﻠﺖ ﻟﻴﻬﺎ ﻳﺎ ﺣﻠﻮﺓ ﺩﺍ ﺑﻴﺖ ﻧﺎﺱ ﻧﺴﻴﺒﺔ ﻋﺒﺪﺍﻟﺮﺣﻤﻦ! ﻗﺒﻞ ﻣﺎ ﺗﺮﺩ ﻟﻲ ﺟﺎﺕ ﺃﺧﺘﻬﺎ ﺍﻟﻜﺒﻴﺮﺓ ﻭﻗﺎﻟﺖ ﻟﻲ ﺃﻫﻠﻴﻦ ﻳﺎ ﺃﺧﺖ ﻋﺎﻭﺯﺓ ﻣﻨﻮ ﻗﻠﺖ ﻟﻴﻬﺎ ﻧﺴﻴﺒﺔ ﻗﺎﻋﺪﺓ! ﻗﺎﻟﺖ ﻟﻲ ﺇﻳﻮﺓ ﻗﻠﺖ ﻟﻴﻬﺎ ﺃﻧﺎ ﻗﺒﻞ ﺷﻮﻳﺔ ﺃﺗﻜﻠﻤﺖ ﻣﻌﺎﻙ ﻭﻗﻠﺖ ﻟﻴﻚ ﻋﻨﺪﻧﺎ ﻫﺪﻳﺔ ﻟﻲ ﺍﻻﺳﺘﺎﺫﺓ ﻗﺎﻟﺖ ﻟﻲ ﺃﻳﻲ ﻋﺮﻓﺘﻚ ﻣﻦ ﺍﻟﺼﻮﺕ ﻗﻠﺖ ﻟﻴﻬﺎ ﻣﻤﻜﻦ ﺗﻨﺎﺩﻱ ﻟﻲ ﺍﻻﺳﺘﺎﺫﺓ ﻋﺸﺎﻥ ﺃﺳﻠﻤﻬﺎ ﺍﻟﻬﺪﻳﺔ ﺑﻴﺪﻱ ﻭﺗﻮﻗﻊ ﻟﻲ ﻗﺎﻟﺖ ﻟﻲ ﺧﺸﻲ ﻟﻲ ﺟﻮﺍ، ﺃﺗﺮﺩﺩﺕ ﻓﻲ ﺍﻻﻭﻝ ﺑﺲ ﺑﻌﺪﻳﻦ ﺩﺧﻠﺖ ﺑﻴﺘﻬﻢ ﻛﺎﻥ ﺑﺴﻴﻂ ﻭﺣﻠﻮ ﺟﺪﺍً ﻭﺑﺎﻳﻦ ﺃﻧﻬﻢ ﻧﺎﺱ ﻋﻠﻰ ﻗﺪﺭ ﺣﺎﻟﻬﻢ، ﻗﻌﺪﺗﻨﻲ ﻓﻲ ﺍﻟﺼﺎﻟﺔ ﻭﻗﺎﻟﺖ ﻟﻲ ﺡ ﺃﻣﺸﻲ ﺃﻧﺎﺩﻱ ﻧﻨﻮ ﻣﻦ ﺍﻟﻐﺮﻓﺔ ﻭﺃﺟﻲ ﻗﻠﺖ ﻟﻴﻬﺎ ﻃﻴﺐ، ﻣﺸﺖ ﻫﻲ ﻭﺃﻧﺎ ﻛﻨﺖ ﺑﻌﺎﻳﻦ ﻓﻲ ﺍﻟﺒﻴﺖ ﻟﺤﺪ ﻣﺎ ﺟﺎﺕ ﻧﺴﻴﺒﺔ ﻗﺎﻟﺖ ﻟﻲ ﺍﻟﺴﻼﻡ ﻋﻠﻴﻜﻢ ﻗﻠﺖ ﻟﻴﻬﺎ ﻭﻋﻠﻴﻜﻢ ﺍﻟﺴﻼﻡ ﻗﺎﻟﺖ ﻟﻲ ﺇﻧﺘﻲ ﻣﻨﻮ ﻣﺎ ﻋﺮﻓﺘﻚ ﻗﻠﺖ ﻟﻴﻬﺎ ﺃﻧﺎ ﺷﻐﺎﻟﺔ ﻓﻲ ﻣﺤﻞ ﻫﺪﻳﺔ ﻣﻦ ﻣﺠﻬﻮﻝ ﻭﺇﻧﺘﻲ ﻋﻨﺪﻙ ﻫﺪﻳﺔ ﺟﻴﺖ ﺃﻭﺻﻠﻬﺎ ﻟﻴﻚ ﻗﺎﻟﺖ ﻟﻲ ﺃﻣﻤﻢ ﺑﻜﻮﻥ ﺩﺍ ﻣﻨﻮ ﻳﺎ ﺭﺑﻲ، ﻭﻗﺎﻟﺖ ﻟﻲ ﺃﺧﺘﻬﺎ ﺃﻣﻲ ﻭﻳﻦ؟! ، ﺃﺧﺘﻬﺎ ﻗﺎﻟﺖ ﻟﻴﻬﺎ ﻓﺎﺗﺖ ﺍﻟﺠﻴﺮﺍﻥ ﻗﺎﻟﺖ ﻟﻴﻬﺎ ﺃﻣﺸﻲ ﺟﻴﺒﻲ ﻣﻮﻳﺔ ﻟﻲ ﺍﻟﻀﻴﻔﺔ ﺩﻱ، ﺃﺧﺘﻬﺎ ﻗﺎﻟﺖ ﻟﻴﻬﺎ ﺳﻤﺢ ﻭﻣﺸﺖ، ﺃﺩﻳﺖ ﻧﺴﻴﺒﺔ ﺍﻟﻜﻴﺲ ﻭﻗﻠﺖ ﻟﻴﻬﺎ ﻭﻗﻌﻲ ﻟﻲ ﻫﻨﺎ ﺷﺎﻟﺖ ﺍﻟﺪﻓﺘﺮ ﻣﻨﻲ ﻭﻭﻗﻌﺖ، ﻗﻠﺖ ﻟﻴﻬﺎ ﻋﺎﻳﻨﻲ ﺃﺳﻤﻌﻴﻨﻲ ﻛﻮﻳﺲ، ﺍﻟﺒﺖ ﻓﻲ ﺍﻻﻭﻝ ﺃﺗﺨﻠﻌﺖ ﻣﻦ ﻃﺮﻳﻘﺔ ﻛﻼﻣﻲ ﺑﺲ ﺑﻌﺪﻫﺎ ﻗﺎﻟﺖ ﻟﻲ ﺃﺗﻔﻀﻠﻲ ﻗﻠﺖ ﻟﻴﻬﺎ ﺑﺼﺮﺍﺣﺔ ﻛﺪﺍ ﺃﻧﺎ ﻣﺎ ﻣﻦ ﻫﺪﻳﺔ ﻣﻦ ﻣﺠﻬﻮﻝ ﻭﻻ ﺣﺎﺟﺔ ﺃﻧﺎ ﺍﺳﻤﻲ ﻣﻴﺎﻣﻦ ﺃﺣﻤﺪ ﻣﻤﺮﺿﺔ ﻗﺒﻞ ﻛﻢ ﻳﻮﻡ ﺟﺎﺑﻮﻙ ﻟﻴﻨﺎ ﻓﻲ ﺍﻟﻤﺴﺘﺸﻔﻰ ﻭﺃﻧﺎ ﻛﺎﻥ ﻣﺴﻜﺖ ﺣﺎﻟﺘﻚ ﻭﺣﺘﻰ ﻗﻌﺪﻧﺎ ﺍﺗﻜﻠﻤﻨﺎ ﻣﻊ ﺑﻌﺾ ﻭﻭﻗﺘﻬﺎ ﺭﺍﺟﻠﻚ ﺟﺎ ﺩﺍﺧﻞ ﺍﻟﻐﺮﻓﺔ ﻭﺿﺮﺑﻚ ﻗﺎﻟﺖ ﻟﻲ ﺃﻫﺎ ﻋﺮﻓﺘﻚ ﺑﺲ ﺟﺎﻳﺔ ﻫﻨﺎ ﻟﺸﻨﻮ؟! ﻗﻠﺖ ﻟﻴﻬﺎ ﻋﺸﺎﻥ ﺃﺳﺎﻋﺪﻙ ﻗﺎﻟﺖ ﻟﻲ ﻣﺎ ﻓﻬﻤﺘﻚ ﻗﻠﺖ ﻟﻴﻬﺎ ﺃﻧﺎ ﺣﺎﺑﺔ ﺃﺳﺎﻋﺪﻙ ﻓﻲ ﺃﻧﻚ ﺗﻄﻠﻘﻲ ﻣﻦ ﺭﺍﺟﻠﻚ ﻻﻧﻲ ﻣﺘﺄﻛﺪﺓ ﻣﻠﻴﻮﻥ ﻓﻲ ﺍﻟﻤﻴﺔ ﺃﻧﻚ ﻣﺎ ﻣﺮﺗﺎﺣﺔ ﻣﻌﺎﻫﻮ ﻗﺎﻟﺖ ﻟﻲ ﺷﻨﻮ؟ ! ﻛﻴﻒ ﻳﻌﻨﻲ ﺃﻃﻠﻖ ﻣﻦ ﺭﺍﺟﻠﻲ ﻭﺑﻌﺪﻳﻦ ﺇﻧﺘﻲ ﺍﻟﻌﺮﻓﻚ ﺷﻨﻮ ﺇﻧﻲ ﻣﺎ ﻣﺮﺗﺎﺣﺔ؟! ﻗﻠﺖ ﻟﻴﻬﺎ ﻻﻧﻲ ﻋﺸﺖ ﻧﻔﺲ ﺍﻻﻧﺘﻲ ﺣﺎﻟﻴﺎ ﻗﺎﻋﺪﺓ ﺗﻌﻴﺸﻬﻮ ﻻ ﺇﺳﻮﺀ ﻣﻨﻮ ﻛﻤﺎﻥ، ﻭﻋﺎﺭﻓﺔ ﻗﺪﺭ ﺷﻨﻮ ﺍﻟﺰﻭﺍﺝ ﺍﻟﺰﻱ ﺩﺍ ﺑﻜﻮﻥ ﻣﺆﺫﻱ ﺃﺗﺨﻠﻌﺖ ﺯﻳﺎﺩﺓ ﻭﻗﺎﻟﺖ ﻟﻲ ﺃﻧﺎ ﻣﺎ ﻓﺎﻫﻤﺔ ﺷﻲ ﻗﻠﺖ ﻟﻴﻬﺎ ﺡ ﺃﺣﻜﻲ ﻟﻴﻚ ﻗﺼﺘﻲ ﻭﺃﺣﻜﻤﻲ ﺑﻌﺪﻫﺎ ﻭﺷﻮﻓﻲ ﺃﻧﺎ ﻟﻲ ﻣﺼﺮﺓ ﺃﺳﺎﻋﺪﻙ، ﺃﻛﺘﻔﺖ ﺑﻲ ﺃﻧﻬﺎ ﺗﻬﺰ ﺭﺃﺳﻬﺎ ﺑﺲ، ﺣﻜﻴﺖ ﻟﻴﻬﺎ ﺍﻟﻘﺼﺔ ﻛﻠﻬﺎ ﻣﻦ ﺍﻟﺒﺪﺍﻳﺔ ﻟﻲ ﺍﻟﻨﻬﺎﻳﺔ ﺑﻌﺪ ﺧﻠﺼﺖ ﻟﻘﻴﺘﻬﺎ ﺑﺘﺒﻜﻲ، ﻗﺎﻟﺖ ﻟﻲ ﺃﺗﺤﻤﻠﺘﻲ ﻛﻞ ﺩﺍ؟ ! ﻗﻠﺖ ﻟﻴﻬﺎ ﻛﻨﺖ ﻣﺘﻀﺮﺓ ﺃﺗﺤﻤﻞ ﻻﻧﻮ ﻣﺎﻑ ﺷﻲ ﻛﺎﻥ ﺑﻨﻘﺬﻧﻲ ﻭﻗﺘﻬﺎ ﺑﺲ ﺇﻧﺘﻲ ﻫﺴﻲ ﻋﻨﺪﻙ ﺍﻟﻔﺮﺻﺔ ﻭﻛﻮﻳﺲ ﻻﻗﻴﺔ ﺯﻭﻝ ﻳﺴﺎﻋﺪﻙ، ﺷﻮﻓﻲ ﺃﻧﺎ ﺃﻛﺘﺮ ﺯﻭﻝ ﻋﺎﻓﺮﺕ ﻋﺸﺎﻥ ﺃﻛﻮﻥ ﻣﻌﺎﻫﻮ ﻫﻮ ﺃﻛﺘﺮ ﺯﻭﻝ ﺃﺫﺍﻧﻲ ﻭﻋﺬﺑﻨﻲ ﻗﺎﻟﺖ ﻟﻲ ﺑﺲ ﺃﻧﺎ ﻟﻮ ﺃﻃﻠﻘﺖ ﺑﺨﺎﻑ ﻣﻦ ﺍﻟﻤﺠﻤﺘﻊ ﻭﻛﻼﻣﻮ ﻣﺶ ﻛﻔﺎﻳﺔ ﺃﻧﻮ ﻫﻮ ﻗﺒﻞ ﺃﺳﺒﻮﻉ ﻋﺮﺱ ﻓﻴﻨﻲ، ﺃﺗﺨﻴﻠﻲ ﺃﻣﻮ ﻗﺎﻟﺖ ﻟﻴﻬﻮ ﻋﺮﺱ ﻓﻴﻬﺎ ﺩﻱ ﻭﺍﺣﺪﺓ ﻋﺎﻗﺮ ﺑﺲ ﻭﻫﺴﻲ ﻟﻮ ﺃﺗﻄﻠﻘﺖ ﺣﻴﻘﻌﺪﻭ ﻳﺘﻜﻠﻤﻮ ﻓﻴﻨﻲ ﻭﻳﻘﻮﻟﻮ ﻋﺮﺱ ﻓﻴﻬﺎ ﻭﻃﻠﻘﻬﺎ ﻗﻠﺖ ﻟﻴﻬﺎ ﻃﺒﻴﻌﻲ ﺩﺍ ﻳﺤﺼﻞ ﻣﻦ ﺭﺍﺟﻞ ﺑﺎﻃﻞ ﺯﻳﻮ ﻭﺑﻌﺪﻳﻦ ﻛﻼﻡ ﺍﻟﻨﺎﺱ ﻻ ﺑﻮﺩﻱ ﻭﻻ ﺑﺠﻴﺐ ﻫﺴﻲ ﺇﻧﺘﻲ ﺑﺘﺮﺿﻲ ﺃﻧﻚ ﺗﻌﻴﺸﻲ ﻋﻴﺸﺔ ﺯﻱ ﺩﻱ ﻣﻊ ﻭﺍﺣﺪ ﻣﺎ ﻣﻘﺪﺭﻙ ﻳﺎﺍﺧﻲ ﺩﺍً ﺣﺘﻰ ﻭﺇﻧﺘﻲ ﻋﻴﺎﻧﺔ ﻛﺎﻥ ﺑﻀﺮﺑﻚ، ﻫﻤﻮ ﺃﻧﻚ ﺗﺠﻴﺒﻲ ﻋﻴﺎﻝ ﺑﺲ ﻣﺎ ﻣﻬﻢ ﺍﻟﻄﺮﻳﻘﺔ ﺣﺘﻰ ﻭﻟﻮ ﻛﺎﻧﺖ ﺑﺘﻤﺜﻞ ﺧﻄﺮ ﻋﻠﻴﻚ، ﺩﺓ ﻛﻠﻮ ﺑﺲ ﻋﺸﺎﻥ ﻣﺎ ﺗﺴﻤﻌﻲ ﻛﻼﻡ ﻣﻦ ﺍﻟﻨﺎﺱ! ﺇﻧﺘﻲ ﻟﻴﻪ ﺗﺮﺿﻲ ﺃﻧﻚ ﺗﺘﺬﻟﻲ ﻭﺗﺘﻬﺎﻧﻲ ﻓﻲ ﺣﻴﻦ ﺃﻧﻮ ﺍﻧﺘﻲ ﻣﻤﻜﻦ ﺗﻌﻴﺸﻲ ﻣﻜﺮﻣﺔ ﻣﻌﺰﺯﺓ ﻟﻤﻦ ﺗﺘﻄﻠﻘﻲ! ﻃﻴﺐ ﺑﺘﻌﺘﻘﺪﻱ ﺃﻧﻮ ﺭﺍﺟﻠﻚ ﺩﺍ ﻣﻤﻜﻦ ﻳﻐﻴﺮ ﻃﺮﻳﻘﺔ ﺗﻌﺎﻣﻠﻮ ﻣﻌﺎﻙ! ﻟﻮ ﻋﻨﺪﻙ ﺷﻮﻳﺔ ﺃﻣﻞ ﻓﻴﻬﻮ ﻓﺎﻧﺎ ﻫﻨﺎ ﻣﻤﻜﻦ ﺃﻗﻮﻝ ﺗﺪﻳﻬﻮ ﻓﺮﺻﺔ ﻗﺎﻟﺖ ﻟﻲ ﻻ ﻣﺎ ﻋﻨﺪﻱ ﻭﻻ ﺫﺭﺓ ﺃﻣﻞ، ﺍﺫﺍ ﺃﻧﺎ ﻫﻨﺖ ﻋﻠﻴﻬﻮ ﻓﻲ ﻛﻞ ﺍﻻﻭﻗﺎﺕ ﺃﻛﻴﺪ ﺡ ﺃﻫﻮﻥ ﻋﻠﻴﻪ ﺩﺍﻳﻤﺎ، ﺑﺠﻲ ﺭﺍﺟﻊ ﺳﻜﺮﺍﻥ ﺑﺪﻗﻨﻲ ﻭﻣﺎ ﺑﻴﻘﻴﻒ ﺍﻻ ﻟﻤﻦ ﻳﻔﺘﺮ ﺑﻴﺨﻠﻴﻨﻲ ﺃﺷﺘﻐﻞ ﻭﺃﺗﻌﺬﺏ ﺑﺲ ﻋﺸﺎﻥ ﺃﺟﻴﺐ ﻟﻴﻬﻮ ﻗﺮﻭﺵ ﻳﺴﻜﺮ ﺑﻴﻬﺎ ﻭﻳﻮﻡ ﺍﻟﻤﺎ ﺃﺟﻴﺒﻬﻢ ﺑﺸﻮﻑ ﻧﺠﻮﻡ ﺍﻟﻈﻬﺮ ﻗﻠﺖ ﻟﻴﻬﺎ ﻃﺐ ﻟﻴﻪ ﻣﺎ ﺗﺘﺨﻠﺼﻲ ﻣﻦ ﺍﻟﻮﺟﻊ ﺩﺍ ﻛﻠﻮ؟! ﻗﺎﻟﺖ ﻟﻲ ﻃﻴﺐ ﺃﻧﺎ ﻋﺎﻳﺰﺓ ﺃﻃﻠﻖ ﻟﻜﻦ ﻛﻴﻒ! ﻫﻮ ﻣﺎ ﺣﻴﺮﺿﻲ ﻳﻄﻠﻘﻨﻲ ﻗﻠﺖ ﻟﻴﻬﺎ ﺩﻱ ﺧﻠﻴﻬﺎ ﻋﻠﻲ ﺃﻧﺎ ﺍﻟﻤﻬﻢ ﻣﺼﻠﺤﺘﻚ ﻭﺭﺍﺣﺘﻚ ﻗﺎﻟﺖ ﻟﻲ ﺃﻧﺎ ﻋﺎﻭﺯﺓ ﺃﻛﻮﻥ ﻗﻮﻳﺔ ﺯﻳﻚ ﻛﺪﺓ ﻭﻣﺎ ﺃﻓﻜﺮ ﺃﻧﺘﺤﺮ، ﻛﻼﻡ ﺍﻟﻨﺎﺱ ﺡ ﺃﺗﺠﺎﻫﻠﻮ ﺍﻟﻄﻼﻕ ﻣﺎ ﻋﻴﺐ ﻭﺍﻟﻄﻼﻕ ﺣﻼﻝ ﻓﻲ ﺣﺎﻟﺘﻲ ﺍﻟﺴﻴﺌﺔ ﺩﻱ ﻗﻠﺖ ﻟﻴﻬﺎ ﺡ ﺃﻭﻗﻒ ﻣﻌﺎﻙ ﺧﻄﻮﺓ ﺑﺨﻄﻮﺓ ﻟﺤﺪ ﻣﺎ ﺃﺷﻮﻓﻚ ﻣﺮﺗﺎﺣﺔ ﻻﻧﻲ ﺣﻘﻴﻘﻲ ﺑﻘﻴﺖ ﻣﺎ ﻋﺎﻳﺰﺓ ﺯﻭﻝ ﻳﻤﺮ ﺑﻨﻔﺲ ﺗﺠﺮﺑﺘﻲ ﺍﻟﻘﺎﺳﻴﺔ، ﻗﺎﻟﺖ ﻟﻲ ﺇﻧﺘﻲ ﻋﻈﻴﻤﺔ ﺷﺪﺩﺩﻳﺪ ﻻﻧﻮ ﻧﻔﺴﻚ ﻣﺎ ﺳﻤﺤﺖ ﻟﻴﻚ ﺗﺨﻴﻠﻴﻨﻲ ﻓﻲ ﺍﻟﻮﺿﻊ ﺍﻟﺼﻌﺐ ﺩﺍ ﺭﻏﻢ ﺇﻧﻮ ﻣﺎﻓﻲ ﺑﻴﻨﺎ ﺳﺎﺑﻖ ﻣﻌﺮﻓﺔ ﻗﻠﺖ ﻟﻴﻬﺎ ﻣﺎﻓﻲ ﺯﻭﻝ ﺑﺤﺲ ﺑﻮﺟﻊ ﺍﻟﺘﺎﻧﻲ ﺍﻻ ﻟﻤﻦ ﻳﻜﻮﻥ ﻣﺠﺮﺑﻮ ﻭﺃﻧﺎ ﺣﺎﺳﺔ ﺑﻲ ﺍﻻﻧﺘﻲ ﺣﺎﺳﺔ ﺑﻴﻬﻮ ﻣﻌﺎﻫﻮ ﻭ.. ، ﻣﺎ ﺗﻤﻴﺖ ﻛﻼﻣﻲ ﺳﻤﻌﻨﺎ ﺻﻮﺕ ﺃﻣﻬﺎ ﻭﻫﻲ ﺑﺘﻘﻮﻝ ﻟﻲ ﺑﺘﺤﺮﺿﻲ ﻓﻲ ﺑﺘﻲ ﻋﺸﺎﻥ ﺗﺨﺮﺏ ﺑﻴﺘﻬﺎ ﻭﺗﺘﻄﻠﻖ؟! ﺃﺗﻠﻔﺘﻨﺎ ﻋﻠﻴﻬﺎ ﺍﻻﺗﻨﻴﻦ ﺑﻬﺠﻤﺔ، ﻗﻠﺖ ﻟﻴﻬﺎ ﺃﻧﺎ ﺑﺲ.. ﻗﺎﻟﺖ ﻟﻲ ﺃﺳﻜﺘﻲ ﻣﺎ ﺗﻘﻮﻟﻲ ﻭﻻ ﺣﺮﻑ ﻭﺃﻃﻠﻌﻲ ﻣﻦ ﺑﻴﺘﻲ ﻭﺗﺎﻧﻲ ﻣﺎ ﺗﺠﻲ ﻫﻨﺎ ﻭﺑﺘﻲ ﻣﺎ ﺡ ﺗﺘﻄﻠﻖ ﻣﻦ ﺭﺍﺟﻠﻬﺎ ﺩﺍﻳﺮﺓ ﺍﻟﻨﺎﺱ ﻳﻘﻮﻟﻮ ﻋﻠﻴﻬﺎ ﻣﻄﻠﻘﺔ ﻳﺎ ﺧﺮﺍﺑﺔ ﺍﻟﺒﻴﻮﺕ! ﻗﻠﺖ ﻟﻴﻬﺎ ﺃﺳﻤﻌﻴﻨﻲ ﺃﻧﺎ ﻣﺎ ﺩﺍﻳﺮﺓ ﺃﻻ ﻣﺼﻠﺤﺘﻬﺎ ﻗﺎﻟﺖ ﻟﻲ ﻛﺬﺍﺑﺔ ﺳﻤﻌﺘﻚ ﺑﻲ ﺃﺿﺎﻧﻲ ﺩﻱ ﺑﺘﻘﻮﻟﻲ ﻟﻴﻬﺎ ﺃﺗﻄﻠﻘﻲ ﻣﻨﻮ ﻫﺴﻲ ﻣﺼﻠﺤﺘﻬﺎ ﻭﻳﻦ ﻓﻲ ﺍﻟﻄﻼﻕ ﻏﻴﺮ ﺃﻧﻬﺎ ﺡ ﺗﺠﻴﺐ ﻟﻲ ﻧﻔﺴﻬﺎ ﻛﻼﻡ! ﺩﺍﻳﺮﺓ ﺣﺮﻳﻢ ﺍﻟﺤﻠﺔ ﻳﺘﻜﻠﻤﻮ ﺑﻴﻬﺎ ﻓﻲ ﺍﻟﺠﻤﻌﻴﺎﺕ ﻭﻳﻘﻮﻟﻮ ﺑﺖ ﺃﺳﻴﺎ ﻃﻠﻘﻮﻫﺎ ﻋﺸﺎﻥ ﻋﺎﻗﺮ! ﻭﺩﺍﻳﺮﺓ ﺍﻟﻨﺎﺱ ﺗﻘﻄﻊ ﻟﺤﻤﻨﺎ ﺑﻲ ﺍﻟﻜﻼﻡ!ﺃﻣﺮﻗﻲ ﻟﻲ ﺑﺮﺓ ﻗﻠﺖ ﻟﻴﻬﺎ ﺍﻟﻄﻼﻕ ﻣﺎ ﺣﺮﺍﻡ ﻭﺃﻧﺎ ﻋﺎﻭﺯﺍﻫﺎ ﺗﺘﻄﻠﻖ ﻻﻧﻬﺎ ﻣﺎ ﻋﺎﻳﺸﺔ ﻣﺮﺗﺎﺣﺔ ﻣﻌﺎﻫﻮ ﻗﺎﻟﺖ ﻟﻲ ﻣﺎ ﺗﺘﺪﺧﻠﻲ ﻓﻲ ﺣﺎﺟﺔ ﻣﺎ ﺑﺘﺨﺼﻚ ﻗﻠﺖ ﻟﻴﻬﺎ ﻟﻜﻦ ﺃﻧﺎ ﺷﻔﺘﻚ ﻓﻲ ﺍﻟﻤﺴﺘﺸﻔﻰ ﺑﺘﺒﻜﻲ ﻭﺑﺘﺘﺤﺴﺒﻨﻲ ﻋﻠﻲ ﺭﺍﺟﻠﻬﺎ ﺍﻟﻐﻴﺮ ﺭﺍﻳﻚ ﺷﻨﻮ! ﻗﺎﻟﺖ ﻟﻲ ﺃﻳﻮﺓ ﺑﺘﻲ ﻣﺎ ﺗﺤﻤﻞ ﻋﺸﺎﻥ ﻣﺎ ﺗﻤﻮﺕ ﻟﻜﻦ ﻣﺎ ﺗﺘﻄﻠﻖ ﻣﻦ ﺭﺍﺟﻠﻬﺎ ﻫﻮ ﺃﻛﻴﺪ ﺡ ﻳﻮﻋﻰ ﻟﻲ ﺍﻟﺒﻌﻤﻞ ﻓﻴﻬﻮ ﻭﻳﺮﺟﻊ ﺯﻱ ﻣﺎ ﻛﺎﻥ ﻗﻠﺖ ﻟﻴﻬﺎ ﻳﻌﻨﻲ ﻫﺴﻲ ﺇﻧﺘﻲ ﺑﺮﺿﻴﻚ ﺃﻧﻮ ﺑﺘﻚ ﺗﻨﻀﺮﺏ ﻛﻞ ﻳﻮﻡ ﻭﺗﺸﺘﻐﻞ ﻭﺗﻌﺎﻧﻲ ﺑﺲ ﻣﺎ ﻳﺮﺿﻴﻚ ﺃﻧﻬﺎ ﺗﺘﻄﻠﻖ ﻭﺗﺮﺗﺎﺡ! ﻟﻴﻪ ﻣﺎ ﻋﺎﻳﺰﺍﻫﺎ ﺗﺮﺗﺎﺡ ﻣﻦ ﺍﻟﺤﺎﺟﺎﺕ ﺩﻱ؟! ﻗﺎﻟﺖ ﻟﻲ ﺇﻧﺘﻲ ﻋﺎﻳﺰﺓ ﺗﺼﻠﻲ ﻟﺸﻨﻮ ﻳﺎ ﺑﺖ ﺍﻟﻨﺎﺱ؟ ! ﻗﻠﺖ ﻟﻴﻬﺎ ﻟﻲ ﺃﻧﻬﺎ ﺗﺘﺤﺮﺭ ﻣﻦ ﺍﻟﺨﻨﻘﺔ ﺍﻟﻠﻲ ﻫﻲ ﻋﺎﻳﺸﺔ ﻓﻴﻬﺎ، ﺍﻟﻤﺮﺓ ﺳﻜﺘﺖ ﻭﻣﺎ ﺭﺩﺕ ﻋﻠﻲ، ﻗﻠﺖ ﻟﻴﻬﺎ ﻣﺶ ﺃﺣﺴﻦ ﻟﻴﻬﺎ ﺃﻧﻬﺎ ﺗﻌﻴﺶ ﻣﻌﺰﺯﺓ ﻣﻜﺮﻣﺔ ﻗﺎﻋﺪﺓ ﺟﻨﺒﻚ ﻣﺮﺗﺎﺣﺔ ﻣﺎﻑ ﺯﻭﻝ ﺑﻬﺒﺸﻬﺎ ﻭﻳﺠﺒﺮﻫﺎ ﺃﻧﻬﺎ ﺗﺸﺘﻐﻞ ﻋﺸﺎﻥ ﺍﻟﻘﺮﻭﺵ ﺣﻘﺖ ﺗﻌﺒﻬﺎ ﺩﺍ ﻳﺮﻭﺣﻬﺎ ﻓﻲ ﺣﺎﺟﺎﺕ ﺣﺮﺍﻡ، ﺑﺘﻚ ﺩﻱ ﻟﻤﻦ ﺗﺘﻄﻠﻖ ﻣﻤﻜﻦ ﺗﺮﺟﻊ ﺗﻜﻤﻞ ﻗﺮﺍﻳﺘﻬﺎ ﻟﻮ ﻭﻗﻔﺘﻬﺎ ﻭﻟﻮ ﻛﻠﻤﺘﻬﺎ ﺡ ﺗﺸﺘﻐﻞ ﻭﺗﺮﻓﻊ ﺭﺍﺳﻚ ﻭﺗﺼﺮﻑ ﻋﻠﻴﻚ ﻳﻌﻨﻲ ﺷﻨﻮ ﻟﻮ ﺃﺗﻄﻠﻘﺖ؟! ﻫﻞ ﺍﻟﻄﻼﻕ ﻋﻴﺐ؟! ﺍﻟﻨﺎﺱ ﺍﻟﺨﺎﻳﻔﻴﻦ ﻣﻦ ﺃﻧﻬﻢ ﻳﺘﻜﻠﻤﻮ ﻓﻴﻬﺎ ﺩﻳﻞ ﻫﻞ ﻫﻢ ﻋﺎﺷﻮ ﻣﻌﺎﻫﺎ ﺍﻟﻤﻌﺎﻧﺎﺓ ﺍﻟﻠﻲ ﻫﻲ ﻋﺎﺷﺘﻬﺎ! ﺃﺗﻌﺬﺑﻮ ﻣﻌﺎﻫﺎ! ﺃﺗﻮﺟﻌﻮ ﺯﻳﻬﺎ ! ﻻ ﺻﺢ ﻓﺒﺲ ﺃﻱ ﺯﻭﻝ ﺗﺴﻤﻌﻲ ﻏﻠﻂ ﻓﻲ ﺣﻖ ﺑﺘﻚ ﻃﻮﺍﻟﻲ ﺃﻗﻴﻔﻲ ﻓﻲ ﻭﺷﻮ ﻭﻗﻮﻟﻲ ﻟﻴﻬﻮ ﺃﻧﺖ ﻣﺎ ﻋﺎﺭﻑ ﻫﻲ ﺷﺎﻓﺖ ﺷﻨﻮ ﻋﺸﺎﻥ ﺗﺘﻄﻠﻖ ﻓﺎﺳﻜﺖ، ﺍﻟﻨﺎﺱ ﻟﻮ ﻣﺎ ﻭﻗﻔﺘﻴﻬﻢ ﻋﻨﺪ ﺣﺪﻫﻢ ﺡ ﻳﺘﻤﺎﺩﻭ ﺩﺍﻳﻤﺎ، ﻟﻴﻪ ﻫﻲ ﺗﺨﺴﺮ ﺭﺍﺣﺘﻬﺎ ﻓﻲ ﺳﺒﻴﻞ ﺃﻧﻬﺎ ﻣﺎ ﺗﺴﻤﻊ ﻛﻼﻡ ﻣﻦ ﺍﻟﻨﺎﺱ! ﻣﻌﻘﻮﻟﺔ ﻓﻲ ﺃﻡ ﺑﺘﺮﺿﻰ ﺃﻧﻮ ﺑﺘﻬﺎ ﺍﻟﻤﻦ ﻟﺤﻤﻬﺎ ﻭﺩﻣﻬﺎ ﺗﺘﻌﺬﺏ ﻛﺪﺍ ﻭﺗﺼﺮ ﻋﻠﻴﻬﺎ ﺍﻧﻬﺎ ﺗﺴﻜﺖ ﻭﺗﻀﺤﻲ ﻋﺸﺎﻥ ﻧﺎﺱ؟! ﻻ ﺩﻗﻴﻘﺔ ﻫﻤﺎ ﺍﻟﻨﺎﺱ ﺩﻳﻞ ﺯﺍﺗﻬﻢ ﻣﻨﻮ ﻋﺸﺎﻥ ﺗﻌﻤﻠﻮ ﻛﻞ ﺩﺍ ﻋﺸﺎﻧﻬﻢ! ﺧﺎﻟﺘﻮ ﻓﻜﺮﻱ ﻓﻲ ﺍﻟﻘﻠﺘﻮ ﺩﺍ ﻛﻮﻳﺲ ﻭﻋﺎﻳﻨﻲ ﻟﻲ ﺑﺘﻚ ﺍﻟﻤﻈﻠﻮﻣﺔ ﺩﻱ ﻭﺷﻮﻓﻴﻬﺎ ﺃﺗﻌﺬﺑﺖ ﻛﻴﻒ! ﻭﻟﻮ ﻭﺍﻓﻘﺘﻲ ﺃﻧﺎ ﻣﺴﺘﻌﺪﺓ ﺍﻗﻴﻒ ﻣﻌﺎﻫﺎ ﻟﺤﺪ ﻣﺎ ﺗﺘﻄﻠﻖ ﻭﻛﻤﺎﻥ ﻣﺘﺒﺮﻋﺔ ﺃﻧﻲ ﺃﻓﺘﺶ ﻟﻴﻬﺎ ﺷﻐﻞ ﻭﺑﻌﺪ ﻛﺪﺍ ﺍﻟﻘﺮﺍﺭ ﻗﺮﺍﺭﻙ ﺃﻧﺘﻲ ﻭﻫﻲ + ﺭﻗﻤﻲ ﻋﻨﺪﻛﻢ ﻓﻲ ﺍﻟﺘﻠﻔﻮﻥ ﻟﻮ ﺃﺣﺘﺠﺘﻮ، ﺷﻠﺖ ﺷﻨﻄﺘﻲ ﻭﻃﻠﻌﺖ ﻣﻨﻬﻢ ﻭﺃﻧﺎ ﻣﺘﺎﻣﻠﺔ ﺃﻧﻮ ﺃﻣﻬﺎ ﺗﺤﺎﻭﻝ ﺗﻔﻬﻢ ﺍﻟﻘﻠﺘﻮ ﻭﺗﻌﺮﻑ ﻣﺼﻠﺤﺔ ﺑﺘﻬﺎ..... ﻟﻤﻦ ﻗﺮﺑﺘﺎ ﺃﺻﻞ ﺑﻴﺘﻨﺎ ﺍﻟﻤﻄﺮﺓ ﺻﺒﺖ ﻭﺯﻧﻘﺘﻨﻲ ﻓﺒﻘﻴﺖ ﺟﺎﺭﻳﺔ ﻓﻲ ﺍﻟﺸﺎﺭﻉ ﺑﺴﺮﻋﺔ ﻭﺑﻌﻄﺲ، ﻓﻲ ﻗﻠﺒﻲ ﻗﻠﺖ ﺍﻟﻠﻴﻠﻪ ﺍﻻﻟﺘﻬﺎﺏ ﺡ ﻳﺰﻳﺪ ﻋﻠﻲ ﻭﺃﺳﺮﻋﺖ ﻓﻲ ﺍﻟﺠﺮﻱ، ﻭﺃﻧﺎ ﺟﺎﺭﻳﺔ ﻛﺪﺍ ﺍﻟﻄﻴﻦ ﺯﺣﻠﻘﻨﻲ ﻭﺭﺏ ﺟﻴﺖ ﻭﺍﻗﻌﺔ ﻓﻲ ﺍﻻﺭﺽ، ﻳﺎﺍﺍﺧﻲ ﻭﻗﻌﺖ ﻭﻗﻌﺔ ﻗﻤﺘﺎ ﺃﺗﻨﻔﻀﺖ ﺳﺮﻳﻊ ﺳﺮﻳﻊ ﻭﻋﺎﻳﻨﺖ ﻓﻲ ﺍﻟﺸﺎﺭﻉ ﻭﻛﻨﺖ ﺑﺘﻠﻔﺖ ﻳﻤﻴﻦ ﻭﺷﻤﺎﻝ ﻭﺑﺪﻋﻲ ﺃﻧﻮ ﻣﺎﻑ ﺯﻭﻝ ﻳﻜﻮﻥ ﺷﺎﻓﻨﻲ ﻭﺍﻗﻌﺔ ﺑﺲ ﻟﻼﺳﻒ ﺳﻤﻌﺖ ﺻﻮﺕ ﺿﺤﻜﺔ ﺩﻛﺘﻮﺭ ﻳﺤﻴﻰ ﻭﻫﻮ ﺑﻘﻮﻝ ﻟﻲ ﻳﺎ ﺳﺎﺗﺮ ﻋﻠﻰ ﺩﻱ ﻭﻗﻌﺔ ﻗﻠﺖ ﻟﻴﻬﻮ ﻫﺴﻲ ﻓﻲ ﺷﻨﻮ ﺑﻀﺤﻚ ! ﻗﺎﻝ ﻟﻲ ﻳﻌﻨﻲ ﻣﺎ ﺷﺎﻳﻔﺔ ﻧﻔﺴﻚ ﻭﻗﻌﺘﻲ ﻛﻴﻒ! ﻭﻻ ﺷﺎﻳﻔﺔ ﺷﻜﻠﻚ؟! ﺃﻗﺴﻢ ﺑﺎﻟﻠﻪ ﺿﺤﻜﺘﻴﻨﻲ ﺿﺤﻚ ﻗﻠﺖ ﻟﻴﻬﻮ ﺃﻧﻨﻨﻨﻦ ﻣﺎ ﺗﻀﺤﻚ ﻗﺎﻝ ﻟﻲ ﺧﻼﺹ ﺧﻼﺹ، ﺑﺲ ﺳﻜﺖ ﺛﺎﻧﻴﺔ ﻭﺍﺣﺪﺓ ﻭﺗﺎﻧﻲ ﺭﺟﻊ ﻳﻀﺤﻚ ﻗﺎﻝ ﻟﻲ ﺣﺎﻭﻟﺖ ﻟﻜﻦ ﻣﺎ ﻗﺎﺩﺭ ﻭﺍﻟﻠﻪ ﺍﻟﻌﻈﻴﻢ ﻗﻠﺖ ﻟﻴﻬﻮ ﻳﺴﺘﺤﺴﻦ ﺃﻣﺶ ﻣﻦ ﻫﻨﺎ ﻗﺒﻞ ﻣﺎ ﺃﻧﻔﻌﻞ ﻓﻴﻚ ﻗﺎﻝ ﻟﻲ ﺃﺳﺘﻨﻲ ﺃﺳﺘﻨﻲ ﻗﺒﻞ ﻣﺎ ﺗﻤﺸﻲ ﺃﺩﻳﻨﻲ ﺭﻗﻢ ﺃﻣﻚ، ﺃﺳﺘﻐﺮﺑﺖ ﺩﺍﻳﺮ ﺑﻴﻬﻮ ﺷﻨﻮ ﻭﻗﻠﺖ ﻟﻴﻬﻮ ﺭﻗﻢ ﺃﻣﻲ ﺃﻧﺎ! ﻗﺎﻝ ﻟﻲ ﺃﻱ ﻻﻧﻮ ﺃﻣﻲ ﻋﺎﻭﺯﺍﻫﻮ ﺃﻣﺒﺎﺭﺡ ﺗﻠﻔﻮﻧﺎﺗﻬﺎ ﻫﻲ ﻭﺃﻓﺎﻕ ﺃﺗﺴﺮﻗﻮ ﻓﻲ ﺍﻟﺴﻮﻕ ﻭﺭﻳﺎﻥ ﻋﻨﺪ ﺃﻫﻠﻬﺎ ﻭﻛﺎﻥ ﻋﻨﺪﻫﺎ ﺣﺎﺟﺔ ﺿﺮﻭﺭﻳﺔ ﺩﺍﻳﺮﺓ ﺗﻮﺭﻱ ﺑﻴﻬﺎ ﺃﻣﻚ ﻟﻜﻦ ﻣﺎ ﻟﻘﺖ ﺍﻟﺮﻗﻢ ﺣﻘﻬﺎ ﻭﻻ ﺣﻘﻚ ﻋﻨﺪﻱ، ﻗﻠﺖ ﻟﻴﻬﻮ ﻭﺍﻟﻠﻪ ﺃﻧﺎ ﻣﺎ ﺣﺎﻓﻈﺔ ﻻ ﺭﻗﻤﻲ ﻭﻻ ﺭﻗﻢ ﺃﻣﻲ ﻭﺗﻠﻔﻮﻧﻲ ﻟﻮ ﻃﻠﻌﺘﻮ ﺍﻟﻤﻮﻳﺔ ﺣﻖ ﺍﻟﻤﻄﺮﺓ ﺡ ﺗﺨﺮﺑﻮ ﻟﻲ، ﻗﺎﻝ ﻟﻲ ﺧﻼﺹ ﺡ ﺃﺣﻔﻈﻚ ﺭﻗﻤﻲ ﻭﺑﻌﺪﻳﻦ ﺭﺳﻠﻲ ﻟﻲ ﻓﻴﻬﻮ ﺍﻟﺮﻗﻢ ﻗﻠﺖ ﻟﻴﻬﻮ ﻃﻴﺐ، ﺑﺪﺍً ﻳﻘﻮﻝ ﻓﻴﻬﻮ ﻭﺃﻧﺎ ﻛﻨﺖ ﺑﺤﻔﻆ ﻭﻛﺮﺭﺗﻮ ﻟﻴﻬﻮ ﻛﻢ ﻣﺮﺓ ﺣﺘﻰ ﺑﻌﺪﻫﺎ ﺩﺧﻠﺖ ﺑﻴﺘﻨﺎ، ﻣﺸﻴﺖ ﺃﺳﺘﺤﻤﻴﺖ ﻭﺟﻴﺖ ﺭﺳﻠﺖ ﻟﻴﻪ ﺍﻟﺮﻗﻢ ﻭﺩﺭﺩﺷﻨﺎ ﺷﻮﻳﺔ ﻭﻧﺺ ﺍﻟﻜﻼﻡ ﻛﺎﻥ ﻋﺒﺎﺭﺓ ﻋﻦ ﺷﻜﻞ ﻭﺣﺘﻰ ﻗﺎﻝ ﻟﻲ ﺡ ﺃﺳﻴﻔﻚ ﺑﻲ ﺃﻧﺴﺔ ﻣﺰﺍﺟﻴﺎﺕ ، ﺃﻣﺎ ﺃﻧﺎ ﻣﺎ ﺳﺠﻠﺖ ﺭﻗﻤﻮ ﺑﺲ ﻛﻨﺖ ﺣﺎﻓﻈﺎﻫﻮ ﻓﻲ ﺭﺍﺳﻲ .... ﺑﻌﺪ ﺃﺳﺒﻮﻉ ﻣﻦ ﺍﻟﺤﺼﻞ ﻓﻲ ﻳﻮﻡ ﺟﺎﻧﻲ ﺃﺗﺼﺎﻝ ﻣﻦ ﻧﺴﻴﺒﺔ ﻓﻲ ﻗﻠﺒﻲ ﻗﻠﺖ ﺑﻜﻮﻥ ﺃﻗﻨﻌﺖ ﺃﻣﻬﺎ ﺑﺎﻟﻔﻜﺮﺓ ﻭﺩﺍﻳﺮﺓ ﺗﻮﺭﻳﻨﻲ، ﺭﺩﻳﺖ ﻋﻠﻴﻬﺎ ﻭﻗﻠﺖ ﻟﻴﻬﺎ ﺃﻫﻠﻴﻦ ﻳﺎ ﻧﺴﻴﺒﺔ ﻓﺠﺎﺓ ﺳﻤﻌﺖ ﺻﻮﺗﻬﺎ ﻭﻫﻲ ﺑﺘﺼﺮﺥ ﻭﺑﺘﻘﻮﻝ ﻟﻲ ﻣﻴﺎﺍﺍﻣﻦ ﺃﻟﺤﻘﻴﻨﻲ، ﺍﻟﺤﻘﻴﻨﻴﻲ ﺑﺴﺮﺭﺭﻋﻪ ﺡ ﺃﻣﻮﻭﺕ ...... ______________________ _ ﺃﻋﺮﻑ ﺗﻤﺎﻣًﺎ ﻣﺎﺫﺍ ﻳﻌﻨﻰ ﺍﻟﺨُﺬﻻﻥ ﻣﻦ ﺫﻟﻚ ﺍﻟﺸﺨﺺ ﺍﻟﺬﻯ ﻭﻋﺪﻙ ﮔﺜﻴﺮﺍً ﺑﺄﻥ ﻳﺒﻘﻰ ﻣﻌﻚ ﺩﺍﺋﻤًﺎ، ﺃﻋﺮﻑ ﻣﺎ ﻫﻮ ﺍﻻﻧﻄﻔﺎﺀ ﺑﻌﺪ ﮔﻞ ﻫﺬﺍ ﺍﻟﺘﻮﻫﺞ، ﺃﻋﺮﻑ ﺍﻟﻬُﺠﺮﺍﻥ ﺑﻌﺪ ﮔﻞ ﻫﺬﺍ ﺍﻟﺤﺐ، ﺃﻋﺮﻑ ﻣﺮﺍﺭﺓ ﺍﻟﻜﻠﻤﺔ ﺑﻌﺪ ﺃﻥ ﮔﺎﻧﺖ ﺿﻤﺎﺩًﺍ، ﺃﻋﺮﻑ ﻣﺎ ﻣﻌﻨﻰ ﺃﻥ ﻳُﺼﺒﺢ ﻏﺮﻳﺒًﺎ ﺑﻌﺪ ﻣﺎ ﮔﺎﻥ ﻣﺄﻟﻮﻓًﺎ .. ﺃﻋﺮﻑ ﻛﺜﻴﺮًﺍ ...! ﺃﺷﻮﻓﻜﻢ ....

Free reading for new users

Scan code to download app

App Store Google Play

Facebookexpand_more