ليحيا بك قلبي 11

1753 Words

NOVEL ? روايات: #ليحيا_بك_قلبي11 ﺃﺗﺨﻠﻌﺖ ﻟﻤﻦ ﻗﺎﻟﺖ ﺃﻧﻬﺎ ﺧﻄﻴﺒﺘﻮ ﻭﻗﻠﺖ ﻟﻴﻬﺎ ﺷﻨﻮﻭ؟! ﻗﺎﻟﺖ ﻟﻲ ﻳﺎﺍﺧﻲ ﻣﺎ ﺑﺘﺘﺬﻛﺮﻱ ﻛﺎﻥ ﻣﺮﺓ ﺣﻜﻴﺖ ﻟﻴﻜﻢ ﺑﻲ ﺃﻧﻮ ﺃﺧﻮﻱ ﺍﻟﻜﺒﻴﺮ ﺧﺎﻃﺐ ﻗﻠﺖ ﻟﻴﻬﺎ ﻣﺎ ﺑﺘﺬﻛﺮ ﻗﺎﻟﺖ ﻟﻲ ﺩﺍً ﻛﺎﻥ ﻓﻲ ﺑﺪﺍﻳﺎﺕ ﻟﻤﻦ ﺭﺣﻠﺘﻮ ﺟﻨﺒﻨﺎ ﻫﻨﺎ ﺃﺻﻼ ﺇﻧﺘﻲ ﻣﺎ ﻛﻨﺘﻲ ﻣﺼﺤﺒﺎﻧﻲ ﺷﺪﺩﻳﺪ ﻭﻻ ﻛﻨﺘﻲ ﺑﺘﺸﻐﻠﻲ ﺑﻲ ﻛﻼﻣﻲ ﻣﻊ ﻧﺎﺱ ﻣﻬﺎﺩ ﻋﺸﺎﻥ ﻛﺪﺓ ﺑﻜﻮﻥ ﻧﺴﻴﺘﻲ ﻗﻠﺖ ﻟﻴﻬﺎ ﺇﻳﻮﺓ ﻗﺎﻟﺖ ﻟﻲ ﻳﻼ ﻫﻤﺎ ﻣﺨﻄﻮﺑﻴﻦ ﻟﻴﻬﻢ ﺳﻨﺘﻴﻦ ﻭﻧﺺ ﺧﻄﺒﻬﺎ ﻭﺑﻌﺪﻫﺎ ﺳﺎﻓﺮ ﻗﻠﺖ ﻟﻴﻬﺎ ﻫﻲ ﺑﺘﺒﻘﻰ ﻟﻴﻜﻢ! ﻗﺎﻟﺖ ﻟﻲ ﺇﻳﻲ ﺑﺖ ﻋﻤﻲ، ﻭﻋﻤﻲ ﺩﺍ ﺍﻟﻮﺍﺣﻴﺪ ﺍﻟﻤﻦ ﺃﻋﻤﺎﻣﻲ ﺍﻟﺴﺎﻛﻨﻴﻦ ﻫﻨﺎ ﺍﻟﺒﺎﻗﻴﻦ ﻛﻠﻬﻢ ﻓﻲ ﺍﻟﺒﻠﺪ ﻗﻠﺖ ﻟﻴﻬﺎ ﺃﻫﺎ ﻻﻻ ﺗﻤﺎﻡ، ﻗﻌﺪﺕ ﺷﻮﻳﺔ ﻭﺭﺟﻌﺖ ﺑﻴﺘﻨﺎ ﻭﻃﻮﺍﻟﻲ ﺷﻠﺖ ﺗﻠﻔﻮﻧﻲ ﻭﺭﺳﻠﺖ ﻟﻲ ﺍﻟﺒﻨﺎﺕ ﻓﻲ ﺍﻟﻘﺮﻭﺏ ﻭﻗﻠﺖ ﻟﻴﻬﻢ ﻫﻴﻴﻲ، ﺟﺎﺕ ﺑﺮﺍﺀﺓ ﺭﺩﺕ ﻟﻲ ﺑﻲ ﻓﻲ ﺷﻨﻮ! ﻗﻠﺖ ﻟﻴﻬﺎ ﻋﻨﺪﻱ ﻟﻴﻜﻢ ﺷﻤﺎﺭ ﺧﻄﻴﺮ ﺑﺮﺍﺀﺓ ﻗﺎﻟﺖ ﻟﻲ ﺃﺣﻜﻲ ﺳﺮﻳﻴﻌﻊ، ﺍﻻﺀ ﻗﺎﻟﺖ ﻟﻲ ﺟﺎﻙ ﻋﺮﻳﺲ! ﻗﻠﺖ ﻟﻴﻬﺎ ﻻ ﻳﺎﺍﺥ ﻣﻮﺿﻮﻉ ﺃﺧﻄﺮ ﻣﻦ ﻛﺪﺍ ﻗﺎﻟﺖ ﻟﻲ ﺃﺏ ﻟﻲ ﺍﻟﺸﻤﺎ⁦ﺭ ⁩ ﻗﻠﺖ ﻟﻴﻬﻢ ﺩﻛﺘﻮﺭ ﻳﺤﻴﻰ ﻃﻠﻊ ﺧﺎﻃﺐ، ﺑﺮﺍﺀﺓ ﻗﺎﻟﺖ ﻟﻲ ﻧﻌﻤﻤﻢ! ﺍﻻﺀ ﺭﺳﻠﺖ ﺇﻻﻳﻤﻮﺟﻲ ﺍﻟﻤﺨﻠﻮﻉ ﺩﺍﻙ ﻭﻗﺎﻟﺖ ﻟﻲ ﻭﺑﻌﻠﻴﻴﻲ ﻗﻠﺖ ﻟﻴﻬﻢ ﻭﻣﺎ ﺡ ﺗﺼﺪﻗﻮ ﺧﻄﻴﺒﺘﻮ ﻣﻨﻮ، ﺑﺮﺍﺀﺓ ﻗﺎﻟﺖ ﻟﻲ ﻗﻮﻟﻴﻲ ﻣﺎ ﺗﺤﺮﻗﻲ ﺃﻋﺼﺎﺑﻲ ﺃﻛﺘﺮ ﻣﺎ ﻫﻲ ﻣﺤﺮﻭﻗﺔ ﻗﻠﺖ ﻟﻴﻬﻢ ﻭﺍﺣﺪﺓ ﻛﺪﺍ ﺃﻧﺘﻮ ﺑﺘﻜﺮﻫﻮﻫﺎ، ﺍﻻﺀ ﻗﺎﻟﺖ ﻟﻲ ﻳﻌﻨﻲ ﺑﻨﻌﺮﻓﻬﺎ! ﻗﻠﺖ ﻟﻴﻬﺎ ﺃﺟﻞ ﻧﻌﻢ ﻗﺎﻟﺖ ﻟﻲ ﺑﺲ ﻣﺎ ﺗﻘﻮﻟﻲ ﻟﻲ ﺃﻧﻬﺎ ﻓﻼﻧﺔ ﺍﻟﻤﺎﻳﻌﺔ ﻗﻠﺖ ﻟﻴﻬﺎ ﻟﻼﺳﻒ ﻫﻲ ﺯﺍﺗﻬﺎ، ﺑﺮﺍﺀﺓ ﻗﺎﻟﺖ ﻭﺍﺍﺍ ﻣﻐﺴﺘﻲ ﻣﺎ ﻗﺎﺩﺭﺓ ﺃﺻﺪﻕ، ﺃﻣﺎ ﺍﻻﺀ ﺩﻳﻚ ﺷﻜﻠﻬﺎ ﺍﻧﺼﺪﻣﺖ ﺑﺲ ﺑﻘﺖ ﺗﺮﺳﻞ ﻓﻲ ﺍﻻﻳﻤﻮﺟﻲ ﺍﻟﻤﺨﻠﻮﻉ ﻛﻞ ﺩﻗﻴﻘﺔ ﻭﺍﻟﺘﺎﻧﻴﺔ ﻗﻠﺖ ﻟﻴﻬﻢ ﺃﺟﻞ ﺃﻧﻬﺎ ﻣﻔﺎﺟﺎﺓ ﺍﻟﻘﺪﺭ ﻟﻜﻢ ﻳﺎ ﻋﺰﻳﺰﺍﺗﻲ ⁦ ⁩ ﺑﺮﺍﺀﺓ ﻗﺎﻟﺖ ﻟﻲ ﺻﺪﻣﺔ ﺻﺪﻣﺔ، ﺍﻻﺀ ﻗﺎﻟﺖ ﻟﻴﻨﺎ ﻛﺪﻱ ﻟﻤﻦ ﺃﺳﺘﻮﻋﺐ ﺑﻌﺪﺍﻙ ﺑﺠﻲ ﺑﺘﻔﺎﻫﻢ ﻣﻌﺎﻛﻢ، ﺑﺮﺍﺀﺓ ﻗﺎﻟﺖ ﻟﻲ ﻫﺴﻲ ﻳﺎ ﺭﺑﻲ ﻣﺴﺘﺤﻤﻞ ﺍﻟﺒﺖ ﺩﻱ ﻛﻴﻒ! ﺃﻧﺎ ﺛﺎﻧﻴﺘﻴﻦ ﺑﺲ ﻣﺎ ﺑﻘﺪﺭ ﺃﻗﻴﻒ ﺟﻨﺒﻬﺎ ﻛﻼﻣﻬﺎ ﻛﻠﻮ ﺃﻋﻮﺝ ﻗﻠﺖ ﻟﻴﻬﺎ ﻫﻮ ﺯﺍﺗﻮ ﻏﻴﺎﻅ ﺯﻳﻬﺎ ﻳﻼ ﻗﺮﺩﺓ ﻭﻟﻘﺖ ﺷﺒﻬﻬﺎ ﻗﺎﻟﺖ ﻟﻲ ﺇﻧﺘﻲ ﺑﺲ ﻋﺸﺎﻥ ﺷﺎﻳﻼﻫﺎ ﻣﻌﺎﻫﻮ ﻟﻜﻦ ﻫﻮ ﻇﺮﻳﻒ، ﺿﺤﻜﺖ ﻟﻴﻬﺎ ﻭﻗﻠﺖ ﻟﻴﻬﺎ ﻫﻪ ﻇﺮﻳﻔﺔ ﺃﻧﺎ ﻳﺨﺘﻲ، ﻗﺎﻟﺖ ﻟﻲ ﺍﻻﺀ ﻃﻔﺸﺖ ﻭﻳﻦ! ﺗﺎﻧﻲ ﻣﺎ ﺧﺸﺖ ﺍﻟﻮﺍﺗﺴﺐ ﺷﻜﻠﻬﺎ ﻟﺴﻪ ﻣﺼﺪﻭﻣﺔ ﻗﻠﺖ ﻟﻴﻬﺎ ﺷﻜﻠﻮ ﻛﺪﺍ ..... ______________________________ ﻣﺎ ﻛﻨﺖ ﻓﺎﻫﻢ ﻫﻲ ﻣﺎﻻ ﻛﺎﻧﺖ ﻣﺼﺮﺓ ﺷﺪﺩﺩﻳﺪ ﻋﻠﻰ ﺃﻧﻬﺎ ﺗﺘﻜﻠﻢ ﻣﻊ ﺍﻟﺒﺖ ﺍﻟﻤﺮﻳﻀﺔ ﺍﻟﻌﻨﺪﻧﺎ ﻭﺗﺨﻠﻴﻬﺎ ﺗﺮﻓﻊ ﻗﻀﻴﺔ ﺿﺪﺩ ﺭﺍﺟﻠﻬﺎ، ﻣﺎ ﻛﻨﺖ ﺣﺎﺑﺒﻬﺎ ﺗﺘﺪﺧﻞ ﻓﻲ ﺍﻟﻜﻼﻡ ﺩﺍ ﺧﺼﻮﺻﻲ ﺃﻧﻮ ﺭﺍﺟﻞ ﺍﻟﺒﺖ ﻣﻦ ﺷﻜﻠﻮ ﺑﺎﻳﻦ ﺃﻧﻮ ﺯﻭﻝ ﻣﺠﺮﻡ ﻭﺑﺘﺎﻉ ﺣﺮﻛﺎﺕ ﻭﺑﻌﺪﻳﻦ ﺇﺫﺍ ﻣﺮﺗﻮ ﺭﻓﻊ ﻳﺪﻭ ﻋﻠﻴﻬﺎ ﻭﺿﺮﺑﻬﺎ ﺑﻘﺴﻮﺓ ﻭﻣﺎ ﺭﺍﻋﻰ ﻟﻲ ﺩﻣﻮﻋﻬﺎ ﻓﺎﻛﻴﺪ ﻣﺎ ﺡ ﻳﺮﺣﻢ ﻣﻴﺎﻣﻦ ﻟﻮ ﺃﺩﺧﻠﺖ ﻓﻲ ﺍﻟﻤﻮﺿﻮﻉ ﻭﻣﺎ ﺡ ﻳﺨﻠﻴﻬﺎ ﻓﻲ ﺣﺎﻟﻬﺎ ﻭﺡ ﻳﻌﻤﻞ ﻟﻴﻬﺎ ﺷﻲ ﺃﻧﺎ ﻣﺘﺎﻛﺪ ﻓﻌﺸﺎﻥ ﻛﺪﺍ ﻗﻠﺖ ﻟﻴﻬﺎ ﻣﺎ ﺗﺘﺪﺧﻠﻲ ﻭﺑﻄﻠﻲ ﺣﺸﺮﻳﺔ ﺑﺲ ﻫﻲ ﻛﺎﻧﺖ ﻓﺎﻫﻤﺎﻧﻲ ﻏﻠﻂ ﻭﻣﺎ ﻗﺪﺭﺕ ﺗﻔﻬﻢ ﺍﻟﻤﻌﻨﻰ ﺍﻟﺤﺮﻓﻲ ﺍﻻﻧﺎ ﺑﺤﺎﻭﻝ ﺃﻭﺻﻠﻮ ﻟﻴﻬﺎ ﻣﻦ ﺧﻼﻝ ﻛﻼﻣﻲ، ﺃﻧﻔﻌﻠﺖ ﻭﻗﺎﻟﺖ ﻟﻲ ﺡ ﺃﺩﺧﻞ ﻻﻧﻲ ﻣﺮﻳﺖ ﺑﻨﻔﺲ ﻣﻮﻗﻔﻬﺎ ﻭﺃﻧﻀﺮﺑﺖ ﻧﻔﺲ ﺍﻟﻀﺮﺏ ﺩﺍً ﻭﻟﻨﻔﺲ ﺍﻟﺴﺒﺐ، ﺍﻧﺎ ﺍﻟﻠﺤﻈﺔ ﺩﻳﻚ ﻣﺎ ﻓﺎﻫﻢ ﺷﻲ، ﻫﻲ ﻗﺼﺪﻫﺎ ﺷﻨﻮ ﺑﺎﻟﻈﺒﻂ ! ﺍﻟﻤﻮﻗﻒ ﻳﺎﺗﻮ! ﺣﻖ ﺃﻧﻬﺎ ﻛﺎﻧﺖ ﺣﺎﻣﻞ ﻭﺃﺟﻬﻀﺖ ﻭﻻ ﺣﻖ ﺭﺍﺟﻠﻬﺎ ﻟﻤﻦ ﺿﺮﺑﻬﺎ ﻭﻻ ﺣﻖ ﺍﻟﻄﻼﻕ! ﻻ ﺩﻗﻴﻘﺔ ﺍﻟﻜﻼﻡ ﺩﺍ ﻛﻠﻮ ﺑﻴﻌﻨﻲ ﺃﻧﻬﺎ ﻛﺎﻧﺖ ﻣﺘﺰﻭﺟﺔ؟! ، ﻛﻨﺖ ﺑﺴﺎﻝ ﻓﻲ ﻧﻔﺴﻲ ﺍﻟﺴﺆﺍﻝ ﺩﺍ ﺑﺲ ﻟﻘﻴﺖ ﺃﺟﺎﺑﺘﻮ ﻟﻤﻦ ﻗﺎﻟﺖ ﻟﻲ ﻣﻄﻠﻘﺔ ﺑﺴﻤﻊ ﺍﻟﻜﻠﻤﺔ ﺩﻱ ﻟﻲ ﺃﻛﺘﺮ ﻣﻦ ﺳﻨﺘﻴﻦ، ﺃﻧﺎ ﻫﻨﺎ ﺃﻳﻘﻨﺖ ﺗﻤﺎﻣﺎ ﺃﻧﻬﺎ ﻛﺎﻧﺖ ﻣﺘﺰﻭﺟﺔ ﻭﻋﺎﻧﺖ ﻭﺧﺴﺮﺕ ﺣﺎﺟﺎﺕ ﻛﺘﺘﺘﻴﺮﺓ ﻓﻲ ﺳﺒﻴﻞ ﺍﻟﺰﻭﺍﺝ ﺩﺍ، ﻭﺑﻌﺪ ﻣﺎ ﺭﺟﻌﺖ ﺍﻟﺒﻴﺖ ﻟﺴﻪ ﻫﻲ ﻛﺎﻧﺖ ﺷﻐﺎﻟﺔ ﺗﻔﻜﻴﺮﻱ ﻭﻋﻠﻘﻲ ﻭﺑﺪﻭﻥ ﻣﺎ ﺃﻏﻴﺮ ﻣﻼﺑﺴﻲ ﺍﻟﻤﻠﺒﻮﻟﺔ ﻣﺸﻴﺖ ﻟﻲ ﺃﻣﻲ ﻛﻨﺖ ﻋﺎﻭﺯ ﺃﺳﺎﻟﻬﺎ ﻣﻨﻬﺎ ﻭﻣﻦ ﻗﺼﺔ ﺯﻭﺍﺟﻬﺎ ﺑﺲ ﻟﻤﻦ ﺩﺧﻠﺖ ﺍﻟﻐﺮﻓﺔ ﻣﺎ ﻋﺮﻓﺖ ﺃﻗﻮﻝ ﺷﻨﻮ، ﻃﻴﺐ ﺡ ﺃﺳﺎﻟﻬﺎ ﻛﻴﻒ! ، ﻫﻲ ﻗﺎﻟﺖ ﻟﻲ ﺯﻧﻘﺘﻚ ﺍﻟﻤﻄﺮﺓ ﻓﻲ ﺍﻟﺸﺎﺭﻉ ﻭﻻ ﺷﻨﻮ ﻣﻼﺑﺴﻚ ﻛﻠﻬﺎ ﻣﻮﻳﺔ! ﻗﻠﺖ ﻟﻴﻬﺎ ﺇﻳﻮﺓ .. ﺇﻳﻮﺓ ﻗﺎﻟﺖ ﻟﻲ ﺃﻣﺶ ﻏﻴﺮﻫﻢ ﻭﺗﻌﺎﻝ ﺃﺧﺖ ﻟﻴﻚ ﺍﻟﻐﺪﺍ، ﺻﺮﺍﺣﺔ ﻣﺎ ﻓﻬﻤﺖ ﺷﻲ ﻟﻲ ﺑﺎﻗﻲ ﺍﻟﻴﻮﻡ ﻭﺣﺎﻭﻟﺘﺎ ﻛﺬﺍ ﻣﺮﺓ ﺃﺳﺎﻝ ﺃﻣﻲ ﺑﺲ ﻣﺎ ﻛﻨﺖ ﻗﺎﺩﺭ ﺃﻃﻠﻊ ﺍﻟﻜﻼﻡ ﻭﺃﺳﺎﻝ، ﻭﺍﻟﻴﻮﻡ ﺍﻟﺘﺎﻧﻲ ﻟﻤﻦ ﻣﺎ ﺟﺎﺕ ﺍﻟﻤﺴﺘﺸﻔﻰ ﻣﺸﻴﺖ ﺳﺎﻟﺖ ﻣﻨﻬﺎ ﺻﺤﺒﺎﺗﻬﺎ ﻗﺎﻟﻮ ﻟﻲ ﺃﻧﻬﺎ ﻣﺮﻳﻀﺔ ﻭﻣﺎ ﺡ ﺗﻘﺪﺭ ﺗﺠﻲ ﻫﻨﺎ ﻳﺎﺩﺍﺏ ﻗﻠﺒﻲ ﺃﻃﻤﻦ ﺷﻮﻳﺔ ﻻﻧﻲ ﻛﻨﺖ ﺧﺎﻳﻒ ﺃﻧﻬﺎ ﺗﻜﻮﻥ ﻣﻀﺎﻳﻘﺔ ﻻﻧﻮ ﺣﺎﻟﺘﻬﺎ ﻛﺎﻧﺖ ﺻﻌﺒﺔ ﺷﺪﺩﻳﺪ ﻟﻤﻦ ﻭﺩﻳﺘﻬﺎ ﺍﻟﺒﻴﺖ، ﻭﻗﺒﻞ ﻣﺎ ﺃﻣﺶ ﻣﻨﻬﻢ ﻗﻠﺖ ﻟﻴﻬﻢ ﻋﺎﻳﻨﻮ ﺑﺎﻟﻨﺴﺒﺔ ﻟﻲ ﺍﻟﻘﺼﺔ ﺍﻟﺤﺼﻠﺖ ﺃﻣﺒﺎﺭﺡ ﻭﺍﻟﺒﺖ ﺍﻟﺠﺎﺕ ﻫﻨﺎ ﻭﺭﺍﺟﻠﻬﺎ ﺿﺮﺑﻬﺎ ﻗﻮﻟﻮ ﻟﻲ ﻣﻴﺎﻣﻦ ﻣﺎ ﺗﺘﺪﺧﻞ ﻓﻲ ﺍﻟﻘﺼﺔ ﺩﻱ ﻻﻧﻮ ﻣﺎﻑ ﻣﺼﻠﺤﺘﻬﺎ ﺍﻟﻜﻼﻡ ﺩﺍ ﻭﻣﺸﻴﺖ ﺧﻠﻴﻬﻢ ﻛﺎﻥ ﻻﺯﻡ ﺃﻧﺒﻬﻬﻢ ﻻﻧﻲ ﻋﺎﺭﻑ ﻣﻴﺎﻣﻦ ﻋﻨﻴﺪﺓ ﺟﺪﺍً ﻭﻣﺎ ﺡ ﺗﺴﻤﻊ ﻛﻼﻣﻲ ﺑﺲ ﻣﻤﻜﻦ ﺗﺴﻤﻊ ﻛﻼﻡ ﺻﺤﺒﺎﺗﻬﺎ.... ________________________ ﻟﻤﻦ ﻧﺰﻟﺖ ﺍﻟﺸﻐﻞ ﻛﻨﺖ ﻣﺘﻮﻗﻌﺔ ﺃﻧﻲ ﺡ ﺃﻟﻘﻰ ﺍﻟﺒﺖ ﺍﻻﺟﻬﻀﺖ ﻭﺭﺍﺟﻠﻬﺎ ﺩﻗﺎﻫﺎ ﺩﻳﻚ ﻟﻜﻦ ﻣﺎ ﻟﻘﻴﺘﻬﺎ ﺯﻋﻠﺖ ﺷﺪﺩﺩﻳﺪ ﻻﻧﻲ ﺣﺎﺳﺔ ﺃﻧﻬﺎ ﺑﺘﻤﺮ ﺑﻨﻔﺲ ﺍﻟﻤﻌﺎﻧﺎﺓ ﺍﻷﻧﺎ ﻋﺸﺘﻬﺎ ﻭﻛﺎﻥ ﻣﻦ ﺍﻟﻤﻔﺮﻭﺽ ﺃﻋﻤﻞ ﺷﻲ ﻭﺃﺳﺎﻋﺪﻫﺎ ﺑﺲ ﻣﺎ ﻋﺎﺭﻓﺔ ﺡ ﺃﻟﻘﺎﻫﺎ ﻭﻳﻦ ﺗﺎﻧﻲ، ﺑﻌﺪ ﺻﻠﻴﺖ ﺍﻟﻈﻬﺮ ﻭﻃﻠﻌﺖ ﻣﻦ ﺍﻟﻤﺼﻠﻰ ﻭﺃﻧﺎ ﻣﺎﺷﺔ ﻋﻠﻰ ﺍﻟﻘﺴﻢ ﻛﺪﺍ ﻻﻗﺎﻧﻲ ﺩﻛﺘﻮﺭ ﻳﺤﻴﻰ، ﻗﺎﻝ ﻟﻲ ﺍﻟﻤﻴﺎﻣﻦ⁦ ⁩ ﻗﻠﺖ ﻟﻴﻬﻮ ﻳﺎ ﻫﻼ ﻗﺎﻝ ﻟﻲ ﺑﻘﻴﺘﻲ ﻛﻴﻒ؟! ﻗﻠﺖ ﻟﻴﻬﻮ ﺃﺣﺴﻦ ﺑﻲ ﻛﺘﺘﻴﻴﺮ ﻣﻦ ﺍﻷﻭﻝ، ﻣﺪﺍ ﻟﻲ ﺑﻮﺗﻞ ﺻﻐﻴﺮﺓ ﻭﻗﺎﻝ ﻟﻲ ﺩﻱ ﺷﻮﺭﺑﺔ ﻋﻤﻠﺘﻬﺎ ﻟﻴﻚ ﺡ ﺗﻔﻴﺪﻙ ﻭﺗﺨﻔﻒ ﻟﻴﻚ ﺍﻻﻟﺘﻬﺎﺏ، ﺷﻠﺘﻬﺎ ﻣﻨﻮ ﻭﻗﻠﺖ ﻟﻴﻬﻮ ﺷﻜﺮﺍﺍ ﺷﺪﺩﻳﺪ ﻗﺎﻝ ﻟﻲ ﺍﻟﻌﻔﻮﺍً ﻣﺎ ﺑﻴﻨﺎﺗﻨﺎ⁦، ⁩ ﺃﻧﺴﺒﻄﺖ ﺟﺪﺍً ﻟﻤﻦ ﺃﺩﺍﻧﻲ ﻟﻴﻬﺎ ﻣﺎ ﻋﺎﺭﻓﺔ ﻟﻲ ﺣﺘﻰ ﺃﻧﻲ ﻣﺸﻴﺖ ﻟﻲ ﻧﺎﺱ ﺑﺮﺍﺀﺓ ﻭﺃﻧﺎ ﻓﺮﺣﺎﻧﺔ ﻭﺑﺒﺘﺴﻢ، ﺍﻻﺀ ﻗﺎﻟﺖ ﻟﻲ ﺩﻱ ﺷﻨﻮ! ﻗﻠﺖ ﻟﻴﻬﺎ ﺷﻮﺭﺑﺔ ﻋﻤﻠﻬﺎ ﻟﻲ ﺩﻛﺘﻮﺭ ﻳﺤﻴﻰ ﻣﺨﺼﻮﺹ ﻗﺎﻟﺖ ﻟﻲ ﺃﺣﺤﻲ ﺃﻧﺎ ﻣﻦ ﻳﺤﻴﻰ ﺩﺍ، ﺑﺮﺍﺀﺓ ﻗﺎﻟﺖ ﻟﻴﻬﺎ ﻫﻴﻲ ﺑﻄﻠﻲ ﺃﻧﺒﺮﺍﺵ ﺍﻟﻮﺩ ﻃﻠﻊ ﺧﺎﻃﺐ، ﻗﺎﻟﺖ ﻟﻴﻬﺎ ﺃﻧﺎ ﺑﻌﺪ ﻗﻠﺖ ﺃﻧﺴﻰ ﺍﻟﻤﻮﺍﺟﻊ ﺍﻟﺤﺰﻳﻨﺔ ﺗﺠﻲ ﺇﻧﺘﻲ ﺗﺬﻛﺮﻳﻨﻲ ﺑﻴﻬﺎ ﺃﺧﺨﺦ ﺑﺲ ﻳﺎ ﻗﻠﺒﻲ ﻭﻋﻤﻠﺖ ﺣﺮﻛﺔ ﻛﺪﺓ ﺑﻲ ﻳﺪﻫﺎ، ﻗﻠﺖ ﻟﻴﻬﺎ ﺍﻻﺀ ﺇﻧﺘﻲ ﺩﺭﺍﻣﺎ ﻛﻮﻳﻴﻦ ﻋﻠﻰ ﻓﻜﺮﺓ ﻗﺎﻟﺖ ﻟﻲ ﻋﺎﺭﻓﺔ ﻋﺎﺭﻓﺔ، ﺑﻌﺪ ﺧﻠﺼﺖ ﻣﻦ ﺍﻟﺸﻮﺭﺑﺔ ﻏﺴﻠﺖ ﺍﻟﺒﻮﺗﻞ ﻭﻣﺸﻴﺖ ﻣﻜﺘﺒﻮ ﻟﻴﺤﻴﻰ ﻟﻘﻴﺖ ﻣﻌﺎﻫﻮ ﻫﺒﺔ ﻗﺎﻋﺪﻳﻦ ﺑﺘﻮﻧﺴﻮ ﻭﺑﻀﺤﻜﻮ، ﻣﺪﻳﺖ ﻟﻴﻬﻮ ﺍﻟﺒﻮﺗﻞ ﻭﻗﻠﺖ ﻟﻴﻬﻮ ﺑﺎﻟﺠﺪ ﺗﺴﻠﻢ ﻛﺎﻧﺖ ﺳﻤﺤﺔ ﻭﺣﺴﻴﺖ ﻧﻔﺴﻲ ﺃﺭﺗﺤﺖ ﺃﻛﺘﺮ ﻗﺎﻝ ﻟﻲ ﺍﻟﻠﻪ ﻳﺴﻠﻤﻚ ﻳﺎﺍﺧﻲ⁦ ⁩ ﻣﻦ ﻗﺎﻝ ﻟﻲ ﻛﺪﺍ ﺃﻧﺎ ﺑﻘﻴﺖ ﺑﺒﺘﺴﻢ ﻣﻦ ﺗﺤﺖ ﺍﻟﻨﻘﺎﺏ ﻭﺑﻌﺎﻳﻦ ﻟﻴﻬﻮ ﻭﻣﺎ ﻗﺎﺩﺭﺓ ﺃﺗﺤﺮﻙ ﻟﻤﻦ ﺳﻤﻌﺖ ﺻﻮﺕ ﻫﺒﺔ ﻗﺎﻟﺖ ﻟﻲ ﺃﺣﻢ ﺃﺣﻢ، ﺣﺘﻰ ﻫﻨﺎ ﺃﻧﺎ ﻳﺎﺩﺍﺏ ﻭﻋﻴﺖ ﻋﻠﻰ ﻧﻔﺴﻲ ﻭﻃﻠﻌﺖ ﺑﺮﺓ ﺍﻟﻤﻜﺘﺐ ﻭﺃﻧﺎ ﻣﺘﻠﺒﻜﺔ ﻭﻗﻠﺒﻲ ﺑﻴﻀﺮﺏ ﻭﻛﻨﺖ ﺑﺴﺎﻝ ﻓﻲ ﻧﻔﺴﻲ ﺩﺍً ﺷﻨﻮ ﺍﻟﻬﺒﻞ ﺍﻷﻧﺎ ﻋﻤﻠﺘﻮ ﺟﻮﺍ ﺩﺍً، ﺗﺎﻧﻲ ﻣﺎ ﺃﺷﺘﻐﻠﺖ ﺑﻲ ﺍﻟﻤﻮﺿﻮﻉ ﻛﺘﺘﻴﺮ ﻭﺗﻤﻴﺖ ﺷﻐﻠﺘﻲ ... ﻓﻲ ﻧﺺ ﺍﻟﺸﻐﻞ ﻛﺪﺓ ﻛﻨﺖ ﺳﺮﺣﺎﻧﺔ ﻭﻣﺎ ﻣﺮﻛﺰﺓ ﺑﺮﺍﺀﺓ ﻟﻜﺰﺗﻨﻲ ﺑﻴﺪﻫﺎ ﻭﻗﺎﻟﺖ ﻟﻲ ﻣﻴﺎﻣﻦ ﻓﻲ ﺷﻨﻮ ﻣﺎﻟﻚ ﺯﻱ ﺍﻟﻤﻬﻤﻮﻣﻪ؟! ﻗﻠﺖ ﻟﻴﻬﺎ ﺑﺼﺮﺍﺣﺔ ﺍﻟﺒﺖ ﺍﻟﻜﺎﻥ ﺟﺎﺑﻮﻫﺎ ﻟﻴﻨﺎ ﻫﻨﺎ ﻗﺒﻞ ﻛﻢ ﻳﻮﻡ ﺩﻳﻚ ﺷﻐﺎﻟﺔ ﺑﺎﻟﻲ ﻭﺣﺎﺳﺔ ﺃﻧﻲ ﻻﺯﻡ ﺃﺳﺎﻋﺪﻫﺎ ﻗﺎﻟﺖ ﻟﻲ ﻳﺎﺗﻮ ﺑﺖ؟! ﻗﻠﺖ ﻟﻴﻬﺎ ﺍﻟﻜﺎﻧﺖ ﺣﺎﻣﻞ ﻭﺃﺟﻬﻀﺖ ﻗﺎﻟﺖ ﻟﻲ ﺃﻫﺎ ﻗﻠﺖ ﻟﻴﻬﺎ ﻋﺎﻭﺯﺓ ﻃﺮﻳﻘﺔ ﺗﻠﻤﻨﻲ ﻓﻴﻬﺎ ﺑﺲ ﻣﺎ ﻻﻗﻴﺔ ﻭﺿﻤﻴﺮﻱ ﻣﺎ ﺡ ﻳﺮﺗﺎﺡ ﺇﺫﺍ ﻣﺎ ﺳﺎﻋﺪﺗﻬﺎ ﻗﺎﻟﺖ ﻟﻲ ﻣﻴﺎﻣﻦ ﺃﺑﻌﺪﻱ ﻣﻦ ﺍﻟﻤﻮﺿﻮﻉ ﺩﺍ ﺑﺎﻟﺬﺍﺕ ﻻﻧﻮ ﺩﻛﺘﻮﺭ ﻳﺤﻴﻰ ﻧﺒﻬﻨﺎ ﻧﻮﺭﻳﻚ ﺃﻧﻮ ﻣﺎ ﻓﻲ ﺻﺎﻟﺤﻚ ﺗﺘﻮﺭﻃﻲ ﻓﻲ ﻗﺼﺔ ﺯﻱ ﺩﻱ ﻗﻠﺖ ﻟﻴﻬﺎ ﻣﺎ ﻋﻨﺪﻱ ﺑﻴﻬﻮ ﺷﻐﻠﺔ ﻭﺑﻌﺪﻳﻦ ﺃﻧﺘﻮ ﻋﺎﺭﻓﻴﻦ ﺃﻧﺎ ﻣﺮﻳﺖ ﺑﺸﻨﻮ ﻭﻓﺎﻫﻤﻴﻦ ﺃﺣﺴﺎﺳﻲ ﻛﻮﻳﺲ ﻓﻼﺯﻡ ﺗﻌﺮﻓﻮ ﺃﻧﻲ ﻣﻔﺮﻭﺽ ﺃﺳﺎﻋﺪﻫﺎ، ﺑﺮﺍﺀﺓ ﻗﺎﻟﺖ ﻟﻲ ﻛﺪﻱ ﻗﻮﻟﻲ ﻟﻤﻴﺘﻲ ﻓﻴﻬﺎ ﺡ ﺗﺴﺎﻋﺪﻳﻬﺎ ﻛﻴﻒ! ﻗﻠﺖ ﻟﻴﻬﺎ ﺡ ﺃﻋﺮﺽ ﻋﻠﻴﻬﺎ ﺗﺘﻜﻠﻢ ﻣﻊ ﺍﻟﺸﺮﻃﺔ ﻭﺃﻗﻴﻒ ﺟﻨﺒﻬﺎ ﻟﻤﻦ ﺭﺍﺟﻠﻬﺎ ﻳﻄﻠﻘﻬﺎ ﻭﺃﻗﻨﻌﻬﺎ ﺑﻲ ﺃﻧﻮ ﺍﻟﻄﻼﻕ ﻣﺎ ﻋﻴﺐ ﻭﻣﺎ ﺣﺎﺟﺔ ﺑﺨﺠﻠﻮ ﻣﻨﻬﺎ ﻭﺃﻧﻮ ﺃﻫﻢ ﺷﻲ ﺭﺍﺣﺘﻬﺎ ﻭﺃﻧﺎ ﻣﺘﺎﻛﺪﺓ ﺍﻧﻬﺎ ﻣﺎ ﻣﺮﺗﺎﺣﺔ ﻣﻌﺎﻫﻮ، ﻳﺎﺍﺧﻲ ﻣﺎ ﺷﻔﺘﻲ ﺍﻟﻄﺮﻳﻘﺔ ﺍﻟﺮﻣﺎﻫﺎ ﺑﻴﻬﺎ ﻛﻴﻒ ﻭﺩﻗﻬﺎ ﺩﻕ ﻭﻻ ﺭﺍﻋﻰ ﻟﻲ ﺣﺘﺔ ﺃﻧﻬﺎ ﻋﻴﺎﻧﺔ، ﻭﺣﺘﻰ ﻭﻻ ﻫﻤﺎﻫﻮ ﺃﺫﺍ ﻋﺎﺷﺖ ﺃﻭ ﻣﺎﺗﺖ ﺑﺲ ﻛﻞ ﻫﻤﻮ ﻛﺎﻥ ﺃﻧﻮ ﺗﺠﻴﺐ ﻟﻴﻬﻮ ﻋﻴﺎﻝ ﻗﺎﻟﺖ ﻟﻲ ﺣﺴﺒﻲ ﺍﻟﻠﻪ ﺑﺲ ﻗﻠﺖ ﻟﻴﻬﺎ ﺃﺧﺦ ﻣﺎ ﻋﺎﻳﺰﺓ ﺯﻭﻝ ﻳﻤﺮ ﺑﻨﻔﺲ ﺍﻻﻧﺎ ﻣﺮﻳﺖ ﺑﻴﻬﻮ ﻻﻧﻮ ﺟﺪ ﻛﺎﻥ ﺻﻌﺐ، ﺍﻻﺀ ﻗﺎﻟﺖ ﻟﻲ ﻃﻴﺐ ﻋﺎﻳﻨﻲ ﻋﻨﺪﻱ ﻟﻴﻚ ﻓﻜﺮﺓ ﺡ ﺗﺨﻠﻴﻚ ﺗﺼﻠﻲ ﻟﻲ ﺍﻟﺒﺖ ﺩﻱ ﻗﻠﺖ ﻟﻴﻬﺎ ﺃﺣﻜﻲ ﺳﺮﻳﻌﻊ ﻗﺎﻟﺖ ﻟﻲ ﻣﺶ ﺃﻱ ﻣﺮﻳﺾ ﻟﻤﻦ ﻳﺠﻲ ﺩﺍﺧﻞ ﺍﻟﻤﺴﺘﺸﻔﻰ ﺑﺸﻴﻠﻮ ﻣﻨﻮ ﺗﻔﺎﺻﻴﻞ؟! ﻗﻠﺖ ﻟﻴﻬﺎ ﺇﻳﻲ ﻗﺎﻟﺖ ﻟﻲ ﻳﻼ ﺑﺲ ﺑﻌﺪﻳﻦ ﺍﻟﻤﺴﺎﺀ ﻟﻤﻦ ﻳﺠﻲ ﻭﻗﺖ ﺍﻟﺪﻳﻮﺗﻲ ﺗﻤﺸﻲ ﺇﻧﺘﻲ ﻭﺑﺮﺍﺀﺓ ﺍﻟﺮﺳﺒﺸﻦ ﺑﻜﻮﻥ ﻋﻨﺪﻫﻢ ﺍﻟﺪﻓﺘﺮ ﻓﻴﻬﻮ ﺃﺳﻤﺎﺀ ﺍﻟﻤﺮﺿﻰ ﻛﻠﻬﻢ ﻭﺃﺭﻗﺎﻡ ﺗﻠﻔﻮﻧﺎﺗﻬﻢ، ﺑﺮﺍﺀﺓ ﻗﺎﻟﺖ ﻟﻴﻬﺎ ﻟﻜﻦ ﺡ ﻧﻌﺮﻑ ﺍﻻﺳﻢ ﻛﻴﻒ! ﻭﻏﻴﺮ ﻛﺪﺓ ﻧﺎﺱ ﺍﻟﻤﺴﺘﺸﻔﻰ ﻣﺎ ﺑﺪﻭ ﻣﻌﻠﻮﻣﺎﺕ ﻋﻦ ﻣﺮﻳﺾ ﻟﻮ ﺷﻨﻮ ﺩﺍﻙ، ﻗﺎﻟﺖ ﻟﻴﻬﺎ ﺃﺻﺒﺮﻱ ﺃﻛﻤﻞ ﻟﻴﻚ ﺃﻭﻝ ﺷﻲ ﺗﻤﺸﻮ ﺗﻘﻴﻔﻮ ﻣﻊ ﺷﻴﻤﺎﺀ " ﺩﺍ ﺍﻟﺒﺖ ﺍﻟﺸﻐﺎﻟﺔ ﻓﻲ ﺍﻟﺮﺳﺒﺸﻦ " ﻭﺗﺘﻮﻧﺴﻮ ﻣﻌﺎﻫﺎ ﻭﺗﺠﻴﺒﻮ ﻟﻴﻬﺎ ﺳﻴﺮﺓ ﺍﻟﺤﺼﻞ ﻳﻮﻡ ﺩﺍﻙ ﻭﺗﻘﻮﻣﻲ ﺗﺴﺎﻟﻴﻬﺎ ﻣﻦ ﺃﺳﻢ ﺍﻟﺒﺖ ﻛﺎﻣﻞ ﻫﻲ ﺑﺘﻜﻮﻥ ﻋﺎﺭﻓﺎﻫﻮ ﻭﺑﻌﺪﻫﺎ ﺗﻘﻮﻣﻲ ﺇﻧﺘﻲ ﻳﺎ ﺑﺮﺍﺀﺓ ﺗﻘﻮﻟﻲ ﻟﻲ ﻣﻴﺎﻣﻦ ﺃﺭﺡ ﻣﻌﺎﻱ ﺍﻟﻜﺎﻓﺘﻴﺮﻳﺎ ﺃﺟﻴﺐ ﺃﻛﻞ ﻭﻫﻲ ﺗﻘﻮﻝ ﻟﻴﻚ ﻣﺎ ﺑﺘﻘﺪﺭ ﻭﺗﺘﺤﺠﺞ ﻭﻭ ... ، ﻟﻤﻦ ﺗﺤﺠﺞ ﺗﻘﻮﻟﻲ ﻟﻲ ﺷﻴﻤﺎﺀ ﺃﺭﺡ ﻣﻌﺎﻱ ﻭﺧﻠﻲ ﻣﻴﺎﻣﻦ ﺗﻘﻴﻒ ﻟﻴﻚ ﻓﻲ ﻣﻜﺎﻧﻚ ﻭﻟﻮ ﺃﺑﺖ ﺗﺤﻨﺴﻴﻬﺎ ﻭﺗﻤﺸﻮ ﻭﺗﺎﺧﺮﻳﻬﺎ ﻫﻨﺎﻙ ﻭﺗﻌﻤﻠﻲ ﻧﻔﺴﻚ ﻣﺤﺘﺎﺭﺓ ﺗﺸﺘﺮﻱ ﺷﻨﻮ، ﻭﻭﻗﺖ ﺗﻤﺸﻮ ﻣﻴﺎﻣﻦ ﺗﻔﺶ ﺍﻟﺴﺠﻼﺕ ﻭﺗﺸﻴﻞ ﺍﻟﺮﻗﻢ ﻭﺑﻌﺪﻫﺎ ﺗﻀﺮﺏ ﻟﻴﻚ ﻳﺎ ﺑﺮﺍﺀﺓ ﻧﻈﺎﻡ ﺃﻧﺎ ﺃﻧﺘﻬﻴﺖ، ﻗﻠﺖ ﻟﻴﻬﺎ ﻓﻜﺮﺓ ﺩﺭﻋﺔ ﻋﺪﺩﺩﻳﻞ ﺃﺳﺎﺳﺎ ﺷﻴﻤﺎﺀ ﺩﻱ ﻣﺼﺤﺒﺎﻧﺎ ﻣﻦ ﺃﻭﻝ ﻳﻮﻡ ﺟﻴﻨﺎ ﻓﻴﻬﻮ ﻓﺎﻛﻴﺪ ﺡ ﺗﻤﺶ ﻣﻊ ﺑﺮﺍﺀﺓ ﻟﻤﻦ ﺗﺘﻄﻠﺐ ﻣﻨﻬﺎ، ﺑﺮﺍﺀﺓ ﻗﺎﻟﺖ ﻟﻴﻬﺎ ﺃﻧﺎ ﻓﻬﻤﺖ ﺃﻱ ﺣﺎﺟﺔ ﻟﻜﻦ ﻟﻲ ﻳﻌﻨﻲ ﻳﺎ ﺍﻻﺀ ﻧﻤﺸﻲ ﻭﻗﺖ ﺍﻟﺪﻳﻮﺗﻲ ﻣﺨﺼﻮﺹ ﻣﺎ ﻣﻤﻜﻦ ﻧﻤﺶ ﻫﺴﻲ؟! ، ﺍﻻﺀ ﻗﺎﻟﺖ ﻟﻴﻬﺎ ﻫﺴﻲ ﺍﻟﻨﺎﺱ ﺑﺘﻜﻮﻥ ﻛﺘﺎﺍﺍﺭ ﻭﻏﻴﺮ ﻛﺪﺓ ﺡ ﻳﺸﻮﻓﻮ ﻣﻴﺎﻣﻦ ﻭﻫﻲ ﺑﺘﺸﻴﻞ ﻓﻲ ﺍﻟﺮﻗﻢ ﻟﻜﻦ ﺑﻠﻴﻞ ﻣﺎ ﺑﺠﻲ ﺯﻭﻝ ﻭﺍﻟﻤﺴﺘﺸﻔﻰ ﺑﻜﻮﻥ ﻓﺎﺿﻲ ﻣﺎ ﻓﻴﻬﻮ ﺯﻭﻝ ﻏﻴﺮ ﺍﻟﺪﻛﺎﺗﺮ ﻭﺩﻳﻞ ﺑﻜﻮﻧﻮ ﻣﺸﻐﻮﻟﻴﻦ ﻣﻊ ﺍﻟﻤﺮﺿﻰ ﺑﺘﺎﻋﻨﻬﻢ، ﺑﺮﺍﺀﺓ ﻗﺎﻟﺖ ﻟﻴﻬﺎ ﻃﻠﻌﺘﻲ ﺑﺘﻌﺮﻓﻲ ﺗﻔﻜﺮﻱ، ﻗﺎﻟﺖ ﻟﻴﻬﺎ ﺃﺣﻢ ﺃﺣﻢ ﺍﻟﻠﻪ ﻳﺨﻠﻴﻨﻲ ﻟﻴﻜﻢ ﻭﻳﺒﻬﺮﻛﻢ ﺑﻌﻠﻘﻲ ﺍﻟﺬﻛﻰ ﺩﺍﻳﻤﺎ ..... ﻭﺑﺎﻟﻔﻌﻞ ﺃﻧﺘﻈﺮﻧﺎ ﻟﻤﻦ ﺟﺎﺕ ﺍﻟﺴﺎﻋﺔ 12 ﻣﺴﺎﺀ ﺟﺎﺕ ﻭﺑﻌﺪﻫﺎ ﻣﺸﻴﻨﺎ ﺍﻟﺮﺳﺒﺸﻦ، ﺑﺮﺍﺀﺓ ﻃﻮﺍﻟﻲ ﺑﺪﺕ ﺗﺘﻜﻠﻢ ﻭﻗﺎﻟﺖ ﻟﻴﻬﺎ ﺷﻴﻤﺎﺀ ﺃﺯﻳﻚ، ﻗﺎﻟﺖ ﻟﻴﻬﺎ ﺃﻭﻭ ﺑﺮﺍﺀﺓ ﺃﻫﻠﻴﻦ ﺃﻧﺎ ﻛﻮﻳﺴﺔ ﺍﻟﺤﻤﺪ ﻟﻠﻪ ﺃﻧﺘﻮ ﻛﻴﻒ؟! ﻗﻠﻨﺎ ﻟﻴﻬﺎ ﻛﻮﻳﺴﻴﻦ ﻭﺍﻟﻠﻪ، ﺍﻟﻤﻬﻢ ﺑﺪﻳﻨﺎ ﻧﺘﻮﻧﺲ ﻣﻌﺎﻫﻢ ﻭﻟﺤﺴﻦ ﺍﻟﺤﻆ ﻫﻲ ﺳﺎﻟﺘﻨﻲ ﻭﻗﺎﻟﺖ ﻟﻲ ﺻﺤﻲ ﻳﺎ ﻣﻴﺎﻣﻦ ﻟﻴﻚ ﺗﻼﺗﺔ ﻳﻮﻡ ﻣﺨﺘﻔﻴﺔ ﻭﻣﺎ ﺷﻔﻨﺎﻙ ﻛﻨﺘﻲ ﻭﻳﻦ! ﻗﻠﺖ ﻟﻴﻬﺎ ﺃﻱ ﺃﺧﺮ ﻣﺮﺓ ﺟﻴﺖ ﺍﻟﻤﺴﺘﺸﻔﻰ ﻟﻤﻦ ﺣﺼﻠﺖ ﺍﻟﺠﻮﻃﺔ ﺣﻘﺖ ﺍﻟﺒﺖ ﺍﻟﺤﺎﻣﻞ ﺩﻳﻚ ﻭﺑﻌﺪﻫﺎ ﻋﻴﺖ ﻭﺍﻟﻠﻪ ﺟﺎﻧﻲ ﺍﻟﺘﻬﺎﺏ ﻋﺸﺎﻥ ﻛﺪﺓ ﻣﺎ ﺟﻴﺖ ﻗﺎﻟﺖ ﻟﻲ ﺳﻼﻣﺘﻚ ﺣﺒﻴﻴﺒﺘﻲ ﻗﻠﺖ ﻟﻴﻬﺎ ﺍﻟﻠﻪ ﻳﺴﻠﻤﻚ، ﺑﺮﺍﺀﺓ ﻗﺎﻟﺖ ﻟﻴﻬﺎ ﺻﺤﻲ ﺇﻧﺘﻲ ﺍﻟﺒﺖ ﺣﺼﻞ ﺷﻨﻮ ﻓﻲ ﻣﻮﺿﻮﻋﻬﺎ! ﻗﺎﻟﺖ ﻟﻴﻨﺎ ﺑﻌﺪ ﻣﺎ ﺩﻛﺘﻮﺭ ﻳﺤﻴﻰ ﻃﻠﻊ ﺍﻟﺮﺍﺟﻞ ﻣﻦ ﺍﻟﻤﺴﺘﺸﻔﻰ ﺟﺎﻧﺎ ﺗﺎﻧﻲ ﻳﻮﻡ ﻭﺟﺎﺏ ﻣﻌﺎﻫﻮ ﺍﻟﺸﺮﻃﺔ ﻗﺎﻝ ﻧﺎﺱ ﺍﻟﻤﺴﺘﺸﻔﻰ ﺃﺣﻤﻮﻩ ﻳﺴﻮﻕ ﻣﺮﺗﻮ ﻭﺩﻛﺘﻮﺭ ﻳﺤﻴﻰ ﻗﺎﻝ ﻟﻴﻬﻢ ﺍﻟﻤﺮﻳﻀﺔ ﻟﺴﻪ ﻣﺎ ﺍﺗﻌﺎﻓﺖ ﻭﺑﻠﻐﺖ ﺍﻟﺼﺤﺔ، ﻭﺍﻟﻤﻬﻢ ﺣﺼﻠﺖ ﻣﺸﻜﻠﺔ ﻛﺒﻴﺮﺓ ﻋﺮﻳﻀﺔ ﻭﻗﺎﻟﻮ ﻟﻲ ﺩﻛﺘﻮﺭ ﻳﺤﻴﻰ ﺃﻧﻬﺎ ﺑﻌﺪ ﺗﺒﻘﻰ ﻛﻮﻳﺴﺔ ﻫﻤﺎ ﺡ ﻳﺨﺮﺟﻮﻫﺎ ﻣﻦ ﺍﻟﻤﺴﺘﺸﻔﻰ ﻭﻫﻮ ﻭﺍﻓﻖ ﻭﺃﻣﺒﺎﺭﺡ ﻳﺎﺩﺍﺏ ﺍﻟﺒﺖ ﺑﻘﺖ ﻛﻮﻳﺴﺔ ﻭﻃﻠﻌﻮﻫﺎ، ﻗﻠﺖ ﻟﻴﻬﺎ ﻳﺎ ﺣﻠﻴﻠﻬﺎ ﻳﺎﺍﺧﻲ، ﺑﺮﺍﺀﺓ ﻗﺎﻟﺖ ﻟﻴﻬﺎ ﻛﺎﻥ ﺃﺳﻤﻬﺎ ﻣﻨﻮ ﺍﻟﺒﺖ ﻗﻠﺘﻲ ﻟﻲ؟! ﺷﻴﻤﺎﺀ ﻗﺎﻟﺖ ﻟﻴﻬﺎ ﻧﺴﻴﺒﺔ .. ﻧﺴﻴﺒﺔ ﻋﺒﺪﺍﻟﺮﺣﻤﻦ، ﺑﺮﺍﺀﺓ ﻗﺎﻟﺖ ﻟﻴﻬﺎ ﺃﻫﺎ ﻭﻋﺎﻳﻨﺖ ﻟﻲ ﺑﻐﻤﺰﺓ، ﺗﺎﺑﻌﻨﺎ ﺑﺎﻗﻲ ﻛﻼﻣﻨﺎ ﺑﻌﺪﻫﺎ ﺑﺮﺍﺀﺓ ﻗﺎﻟﺖ ﻟﻲ ﺃﻧﺎ ﺟﻌﺖ ﻣﻦ ﺍﻟﻜﻼﻡ ﺍﻟﻜﺘﻴﺮ ﺃﺭﺡ ﻣﻌﺎﻱ ﺍﻟﻜﺎﻓﺘﻴﺮﻳﺎ ﻳﺎ ﻣﻴﺎﻣﻦ ﻗﻠﺖ ﻟﻴﻬﺎ ﻳﺎ ﺭﻳﺖ ﻳﺎﺍﺥ ﺑﺲ ﻣﺎ ﻗﺎﺩﺭﺓ ﺍﺗﺤﺮﻙ ﺗﻌﺒﺎﻧﺔ ﻗﺎﻟﺖ ﻟﻲ ﻣﺎ ﻋﺎﻳﺰﺓ ﺃﻣﺶ ﺑﺮﺍﺍﻱ ﻗﻠﺖ ﻟﻴﻬﺎ ﺧﻼﺹ ﺳﻮﻗﻲ ﻣﻌﺎﻙ ﺷﻴﻤﺎﺀ، ﺷﻴﻤﺎﺀ ﻗﺎﻟﺖ ﻟﻲ ﺃﻧﺎ ﺯﺍﺍﺗﻲ ﺟﻌﺎﻧﺔ ﻭﺍﻟﻠﻪ ﻟﻜﻦ ﻣﺎ ﺑﻘﺪﺭ ﺃﻓﻮﺕ ﻭﺃﺧﻠﻲ ﺍﻟﻤﻜﺎﻥ ﻓﺎﺿﻲ ﻳﻤﻜﻦ ﻳﺠﻲ ﺯﻭﻝ ﻣﺮﻳﺾ ﺃﻭ ﺣﺎﻟﺔ ﺃﺳﻌﺎﻓﻴﺔ ﻗﻠﺖ ﻟﻴﻬﺎ ﻃﻴﺐ ﺃﻧﺎ ﺑﻘﻴﻒ ﻣﻜﺎﻧﻚ ﻭﺃﻧﺘﻮ ﺑﺲ ﺃﻣﺸﻮ ﺟﻴﺒﻮ ﺍﻟﺴﻨﺪﻭﺷﺎﺕ ﺣﻘﺘﻜﻢ ﻭﺗﻌﺎﻟﻮ ﺳﺮﻳﻊ ﺳﺮﻳﻊ ﻗﺎﻟﺖ ﻟﻲ ﻣﻤﻜﻦ، ﻣﺸﺖ ﻫﻲ ﻭﺑﺮﺍﺀﺓ ﻭﺃﻧﺎ ﺃﺗﻠﻔﺘﺎ ﻳﻤﻴﻦ ﺷﻤﺎﻝ ﻭﺃﺗﺎﻛﺪﺕ ﺃﻧﻮ ﻣﺎﻑ ﺯﻭﻝ ﺟﺎﻳﻲ ﺑﻘﻴﺖ ﺃﻓﺘﺶ ﻓﻲ ﺍﻟﺪﻓﺘﺮ ﻭﻓﻲ ﺍﻻﺭﻗﺎﻡ ﻟﺤﺪ ﻣﺎ ﻟﻘﻴﺖ ﺃﺳﻤﻬﺎ، ﺟﺒﺖ ﺗﻠﻔﻮﻧﻲ ﻭﺳﺠﻠﺖ ﺍﻟﺮﻗﻢ ﻭﺃﺑﺘﺴﻤﺖ ﺃﺑﺘﺴﺎﻣﺔ ﻋﺮﻳﻀﺔ ﺃﺣﺴﺎﺱ ﺍﻟﻨﺼﺮ ﻭﻛﺪﺍ ﺑﺲ ﺃﺑﺘﺴﺎﻣﻲ ﺩﻱ ﺃﺗﻼﺷﺖ ﺗﺪﺭﻳﺠﻴﺎ ﻟﻤﻦ ﺳﻤﻌﺖ ﺻﻮﺕ ﺩﻛﺘﻮﺭ ﻳﺤﻴﻰ ﻭﺭﺍﻱ ﻭﺑﻘﻮﻝ ﻟﻲ ﺑﺘﻌﻤﻠﻲ ﻓﻲ ﺷﻨﻮ ﻳﺎ ﻣﻴﺎﻣﻦ؟.....! ________________ _ ﺃﺭُﻳﺪ ﺃﻥ ﺃﻧﺴﻰ ﺫﺍﻙَ ﺍﻟﺠُﺰﺀ ﺍﻟﺴﻲﺀ ﺍﻟﺬﻱ ﺑﺪﺍﺧﻠﻲ، ﺃﺭُﻳﺪ ﺃﻥ ﺃﻧﺴﺎﻩُ ﺣﻴﻨﻤﺎ ﺃﻛﻮُﻥ ﺑﺠُﺎﻧﺒﻚ ⁦ ...⁩ " ﺃﺷﻮﻓﻜﻢ

Free reading for new users

Scan code to download app

App Store Google Play

Facebookexpand_more