Chapter 94
"Pogio! Pogio!" Malakas na sigaw ni Haring Agon sa isang malaking pagong. Agad naman itong mabilis na lumapit sa trono ng hari.
"A-Ano po iyon m-mahal na h-hari?" Utal na tanong nito. Inis naman itong tinignan ng hari at binato ng hawak na kabibe. Hindi ito nakaiwas dahil sa kabagalan kaya nasapol ang likod nito.
"Bakit ang tagal mo?!" Galit na tanong nito sa pugita.
"K-Kasi po inayos ko pa po ang higaan ninyo at p-pagkain. Ipinatawag po rin ako kanina ni Haring Dragoda dahil nagpagawa ng paghihigaan ni Prinsipe Aden." Kinakabahan na sabi nito.
"Haring Dragoda? Sino ba ang hari mo? Bakit mo pa tinatawag na hari ang ama ko? Tawagin ninyo siya ulit sa pagiging prinsipe ako na ang hari at ako lang ang nag-iisa na dapat ninyong ituring na hari! Naiintindihan mo?" Sigaw nito. Na
