PAGKATAPOS ng simbang gabi ay hindi na kami nakatanggi nang imbitahan kami ng buong trabahador na makisalo sa simple nilang handaan dito sa may burol. Buong pagpayag rin na nagpaunlak ang mga Montevista.
Naghanda ang mga trabahador ng masarap na lomi at ibat-ibang delicacies. Mayroong bibingka at puto bungbong, na pinaresan ng isang klasikong pangasi. Gawa iyon sa katas ng niyog kahintulad ng tuba. Masayang nag usapan ng mga matatanda na nagagawa pang makipagbiruan kay Dylux. Magiliw na nakangiti ang mga mata ng lalaki habang nakikipagkwentunhan sa mga matatanda. Hindi peke ang kanyang tawa at makatotohanan ang kanyang bawat salita.
“Senyorito, kumain lang kayo nang kumain. Para sa inyo ang lahat ng nakahanda rito," wika ng mga matatandang trabahador.
“Maraming salamat po sa inyo,
