Mga Anino sa Likod ng Kapangyarihan
Tahimik ang gabi ngunit ramdam ni Lyka ang bigat ng panganib. Kahit nakaupo lamang siya sa sala ng kanilang tahanan, hindi mapawi ang kaba sa kanyang dibdib. Ang mga kamay niya’y malamig, tila ba sinasalamin ang takot na ayaw niyang ipakitang lubos kay Aiden.
“Gov, confirmed na. Si Mayor Orlando ‘Dado’ Javier,” ulit ni Noel habang inilapag sa mesa ang makapal na folder ng ebidensya.
Dahan-dahang tumango si Aiden, at ang matalim niyang mga mata ay nanatili sa dokumentong nakabukas. “Marami siyang ilegal na proyekto dito sa Santa Lucia. Smuggler siya armas, kontrabando… at ang pinakamasahol, droga. Hindi lang simpleng raket ang hawak niya. Isa siyang haligi ng sindikato.”
Humigpit ang hawak ni Lyka sa sofa. Sa bawat salitang binibitawan ni Aiden, mas
