Chapter 24
Habang naglalakad palapit sa bar counter ay marami sa mga customer ang napapasuyod ng tingin sa kabuuan ko. Marahil nakita siguro nila ang komosyon na nangyari kanina. Hanggang ngayon ay nag-iinit pa rin ang magkabilang pisngi ko nang dahil sa sobrang kahihiyan.
Pakiramdam ko ay mapapatalsik na talaga ako ngayon nang dahil sa nangyari. Maraming beses na akong nadisgrasya sa trabaho, at maraming beses na rin akong nakabasag ng kung anu-ano kaya hindi malabo na magpasya na ang management na tanggalin ako sa trabaho.
Hindi ko hahayaang mangyari ‘yon dahil kailangan na kailangan ko talaga ang trabaho na ‘to. Ito ang pangunahing dahilan kung bakit kinakausap na ako ni Mama ngayon. Noon kasi, kahit ang tumingin man lang sa akin ay hindi niya magawa. Kung hahayaan ko lang na mawala
