Mga ilang minuto ang lumipas sa loob ng tahimik na silid. Marahan na lumingon si Arkine mula sa kanyang desk at nakita niyang payapa nang natutulog si CJ. Ang kanyang magandang mukha na kanina lang ay bakas ang pagod at kaba mula sa pakikipag-usap kay JM ay tuluyan nang napalitan ng kapanatagan.
Agad na tumayo si Arkine upang hindi magising ang dalaga. Marahan siyang lumapit sa gilid ng kama at maingat na inayos ang kumot nito hanggang sa may balikat upang masigurong hindi ito giniginaw sa lakas ng aircon. Pagkatapos, humakbang siya patungo sa bintana at hinawi ang bahagya ang kurtina upang bawasan ang silaw ng araw mula sa labas, sapat lang para mapanatili ang madilim at komportable ang silid.
Bago tuluyang bumalik sa kanyang table, tumayo muna siya sa tapat ng kama at tiningnan sandali
