Lumipas ang limang minuto, pero tila tumigil ang oras para sa kanilang dalawa. Ang marahang masahe ni Arkine sa balikat ni CJ ay sapat na para tuluyang bumagsak ang depensa ng doktora. Napasandal nang bahagya si CJ sa upuan, isang malalim na buntong-hininga ang kumawala sa kanyang mga labi.
"Feeling better?" mahinang tanong ni Arkine, ang boses ay malapit sa tenga ni CJ.
"Hmm... huwag kang masanay. Baka singilin kita ng professional fee sa pag-monitor sa akin," biro ni CJ, kahit na nakapikit pa rin ang kanyang mga mata.
Natawa nang mahina si Arkine at dahan-dahang binitiwan ang balikat ni CJ. "Okay na 'yun. Quits na tayo sa pag-aalaga mo sa akin kagabi."
Umupo si Arkine sa tapat ni CJ at kinuha ang isang piraso ng mangga mula sa fruit platter. "Alam mo, CJ, seryoso ako dun sa sinabi ko
