"Arkine, wala lang 'yun, ha!" depensa agad ni CJ sabay iwas ng tingin. Kinuha niya ang kanyang baso na wala na palang laman para lang may mapagbuntunan ng kaba.
Ngumisi si Arkine, isang ngising may kasamang kakaibang kislap sa mga mata. "Anong wala? Pwes, sa akin, punong-puno ng malisya 'yun, CJ. Kaya huwag mo akong ma-'wala-wala' riyan."
Inilapit ni Arkine ang kanyang mukha, sapat na para maramdaman muli ni CJ ang init ng hininga nito. "Baka gusto mong gawin ko sa 'yo ngayon 'yung ginawa mo sa akin kanina?"
Napalunok si CJ. Alam niyang talo na siya sa laro ng titigan, pero ayaw niyang magpakita ng kahinaan. "Baliw ka ba?" untag ng dalaga.
Natawa nang bahagya si Arkine. "May utang ka sa akin, ha," wika ng lalaki. "Maniningil ako 'pag ready ka nang magbayad, pero huwag masyadong matagal
